Ich Georg von Hodnicz vnd mein erbn tuon chunt an disem prief allen Leuten di in sehent oder
horent lesen Daz ich mit wolndachtem muot vnd v(on) aller mein(er) vriunt vngenuot vnd vn
bedwungen Einer vrown Junchvrown Chunigun(d) ze d(er) zeit Eptessin vnd dem ganczen
Conuent d(er) Junchvrown sand chlaren orden ze znoim daz vns vrown ieren prief gege
bn vnd v(er)dacht hab in solicher beschaidenhait daz ich noch noch mein erben furbaz
hinz der Eptessin vnd dem Conuent noch ze Allen ierem guot daz si habn inn landes od(er) vsser
landes chain anspruch noch chain v(er)drung schullen noch mugen habn noch nimant darumb lech
me(n)n ire leut noch ir holden inn landes noch vss(er) landes vnd eignen vns heut mit disem
prief aller anspruch vnd v(er)drung di wir hinz in darumb gehabn mochten od(er) scholden daz di vur
baz tot schol sein vnd chain chraft habn vnd der wandlung sind ze chraft sint gezeugen di
erb(er)n Leut Her pescht ze d(er) zeit purgraf ze znoim Her Nyclas pharrer ze vrbaw vnd he
wclab sein p(ru)uod(er) von vrbaw m(aister) Jacob d(er) Nageleins sun ze znoim di ir Insigel
durch mein(er) pet willen ze geczeugnuss an disen prief gehangen habn mit sampt mein In
sigel ze ein(er) stete vrchund dis sach d(er) gegebn ist nach Cristes gepurd Dreuczehen Hundert
Jar in dem drey vnd funfczigistem Jar an sand Michels tag