In nomine domini amen. Ego Johanes dictus Hauenschild de Egra quondam procurator Nobilis domini
Wilhelmi Ebser Capitanei in Spilberg recognosco vniuersis presentibus et futuris presentes litteras inspecturis
emisse me curiam situatam in Konigsfeld vna cum agro circa villam ibidem pro lx marcis bone mo=
nete a thomamissa quondam de montibus kutnis nunc vero Judicissa in znoyma. de qua curia teneor
singulis annis censuare ad festum Sancti michaelis quatuor marcas minus quatuor denarijs fratribus
et domo Carthusiensi monasterij Sancte trinitatis prope Brunam in konigsfeld tanquam veris fundi
dominis Et hanc curiam volo possessionare per me ut colonum. et eo jure tenere quo ceteri subsides predictorum
fratrum dominorum ibidem in konigsfeld residentes omni libertate proculmota. Item cum volo et debeo pati in eisdem
fortuitis casibus occurrentibus seu holdungis aut alijs in iustis grauaminibus equaliter omni gracia de penitus
exclusa. Item si contingat me eandem curiam vendere in futurum promitto me hoc velle facere de voluntate predictorum
fratrum et dominorum et tali homini qui personaliter ibidem residebit omni speciali jure penitus excluso ac dictis penitus ex=
cluso. Et ad predictorum omnium roboris firmitatem Ego dictus Johanes hauenschild de egra appendi Sigillum
meum et insuper petiui honestos viros ac prudentes Ciues ciuitatis Brunensis dominum Joh(ann)em heczer et Jo=
hannem Schunk prout in geminum sine preiudicio ipsorum et suorum heredum ut sua appendant Sigilla in testimo(nium)
omnium supradictorum. Datum in octauis apostolorum petri et pauli Anno do(mini) Mill(esim)o cccc(esimo) xxxiiij(to)