G O S W I N V S N I C K E L
SOCIETATIS IESV PRAEPOSITVS GENERALIS
Omnibus, in quorum manus he littere nostre venerint, salutem in Domino sempiternam.
CVM Ill(ustrissi)ma D(omina) FRANCISCA COMITISSA SLAWATA nata Comitissa de Meggau pietatis incensa studio, ac amplificande Diuine glorie per ministeria Socie=
tatis nostre in Oppido Telezensi flagrans desiderio eiusdem Societatis Domum tertie probationis ibidem fundare decreuerit, ac pro illius dote in parata pecunia quinquagin=
ta millia florenorum Rhenensium in manus Car(issi)mi Fratris nostri in Christo Andree Schambogen nostre Prouincie Boemie Prepositi Prouincialis (vt ex illius ad nos datis
litteris 11. Decembris proximè lapsi 1653. accepimus) plenè numerauerit; necnon ad eundem finem nobile predium vicinum cum horreis, agris, ac insigni horto suburbano
emerit, ac Domum nobis a fundamentis edificauerit, et perfecerit, eamque necessaria supellectili abundè iam instruxerit, ac demùm Templum ad vsus nostros aptauerit, & ijs, que
tam illi, quàm Sacristie vsui esse solent, ornauerit, Nos eodem desiderio ducti dicte Ill(ustrissi)me D(omine) COMITISSAE pietati, propenseque erga Societatem nostram voluntati, quoad
in nobis est, respondere, ipsique satisfacere exoptantes, fundationem huiusmodi tam nostro, quàm successorum nostrorum nomine omni, quo possumus meliori modo, ac forma cum hu=
mili gratiarum actione recipimus, et admittimus, dotemque prefatam eidem Domui tertie probationis pro illius fundatione, ac stabilitate iuxta eiusdem Societatis Constitutiones,
ac morem perpetuò tribuimus, et applicamus, eamdemque Ill(ustrissi)mam D(ominam) FRANCISCAM COMITISSAM SLAWATA, &c. in Fundatricem dicte Domus tertie probationis Telezensis
cum omnibus prerogatiuis, iuribus, et priuilegijs Fundatoribus Domorum, ac Collegiorum nostrorum ex prefatis Constitutionibus dari solitis libentissimè recipimus, et admittimus, De=
umque Optimum Maximum enixè precamur, vt his ceptis feliciter aspiret, ac de inexhausto dilecti Filij sui meritorum thesauro nostram ipse inopiam supplens, cumulatissimum, ac
sempiternum premium Dominationi sue Ill(ustrissi)me largiri dignetur. In quorum fidem presentes manu nostra subscriptas, et sigillo Societatis nostre munitas dedimus. Rome Die
VI. Ianuarij M D C L I V.
Goswinus Nickel.
Nathanael Sotuelly Sec(retarius)