Wir Katherina czu der czeit Eptessin vnd der gancz conuent der geistlichn in got Iunkfrawn des chlasters
czu vnser frawen dacz prvnne sand claren orden bekennen vnd tvn kvnt offenlich mit dem brieff vor allen
lewtn dy in sehent oder hornt lesen die nv lebent oder hernach kvmfftig werden das wir mit wolbedachtem
mut vnd mit gvtem rat awch vnsers ganczn conuencz chlafter nucz vnd pessing willen vnser mvll genat
Im darnach gelegen vor hodnicz mit wasser mit wasser fluzzen mit aller visscherey mit gehvlcz vnd mit wey
de mit einem pawmgartn mit einem halbn lehen mit haniff stranten vnd mit czwayn grossen Iarlichs zins
von des nandel enbeyn haniff hacker ein gros vnd von des Thoman choppen svnn haniff hacker awch ein gros
vnd mit aller der selbn mvll bremcz vnd gemerkch vnd czugehorung wie die mit svnderlichn warttn benat
sint awsgenomen den hoff gelegen czu hodnicz der ett wenn des stybner gewesen ist mit dem pawmgartn
vnd anderhalb lehen akker czu veld vnd czu dorff recht vnd redlich verkaufft habn vnd verkauffn yczunch
mit crafft des brieffs vmb czway vnd vierczigk schok grossen prag mvnc marisch zal vnd werung der wir von
Im an gancz vnd gar berichtt vnd bezalt sein dem beschaiden mann Thoman rawsch seinen erbn vnd alln
seinen rechtn nachkomling ewklich czu halden czu haben czu besiczen czu nvczen czu verkauffen czu ver
sezzen czu verwandeln da mit czu tvn vnd czu lassen als sew das aller pest tvnt dvnken an eynczign oder
mit ein ander vnd daron nicht czu hindern doch also beschaidenlich das sew vns czu vnserm obgenantn chlaster
vnd alln vnsern nachkomling von der selbn mvll Im darnach pflichtig vnd schuldig sein czu gebn czu rechtem
zins ewklichn vnd alle Iar Iarlich awff sand micheltag sechczig meczen korn vnd an pfingsten
ein kelbers pawch vnd dy landes stewr wann dy gemainclich geet in dem land czu merhern vm ain
anderhalb lehen da von geben vnd raichen svlln vnd nicht mer vnd fvrbas so sag wir sew ledig vnd frey
von aller robot vnd von aller gab wie dy genant ist sy sey gros oder chlein recht oder vnrecht noch mit der
soytet awff das haws da nem wir sew von das sew mit andern vnsern holden czu hodnicz nichtes nicht leydn
noch gebn svlln svnder ledig vnd frey sein awch ist mer bedacht ob Im dy selb mvll Im darnach yemant
kriegshafftig oder anspruchig machet das svlle wir Im richtich machen vnd vor Im vnd da von springen an alln
sein schaden vnd das Im das alles von vns vnd von dem obgenantn chlaster ewklich stät gehalden werd
darvber geb wir Im den offen brieff vor sigelt mit vnser der vorgenantn eptessin vnd mit des conuencz
anhangunden In sigeln vnd an ein stäten vrkvnt diser sach der warndnus sint geczeugen dy erbern weise
hayman czu der czeit pvrgmaistr peter volkchel wenczlab radal vnd dy andern gesworn pvrg in prvnne
dy ir stat In sigel mit rechtem wissen dvrch vnser fleissig gepet willig an gehengtniss Im vnd der stat
an schaden an den brieff angehangen habn mit vnsern In sigeln nach cristi gepvrd vierczechen hvndert
Iar vnd darnach in dem achten Iar des svntags an sand mariemagdalene tag