Johannes ep(iscopu)s seruus seruor(um) dei Dilectis in (christ)o filiabus . . Abbatisse et Conuentui Monasterij in Znoyma ordinis sancte Clare Olomucen(sis)
dioc(esis) Sal(u)t(em) et ap(osto)licam ben(edictionem) . Religionis uiri religio que in Monasterio u(est)ro a uobis et alijs personis in eo degentibus sub stricte uoluntarie paupertatis
iugiter colitur sic a nobis mundanas relegauit illecebras ut claustralis abstinentie neribus religate puritate fulgeatis obseruantie regularis et uoluntatis li
bitum coartantes omnino sub obedientie debito dignam et sedulam exhibeatis domino seruitutem . Sane exhibita nobis ex parte u(est)ra petitio continebat q(uo)d
licet felicis recordationis Bonifatius . p(a)p(a) . viij . predecessor n(oste)r Vniuersis Abbatissis et Conuentibus u(est)ri ordinis per suas litteras duxerit indulgendum
ut ad prestandam decimas de quibuscu(m)q(ue) possessionibus et alijs bonis ear(um) que tunc habebant et iustis modis possent acquirere in futurum
minime tenerentur neq(ue) ad id compelli possent Nosq(ue) indultum huiusmodi duxerimus innouandum tamen Venerabilis frater n(oste)r . . Ep(iscopu)s Olomucen(sis) et
Rectores parrochialium eccl(esi)ar(um) Olomucen(sis) dioc(esis) indultum huiusmodi uoluntaria interpretatione restringere molientes asserunt q(uo)d pro possessionib(us) et bonis
huiusmodi noualia debent intelligi et q(uo)d dictu(m) indultum sit ad bona que non cadunt sub decimatione sed dumtaxat ad noualia extendendum . Quare
nobis humiliter supplicastis ut cum propter hoc predictum indultum uobis reddatur inutile prouidere uobis super hoc de oportuno remedio dignaremur .
Nos igitur attendentes interpretationem huiusmodi eiusdem uerbi indulti ac intentioni dicti predecessoris et n(ost)re plurimum obuiare cum si sic stricta fuisset
eiusdem predecessoris intentio ubi posuit de possessionibus quibuscu(m)q(ue) et alijs bonis eor(um) solummodo de noualibus posuisset . Volumus et presentium auctoritate
decernimus q(uo)d interpretatione predicta aliquatenus non obstante ad prestandam decimas quarumcu(m)q(ue) possessionum et bonor(um) u(est)ror(um) que inpresentiarum obtinetis et
iustis modis dante domino poteritis adipisci siue decimalia dudum extiterint siue non decimalia per dictum Ep(iscopu)m et Rectores uel quoscumq(ue) alios non possitis
contra eiusdem indulti tenorem aliquatenus coartari cum huiusmodi concessionibus et gratiosis indultis ut priuilegium non censeatur inutile sit benigna interpretatio
facienda . Nulli ergo omnino hominum liceat hanc paginam n(ost)re uoluntatis et constitutionis infringere uel ei ausu temerario contraire . Siquis autem hoc attemptare
presumpserit indignationem omnipotentis dei et beator(um) Petri et Pauli Ap(osto)lor(um) eius se nouerit incursurum . Dat(um) Auinion(e) viij Id(us) Augusti
Pontificatus n(ost)ri Anno Secundo .