Ich Wenzla lang Burger zwo brün Bekhenn offenlich mit disem brieff allen de yn horen lesen oder den er furkhumbt das ich
mit gueter vernufft vnd mit pedachtem muett vnd mit guetem willen Schaf vnd gib ledigleich alle meine geltschuld wie
de genant ist In steten gesslessern merckhtn dörffern oder auff dem lantt de ich hab vnter geistlichen vnd vnter weltlichen
edel vnd vnedel nichts außgenomenn den Erwirdigen herrn vnd vatern vnd prioribus vnd iren conuenten der gotzheyser der
heiligen driualtikait zwo künigssfeld pey brünn vnd des tal Josaphatt zwo dolem pey olmüncz paid karthuser orden das sy de
selbig obgenent mein geltschuld mit vollem meinem gewalt megen vordern empfahen vnd nemen oder suchen mit geist=
leichem oder weltleichem rechten als pest se zicmbt oder mögen vnd das se de selbig mein geltschuld anlegen zwo dem paw
irer chlöster oder nach irm pedunken vnd willen vnd nucz irer gotzheyser vnd das zwo chrefftiger statigkait vnd vrkhud
hab ich diesen brieff mit meiner aygen hant geschriben vnd mit meinem in sigll hie vndten an den brieff pesigelt vnd
auch neben mir d(er) Erbern herrn her hans von witignaw oder von Trzebon Jeronimus von pikem Wolfgong polz
macher p(ur)ger zu brün de ich fleissigleich vmb seleich irer pesiglung gepetn hab in vnd yren erben oder nachko=
men an schaden Geben zu brün In d(em) Jare nach xpi gepuerdt tausent vierhundert vnd in dem newnundsech=
czigisten iar an dem freitag ~nach~ ~s~ ~g~ ~tag~