Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

1445_VII_14

CZ-MZA > E40 > 1445_VII_14

Quelle: MonasteriumKI-PaläografieKI-Interpretation
Seite 1 / 2
1445_VII_14, Seite 1
Ansicht
Transkriptiongemini-3.1-pro-preview
Wir Johannes ffullengraben Burgermeyster Claus von Ach Nicolaus sews Wenceslaus keyser Ratmanne Nicolaus
strompel Nicolaus Cratzer Georgius zebrecht Johannes Czeck Martinus Almusner vnd Johannes Schonham(er)
gesworne Schepphen vnd die ganze Gemein der Stat Olomucz Bekennen offentlichen mit disem brieff allen die
Jn sehen ader horen lezen Als denne die Erbern weizen hern Niclos vom Nymlane doselbst purgermaister Johanes
pawswengel artzschmelzer Jacobus linke Ratmanne vnd ander Schepphen des Jares als man geschrebn hat noch
Crysts geburt Tausent vierhundert im Sibenunddreissigsten Jare vnsere vorfordern mit vorwillung vnsers gnedigen
herren des Margraffen vnd der ganzen gemein vnser Stat dem Andechtigen hern lawrenczen prior vnd seinen prudern
der Cartusser orden die do vorzeiten qu Dolan in dem kloster vnser frawen im tal Josaphat genat gesessen vnd gewont
haben vnd nach vorstorung desselben klosters sich in das Vorburg vnser Stat in des Margraffen haws das sy gekaufft
haben darynne quwonen gesessen seint den selben Carthussern vnd iren nochkumen haben die vorbenaten vns(er) vorfarn
gegeben von dem selben irem haws bisz qu der Schul das sy en haben gemacht einen halter vnd eynen gartn Dennoch
haben wir vorgenater Johannes ffullengraben Gesworne Scheppen vnd die ganze Gemein der Stat Olomucz angesehn
jr fleiss gepewde vnd auch vestenung vnser Stat vnd haben denselben Carthussern vnd iren nochkumen gegebn furbas
von der Schuel bis qu der Spittalmul nach der leng vnd von der Thumayawer bisz auff den Mulweg Jn solicher be
schaidenhait das die vorgenanten Carthusser sullen vorbringen das angefangen gepewd vnd ein twirchmawr von
dem twern den sie haben angehebt bis qu der phorten an das gassel sy sullen auch dy Jnner Mawer vor der Schulen
ferrer hinab bawen bis qu dem Turn der nydder der Schuel stet auch mit ayner twirchmawer von dem eind derselbn
Mawer bisz an den thurn was aber nidder derselben twirchmawr ist mugen sy en einen halter machen vnd einen
Steinpruch vnd dasselb gepewd sullen sy van Jar qu par vorbringen wenn sie mugen wir gunen jn auch das das
wasser aus vnserm Teich freilich an hindernis sal rynnen in iren Teich Vnd wer das das sy ymmer wurden
vorkeufen fisch douon sullen die ffischer kayne losung nicht nemen Besunder alles das obengeschriben ist haben wir
gegeben den vorgenaten Carthussern vnd iren nachkumen qubesitzen vnd halten vnd genissen noch irem willen vnd
bawen auff iren hewsern die sy nu haben noch ires orden gewonhat Es sey closter cellen ader ander gepewd als
sy best mugen wir globen en ouch vnd iren nachkumen bey guten trewen an ark ob sy yemand daran angriff bekumert
anfechtan ader hindern wolt es wer von geystlichen ader von weltlichen darynne wellen wir sy vortreten vnd be
schirmen vnd vnschadhaftig behalten Vnd des qugroser sicherheit vnd vestenung haben wir vnser Stat Jngesigel
an disen brieff lasen hengen Geben an der Mytterwoche negst noch sannt Margaretn tag Noch Crists gepurth
Tausent vierhundert vnd in dem ffunfundfierczigsten Jare

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.