Ich Hainreich von Leuchtenburch und herr zu wern und mein liebe housvrow Agnes und alle unse erbn wo chunt und verhen an
disem pief Allen leuten di in sehent od(er) horent lesen di nu lebent und hernach chunftig w(er)den daz wir mit guote(m) willen und mit wolbedach
te(m) muot zu d(er) czeit do wir is wol tu(o)n mochten durch got durch Aller unse(r) vord(er)n sel selichait willen und durch unser selb und aller
unse(r) nachchu(m)ling sel selichait willen und durch ablaz unse(r) sunden und durch aller guote(r) werch di da geschehn sein und noch alle tag
zu gotes lob geschehnt daz wir d(er) tailhaftig mugen w(er)den und ze ein(er) ewigen selgeret gebn und gegebn habn Acht fuod(er) holz in
unse(m) wald d(er) da zwischn pulicz und Gewitschowig stet ze dem Junchvrown chloster sand chlaren orden ze znoim ditz unser
vrown der hochgelobten Junchvrown d(er) chuginn d(er) e(n)g(e)l(e)n und dem ganczn conuent d(er) Junchvrown sand chlar(e)n orden di nu sint od(er)
hernach chunftig w(er)den also daz di egenant(e)n Junchvrown di e genant(e)n Acht fuod(er) holz in dem e genant(e)n wald alle Iar ewichleich ie
daz fuod(er) Als ir vier phert cziehen mug(e)n schullen neme(n) und in ir chloster furen und damit ir notdurft schaffen Also beschaidenleich
daz se alle Iar ewichleich ein tag in dem Iar unse(r) vord(er)n Iertag als schullen begen mit vigiln und mit selmessen mit an gecz
unt(e)n cherzen Als gewonleich ist in d(er) heiligen ch(r)ist(e)nhait und wenne got hie auf erdreich unse(r)s lebns nicht leng(er) habn wil
daz se ouch unse(r)n Iartag und peigraft und aller unse(r) nachchu(m)lingen wenne got ub(er) se gepentwt alle Iar ewichleich schulle(n) be
gen als vor geschriben stet und schulle(n) ouch unse(r)n vord(er)n und unser selbs seln wenne got ub(er) uns gepentwt an allen heiligen
czeitn In ire(m) gepet und andacht unse(r) gedechtniss habn und got fuer uns piten und habn di e genant(e)n Acht fuod(er) holz
in dem e genant(e)n wald zu dem e genant(e)n chlost(er) gegebn ob wir od(er) unse(r) nachchu(m)ling den e genant(e)n wald v(er)chouft(e)n daz wir
nicht v(er)chouffn mugen noch schullen di e genant(e)n Acht fuod(er) holz di se alle Iar ewichleich neme(n) schullen und in ir chloster furen
und tu(o)n Alle ungeschriben sach und wandelung ewichleich ze tu(o)n Als beschriben stet und ze ein(er) ewigen urchund und
stetichait Aller dis(er) sach und wandelung gib ich e genant(er) Hainreich von Leuchtenburch und mein liebe housvrow Agnes dise(n)
gegnburtign pief zu dem e genant(e)n chlost(er) sand chlar(e)n orden ze znoim v(er)sigelt mit unse(r)n anhangend(e)n Insgeln und hab ge
pet(e)n mein lieb prued(er) h(er)r(e)n Hansen und h(er)r(e)n Iorgen von Leuchtenburch und h(er)r(e)n ze wern und di edln h(er)r(e)n h(er)r(e)n Cze(n)k(e)n von
gewitschowig und h(er)r(e)n philip von haslaw di Alle ir Insgel ze geczeugniss dis(er) vorgeschrib(e)n sach habn gehangen An
disn gegnburtign pief d(er) gegebn ist do man czalt von ch(r)istes gepurd drewczehnhund(er)t Iar darnach in dem Acht
und sechczigist(e)m Iar An sand gallen ab(e)nt