Nos Consul et Senatus Regiae Civitatis Znoymae in Marchionatu
Moraviae. Notum facimus tenore praesentium universis. Quod coram nobis infra posita die devota pro tempore Abbatissa Elizabetha Caecilia
Schruerin, totusq(ue) Conventus Sanctimonialium Monasterii Znoymensis Ordinis Sanctae Clarae, binas produci curarint literas in membranis scriptas a Serenissimis Principibus D(omi)nis D(omi)nis, nempe Joanne Dei gratia Boemiae
et Poloniae Rege ac Lucemburgensi Comite &c. Similiter Carolo Dei gratia Romanorum Rege semper Augusto et Boemiae Rege &c. sub sigillis cuiusvis pro se solitis et sericeis in filis impendentibus munitas, praedicto Mo=
nasterio certis temporibus, ut infra patebit, collatas et confirmatas, sanas atq(ue) integras, non vitiatas, nec in aliqua sui parte suspectas: rogantes insuper, nos postquam conspexerimus, eas in membrano describi, et sigilli
nostri in fidem veritatis appensione contestari vellemus. Quarum justis et rationabilibus petitionibus scilicet devotarum Sanctimonialium praefati Monasterii, Abbatissae et Conventus, inclinati satisfecimus; Tenor e=
nim Originalium iste est: Nos Joannes Dei gratia Boemiae et Poloniae Rex, ac Lucemburgensis Comes. Notum facimus universis praesentes literas inspecturis. Quod ob specialis devotionis affectum, quem ad Mo=
nasterium Sanctae Clarae, in Civitate Znoymensi situm, et devotas nobis Abbatissam, et Conventum Sanctimonialium eiusdem Sanctae Clarae Ordinis, Deo Creatori suo, inibi jugiter famulantium, habuimus
et habemus, ac ob nostrae et progenitorum nostrorum animarum salute, ipsas cum omnibus bonis, et hominibus, ad ipsum Monasterium nunc vel in futurum spectantibus, ab omnibus subsidiis, collectis, contributio=
nibus, et quarumcumq(ue) dationum solutionibus, quas ipsas ex quacumq(ue) occasione, nobis vel nostris subditis quibuscumq(ue), dare vel solvere, deinceps contigeret, generali collecta Regia vel Steura, quae Berna dicitur, dum=
taxat excepta, de benignitate Regia, duximus perpetuo liberandum; volentes et mandantes firmiter et expresse ut nulli omnino hominum, cuiuscumq(ue) praeminentiae, status, aut conditionis existat, prae=
dictam libertatis nostrae gratiam, saepefato Monasterio, de certa scientia nostra factam, ullo unquam tempore violare praesumat, nec a bonis eiusdem et hominibus, subsidia, collectas, vel contributiones ali=
quas, cuiuscumq(ue) Juris, consuetudinis, aut facti praetextu exigere vel recipere deinceps audeat, aliquomodo vel praesumat, sola Berna ut praemittitur, dumtaxat exclusa. In cuius rei testimonium et robur,
praesentes literas fieri, et sigillo nostro maiori jussimus communiri. Datum Znoymae, Anno Domini Millesimo trecentesimo vicesimo septimo. 8. Kalend(as) Maii. Carolus Dei gratia Romanorum Rex, semper
Augustus, et Boemiae Rex. Recognoscimus tenore praesentium universis. Quod pro tempore Abbatissa et Conventus Sanctimonialium Monasterii Znoymensis, Ordinis Sanctae Clarae, devotarum nostrarum
dilectarum, nobis quaedam literae, recolendae memoriae Illustris Joannis quondam Boemiae Regis, Genitoris nostri charissimi fuerunt exhibitae, et cum devota precum instantia humiliter extitit supplicatum, ut
ipsas dignaremur de innata nobis Clementia gratiosius confirmare; Quarum tenor talis est: Nos Joannes Dei gratia Boemiae et Poloniae Rex, ac Lucemburgensis Comes. Notum facimus universis, praesentes lite=
ras inspecturis. Quod ob specialis devotionis affectum, quem ad Monasterium Sanctae Clarae, in Civitate Znoymensi situm, et devotas nobis, Abbatissam, et Conventum Sanctimonialium eiusdem Sanctae Clarae
Ordinis, Deo Creatori suo inibi jugiter famulantium, habuimus et habemus, ac ob nostrae et progenitorum nostrorum animarum salute, ipsas cum omnibus bonis, et hominibus, ad ipsum Monasterium nunc
et in futurum spectantibus, ab omnibus subsidiis, collectis, contributionibus, et quarumcumq(ue) dationum solutionibus, quas ipsas ex quacumq(ue) occasione nobis vel nostris subditis, quibuscumq(ue) da=
re vel solvere, deinceps contingeret, generali collecta Regia, vel Steura, quae Berna dicitur, dumtaxat excepta, de benignitate Regia, duximus perpetuo liberandum; volentes et mandantes firmiter et
expresse, ut nulli omnino hominum, cuiuscumq(ue) praeminentiae, status, aut conditionis existat, praedictam libertatis nostrae gratiam, saepefato Monasterio, de certa scientia nostra factam, ullo unquam tem=
pore violare praesumat, nec a bonis eisdem et hominibus, subsidia, collectas, vel contributiones aliquas, cuiuscumq(ue) Juris, consuetudinis, aut facti praetextu exigere vel recipere deinceps audeat, aliquomodo vel
praesumat, sola Berna ut praemittitur, dumtaxat exclusa. In cuius rei testimonium et robur, praesentes literas fieri, et sigillo nostro maiori jussimus communiri. Datum Znoymae, Anno Domini Millesimo
trecentesimo vicesimo septimo. 8. Kalend(as) Maii. Nos vero considerantes dictarum Sanctimonialium jugia servitia, quae suis votivis orationibus, spretis huius mundi delectationibus, sub Monachali regula Do=
mino nostro Jesu Christo redemptori omnium, pro nostri Regalis culminis exaltatione, nostra et omnium fidelium salute exhibent incessanter, propter qua, praedictas earum in hac parte, pias supplicationes
benigno favore prosequimur; Advertentes etiam, quod juste petentibus, non sit denegandus assensus, dictas ipsarum literas, in omnibus earum clausulis, sententiis, et articulis, prout de verbo ad verbum,
praesentibus sunt insertae, ratificamus, approbamus, innovamus, et de certa nostra scientia, authoritate praesentium confirmamus; volentes et mandantes, easdem in antea, ab omnibus praedicti Regni n(ost)ri
Boemiae, et Marchionatus Moraviae, cuiuscumq(ue) status, praeminentiae, sint vel fuerint, seu Officiorum fulgeant dignitatibus, in praesenti vel futuris temporibus, fidelibus nostris dilectis, sub obtentu n(ost)rae
gratiae, firmas, inviolabiles, ac illaesas per omnia observari. Harum nostrarum Testimonio literarum, quas nostrae Maiestatis sigillo jussimus communiri. Datum Znoymae, Anno Domini Millesimo trecen=
tesimo quadragesimo octavo, Indictione prima, nonas Junii, Regnorum nostrorum Anno secundo. Per Dominum Cancellarium dictae Majestatis. Nos etenim, in principio nominatus Consul atque
Senatus, cum praemissae literae ex Originalibus sumptae, conferendo totaliter de verbo ad verbum justa, non vitiata, et ubivis convenientes, inventae fuerint; eas quapropter in fidem, sigillo Civitatis nostro sic ap=
penso corroboravimus. Quod factum die Decima quarta post Dominicam Palmarum Anno ab incarnatione Domini nostri JESU CHRISTI, Millesimo Sexcentesimo quadragesimo secundo.