VLADISLAVS Dei gracia Hungarie Boemie dalmacie Croacie Rame Seruie Gallicie Lodomirie Cumanie Bulgarieq(ue) Rex Marchio Morauie Dux Slesie et Lucemburgensis ac Marchio Lusacie &c(etera) Ad perpetuam rei memori
am Notum facimus tenore presencium Vniuersis et singulis ad quos presentes littere nostre peruenerint Q(uo)d quum exin(de)cti regij nostri culminis officio et debito orthodoxe sancte religioni cristiane amplificande inprimis stu
dere teneamur ipsiusq(ue) profectibus et incrementis pro virili nostra intendere apud ea loca potissimum ubi feruenciore deuocionis ardore persone deo dicate diuinis laudibus inuigilent et pro nostro subditorumq(ue) nobis gencium reatu
expiando precibus ipsorum irati numinis vindictam atq(ue) vlcionem compescant proinde quum sanctissimus Carthusiensium ordo et Vite austeritate ieiuniorum maceracione sedulitate oracionum lingue custodia omnes
facile religiones in ecclesia dei excellat atq(ue) boni odoris exemplis in Cristifidelium salutem quottidie magis atq(ue) magis exuberet quieti personarum in eo deo militancium (pro ut merito debemus) prouidere cupientes quo sedu
lius diuinis laudibus Vacent ad humilem religiosi Georgij prioris tociusq(ue) conuentus Monasterij ipsorum in Olomucz nobis exhibitam Supplicationem omnia et Singula priuilegia iura libertates immunitates exempciones Donaciones
ipsis olim a predecessoribus nostris felicis memorie Boemie Regibus ac Marchionibus Morauie concessas Confirmare Ratificare approbare ac de nouo dare atq(ue) conferre deliberauimus quemadmodum ea auctoritate nostra regia
ex potestatis plenitudine et certa sciencia sanoq(ue) procerum nostrorum accedente consilio in omnibus clausulis articulis et punctis Confirmamus Ratificamus approbamus ac de nouo damus atq(ue) confirmamus signanter
q(ue) litteras Jodoci Marchionis per serenissimum principem Mathiam hungarie quondam ac Boemie regem &c(etera) predecessorem nostrum prememoratis fratribus confirmatas et alias quascumq(ue) quas temporum successu
super quibuscumq(ue) bonis uel hereditarijs uel subreempcionis titulo signanterq(ue) eciam super bonis in Eijwancz obtinuere quarum quidem omnium tenores habere Volumus pro expressis Et quia ijdem Cartusienses de monasterio ipso
rum olim sito iuxta Villam dolan hereticorum incursu eiecti in suburbana ciuitatis nostre olomucensis translati fuere Vbi Reuerendissimorum Episcoporum prelatorum Ecclesie catredralis Capituli necnon fidelium nostror
rum Magistrorum ciuium ac Senatus olomucen(sis) adminiculo Comparatis quibusdam domibus edificatoq(ue) illic denuo de Consensu patrum monasterio necdum tamen perfecto Insuper eciam predecessorum nostrorum (sicuti intel
leximus) Regum Boemie Marchionum q(ue) Morauie felicis memorie singulari fauore manutenti ac prosequuti ad hec usq(ue) tempora in angusto satis loco degentes octoginta ferme annis perseuerarunt Sed quia eis nulla deinceps exeun
di spes est monasterium in villam dolan ob varia discrimina repetendi ac reedificandi Postquam eciam ita visum est patribus ordinis Voluntatis nostre regie est vt in suburbans prememorate ciuitatis nostre Olomucen(sis)
perseuerantes edificia monasterij ipsorum sicuti ceperunt perficiant atq(ue) consumant Q(uo)d ut eo expedicius facere possint nostram q(ue) erga se clemenciam ac regiam liberalitate(m) vberius experiantur ex gratia nostra super
habundanti de peculio camere nostre census nostros annuos quos de Braxatorio domibusq(ue) quas pro Monasterio emerunt soluere erant soliti exnunc futuris perpetuisq(ue) temporibus hys remittimus Vniuersas q(ue) lo
sungas ex his ad cameram nostram dari solitas et alia quecumq(ue) ciuitatis onera relaxamus atq(ue) perpetuo absoluimus Prememoratum q(ue) insuper Monasterium ammodo et deinceps futuris perpetuisq(ue) tempori
bus hijs Litteris nostris a iurisdicione exactione et quibusuis ciuium grauaminibus eximentes in regiam nostram protectionem recipimus Ita ut omnia sua blada frumenta Vina Sales cetera q(ue) ipsis et Monasterio
necessaria libere inferant et absq(ue) omni ciuium impedimento inducant Et quia propter esus carnium abstinenciam et frigidos cibos quibus predicti Cartusienses Vescuntur Vini cultura atq(ue) potacio ipsis admittitur
scilicet multi ex ciuitatis nostre Olomucensis et suburbanorum ipsius incolis nonnunquam eciam cum importunitate ab ipsis fratribus tanquam deficaciora Vina et Clariora ut Vendantur requirunt Ne igitur
omnes ac maxime infirmos debilitatem racionabilemq(ue) causam allegantes inconsolatos repellant Concedimus prememoratis fratribus ut futuris perpetuisq(ue) temporibus in preiudicio nonnullis Canonicis et Vicarijs non
tamen Vltra decem personas absq(ue) quorumcunq(ue) contradictione et impedimento Vina ipsorum pro pecunia Vendendi et Dandi liberam habeant facultatem Nec aliquis cuiuscunq(ue) dignitatis eminencie aut condicion
nis exystant eos in hoc et alijs quibuscunq(ue) rebus molestare quouismodo presumant Aut violentam manum monasterio siue ad Capiendum qui in id confugerint seu quoq(ue) alio modo in omni ipsorum possessione
et dominio ausu temerario inijciat Si crimen et reatum lese Maiestatis effugere Velit quociens offenderit in premissis Quocirca Vniuersis et singulis Baronibus Militibus Nobilibus Vasallis Aulianis Prefectis
Iudicibus Ciuitatum oppidorumq(ue) Communitatibus ceterisq(ue) officialibus quibuscunq(ue) Marchionatus Morauie presentibus et futuris districte precipiendo mandamus Quatenus prememoratum monasterium Cartusien(sium)
ipsum in suis priuilegijs iuribus gracijs et libertatibus (sic ut premissum est) non impediant Neq(ue) subditos ipsius molestare aut perturbare presumant seu quouismodo molestari aut perturbari permittant
Quinpotivs auxilio ipsorum et fauore manu teneant defendant et protegant Speramus enim nos inde Dei optimi maximi presidio ob cultum qui illic Diuine Maiestati impenditur Regna nostra felici
ter dirigi Domui q(ue) nostre regie ac proli (quam diuina gracia suscepimus felicia incrementa prestari In quorum quidem omnium fidem ac robur perpetuum presentes litteras fieri easq(ue) Sigilli nostri maioris
quo tanquam hungarie Boemieq(ue) Rex Vti consueuimus appensione communiri pre
Datas Trnauie Die sancte Lucie Anno Xpi Millesimo Quingentesimo Octauo Regnorum autem nostrorum
hungarie Decimo Nono Boemie Vero Tricesimo Octauo