Wir Barbara von Gottes genaden Ebtissin vnnd der gantz Erwirdig Conuent des Junckfrawen closters Vnnser lieben frawen Sandt claren
ordens zu Znaymb Olomuczer Bistumbs Bekhennen vnnd thun khundt offennlich vor Allermennigclich wo diser brieff gesehen gelesenn vnnd
gehort wirt fur vnns vnnd all vnnser Nachkhomen, Das dem vnns vnnd vnnsern Conuent Vilekhain Ander gross vnnd Merckhlich zu suchen gange
ist vnd Noch zugeen geet vnnd haben dem gerechten Beschwer erliden, von wegen der Alten loblichen stifft, die weiland der Erwirdig Herr Hannss
Schoffenng pfarrer zu Jrcz guet seliger gedechtnuss, In sonder lieb vnd gedechtnuss Gottes vnd des heiligen Merterer Sand Sebastian In Jrcz Benennter
Pfarr erpawt zu Jrcz gestifft Besetzt vnnd auffgericht, Soll alls laider got dem almechtigen, vnnd alle billichen clage vnnd bedenckhen worden, das wir des
selben fur got dem almechtigen vnnd vor der welt geleyt mit Vnfleis verantwurten liessten noch mochten, oder khunnen, Weilen dann solchs stifft
Got dem Almechtigen allermaysten zu eer zu lob Eer vnd Preyss vnnd der gloriwirdigen Junckfrawen Maria vnnd dem heiligen Sand Sebastian Christlich
auffgericht, Darumb auch der stieffter dem got genad seiner seel, Auch den seinigen vertrawen die Er geleyt vnd tewr Auch sunderlich darzu thun
vnd geben, vmb des guet vnd Eer alss wolchs vngeschewcht khain vnsprungen mag vnd thue, Dem wir Alss Christlich closter frawen wege Noch
gemuts vnndirdigen oder vnderdruckhen lassen, sonnder vil mer grosser vnd Inbrunstiger ergen vnnd darumben vor Got vast schuldig vnd pflichtig
den chors dienst vnnd christliche stifft weil vns got dem leben vergunndt aufftrichten vnd zuerhalten vleissig zewarnnen vnd furdern vnd In solchem gestallt
zu wellen thun vnd tragen Auch von got Imer oder der welt auff vnnsere seel nit ziehen wellen, Deshalben Ist vnnser Ernstlichs Bitten Beuelch vnnd
Mainung das die Alten Altar Sandt Sebastian stifft Nach laut vnnd Innhalt der Erection vnd stifftbrieff darumben auffgericht, durch den Erwirdigenn
Herrn Valenten Stanickh Vnnsern pfarrer vnnd all sein Nachkhomen, oder wo so mit Alter guthlich weren, durch Iren Caplan ob von so fur ain Iar I gabe
mogen trewlich vnnd vnuerweislich anhefften lassen, Dauon dann Ein Ieder pfarrer oder des Innhab all sein Nachkhomen zu lob vnd belonung Iarlich von Vnnser
der Acht vngerisch gult nemen vnd haben soll, vnd sechs acht gult durch die Burger zu Jrcz Nemblich vier gult zu Iedes Sandt Iorgen tag die Andere vier zu
Iedem Sandt Michels tag demelten pfarrer vnd all sein Nachkhomen geben vnd ausrichten sollen alls dreyssig tag vor vnnd dreyssig fur ain gult gerait vnd die
Burger zwen theil solten die Burger daselbs in Jrcz mit wassen vnd vallen des pfarrers daselbs, als vmb khirchen zu behalten den Altar vnd dem frumayster von dem der Acht
zu bezalen pflichtig, In volbringung seines gotsdienst darumben vnd geben sollen, vnd die Ander Notturfft als dem pfarr trewlichen anligend, Vnnd derhalben Iedem pfarrer daselbs
zu Jrcz von Allem Einememen vnd anheben hewlichen vnd offenlich alle Iar trewlich vnd vleissig Raitung thun vnd geben, Vnnd Ein Ieder pfarrer soll zu sambt den
frumayster Auch zwen Auss In der weyhen lesen vnd verweysen, Auch Alle Sontag Vnd Ander feyrtag so Im Iar khumen soll der pfarrer oder sein Nachkhomen allweg Ain
Ambt singen vnd mit predig versehen, Auch soll der pfarrer Alle Eherliche Recht wie von Altem loblichen Herkhumen halten vnd volziehen, Vnnd was der grossen Raitung
Erhebt wirt wirt fur sein Acht theil vnd Anderlich soll geben vnd geantwurt wirt ist solchs Einnem vermerckt vnd begriffen, Item Ain Acker bey den Trawt hofer mit
Alben gantz vnd gar, Item zwen Acker bey der Owtstifft das In den demelten Trawt hofer Nymbt von In verleycht doch das sein Erben solchs drey tag dem Richter vor anzaig
# fur aber ainer in den
dasigen zwai tagen ein so
sol ain vmb vnsern guet
der Altar ein gantz pfundt
pfeffer zu pen verfallen sein
Thuet das der pfarrer den zehend In zway tagen allen Ein fure, wo Nichts aus der pfarr so mag ain Ieder sein getraid einfurn vnd der pfarrer wirt auff dem veld ligen lassen
wnnd aber der weil etwan besumbt der Herr pfarrer In seinem getraid auff dem feld ligen schaden thet, soll der selbig nach billicheit wie dan auch ain Ieder gehort
gestrafft werden # Item mer hat der pfarrer zwen Acker das aine gehort In den pfarrhof, das Ander leit Im Gericht mit der Behausung zinst ain Marckh Nach laut
vnd Innhalt des brieffs dem Peter Stanglen vnd sein Nachkhomen gegeben, Item Vaitter hat ein pfarrer Ein schilt lehen, dauon zinst Ain Ieder das halbe Iar Ain
Halbe Marckh zu zwayen tagen zubezalen Nemblich zu Iedem Sandt Iorgen tag sechszehen wiener grossen der gleych zu Iedem Sanndt Michels tag auch
sechszehen wiener grossen, Vnd Ein Ieder hald soll von ainer halben lachn schaaffen Ain tag wer fur ain fure so wirt Im dan der pfarrer auszaigen thue Ist aber
das In Mer Maystet wirt zu der zeit des traides Einfassung ist Im der pfarrer schuldig vnd pflichtig zu bezalen, Item Mer hat der pfarrer daselbs zu Jrcz
zwen hoff, der die Ain zinst Iarlich zwen wiener gr(osschen) vnd dreyzehen wiener grossen, Mer zinst dreyzehen wiener gr(osschen) vnd aine schaaff, Die Ander
zinst vier wiener grossen Ain viertail zu Iedem Sandt Michels tag zwen grossen vnd zu Iedem Sandt Iorgen tag auch souil, Item Mer hat Ein pfarrer
vier grossen wiend, die den zehend dauon pey der dreytten bey dem gericht drey zinst zu Iedem Sandt Iorgen tag zwen wiener grossen vnd zu
Iedem Sandt Michels tag auch souil Item aine ligt bey dem pfarr zinst wie die obangezaigten drey wiend vnd aine ligt gegen dem Irczischen closter
die des pfarrer selbs der dreytt den des pfarrer tauscht zinst aine souil als die Ander wie oben ist vermerckt, Ist Mer hat der pfarrer zway Ackerlen zinst aine
Ein Iar Ain wiener grossen die ligen oben bey der khirchen bey dem pfarr wie dan das Register laut vnd Innhalt, Dieweil hat Ein Ieder pfarrer den zehend von
Cawpen Chayten schaf vnd sewenn, von Cawpen hat ainer zehen Nymbt der pfarrer aine hat er nit zehen, so geb Im ainer von ainer lamb ain pfenning
hat aber ainer mer dan zehen geb er Im gleycher weyss von aine ain pfenning, hat aber ain huetter Mer nit Mer dann ain thier vnd nicht in schaff dauon treyben der sol
dem pfarrer ain halben grossen fur den schaf geben, Item wem frembde schaf beliben vmb den zinst ain hald geb, vnd solten so In sollen so gebt wirklichen tag vor Sandt
Michels tag, oder geb Im fur aine frembde Ein weyss pfenning hat er aber aine halb lehen ain gans oder zwen der geb Im aine gans vnd khurt zway hundel vnd von zehen schaaff
ain gans, Item fur khes, fasttag khes vnd anders was dan von alten langen herkhumen Innhalt trewlich lauffen vnd geben sollen, Ist In dolanuss ville so
Ieder pfarrer geben pfarrer traid funff vnd dreyssig metzen khorn zu Iedem Sandt Michels tag Ist Im so In Ircz In zehen vnd pfarrer zehen Er Nymbt In selbs
Nymbt Ims Ieder pfarrer zu Jrcz wie Im der Richter daselbs zu dolanuss ansaigt Naim er In aber In drey tagen, wo Nichts In alden fur Ieder sein tail
vnd last des pfarrers tail ligen, Ist gewelt vnd ander schain zehet Nymbt ain pfarrer allermayst wie zu Jrcz Alls trewlich vnd vnuerweislich, Diser handlung
Aller zu vrkhundt Haben wir disen Brieff mit vnnsern vnd vnnsern Erwirdigen Conuents baider anhangenden Insigeln verwaret, vnnd Beweysunt doch
vnnserm vnd des Conuents Insigeln vnd Nachkhomen an schaden, Geben In der Stat Znaymb In obgedachtem vnnsern closter Am Aschermitwoch Im tausent
funffhundert vnd funff vnnd dreyssigisten Iar.