Stanislaus dei et Ap(osto)lice sedis gratia sancte eccl(esi)e Olomucen(sis) Ep(iscopu)s Vniuersis et singulis ch(r)istifidelib(us) vtriusq(ue) status et sexus ad quos p(rese)ntes
l(itte)re nostre peruenerint Salutem in d(omi)no sempiternam et gratie diuine augmentu(m) Ad perpetuam rei memoriam Cum a nobis petitur quod iustum piu(m)q(ue)
est atq(ue) religiosum tam vigor equitat(is) ac ordo rationis exposcit ut id per sollicitudinem pastoralis officij nostri ad debitum perducatur effectum Exhibita
siquidem nuper pro parte Religiosarum ac deo dicatarum virginum n(ostre) Abbatisse et totius Conuentus Cenobij sanctimonialiu(m) Sancte Clare In Opido
Znoymen(si) nostre Olomucen(sis) dioce(sis) sub gubernio ac obedientia prelatorum fratrum ordinis minoru(m) sancti francisci consistentium petitio c(on)tinebat Q(uo)d
licet prefate Religiose virgines In Capella Sancte Clare consecrata eccl(esi)e eiusdem cenobij gloriosissime virginis Marie contigua per singulos annos
illius capelle diem consecrationis seu dedicationis d(omi)nica prima post festum pasche sole(m)niter et deuotius iuxta institutionem sancte matris vniuersalis eccl(esi)e
hactenus celebrauerint ac celebrare consueuerint tamen propter aliaru(m) eccl(esi)arum tam parrochialiu(m) q(uam) aliarum in dicto Opido Znoymen(si) situataru(m) festa
dedicationu(m) que in eadem d(omi)nica eodemq(ue) tempore similiter celebrantur pauci admodum ch(r)istifideles ad Capellam memorati cenobij dedicationis huiusmodi
die seu festo pro deuotionib(us) suis ac indulgentijs inibi consequendis minime conuenire et confluere valerent aut possent Atq(ue) ita ip(s)a Capella eo dedi=
cationis die quasi vasta et sine frequentia fidelium relinqueretur Et sicut eadem petitio subiungebat si dies dedicationis huius capelle in aliam diem d(omi)nicam
transponeretur et transferretur deuotio ch(r)istifidelium plurimu(m) prouideretur honorq(ue) et cultus diuinus augmentaretur in eadem Quare pro p(ar)te
predictaru(m) virginu(m) Abbatisse et Conuentus fuit nobis humiliter supplicatu(m) ut sup(ra) premissis p(ro)uide(re) p(ro)uidere au(c)t(oritat)e n(ost)ra ordinaria dignaremur Nos
igitur attendentes petitionem huius fore iustam et consonam rationi desiderantesq(ue) vt Capella predicti cenobij presertim dedicationis festo p(ro)ximis
frequentetur honorib(us) et a ch(r)istifidelib(us) in debita veneratione habeatur quo ip(s)i per hoc donu(m) diuine gr(ati)e ac salutem animaru(m) suaru(m) vberius consequi
valeant Jdcirco autoritate nostra ordinaria qua fungimur Diem seu festum dedicationis Capelle Sancte Clare in Cenobio sanctimonialium
Znoymen(si) que ut premittitur prima d(omi)nica post festum pasche antehac extitit celebrata In proximam d(omi)nicam post festum corporis ch(r)i(sti)
immediate sequentem cum suis cerimonijs honorib(us) ac sole(m)nitatib(us) solitis et consuetis necnon indulgentijs ad eandem Capellam eo die datis et
quolibet concessis celebrandam et peragendam transponim(us) et transferimus transpositamq(ue) et translatam fore volum(us) per p(rese)ntes Jnsup(er) nos
Stanislaus Ep(iscopu)s Olomucen(sis) prefatus et Martinus Ep(iscopu)s Nicopolien(sis) In pontificalib(us) et sp(irit)ualib(us) Vicarius noster ex de licentia n(ost)ra omnibus
et singulis vtriusq(ue) status et sexus ch(r)istifidelib(us) prefatam Capellam Sancte Clare die dedicationis huius deuote visitantib(us) ac ad illam pia suffragia
contribuentib(us) de Omnipotentis dei misericordia ac b(ea)torum petri et pauli ap(osto)lorum confisi quilibet nostrum seorsum quadraginta dies indulgentiaru(m)
de iniunctis eis penitentijs misericorditer in d(omi)no relaxamus et relaxat Que omnia et singula necnon p(rese)ntes l(itte)ras et in eis contenta vobis omnib(us) supra
dictis et vestrum cuilibet Jnsinuamus intimamus et notificamus ac ad vestram et cuiuslibet v(est)r(u)m notitiam deduci volum(us) p(rese)ntium per tenorem Jn
quorum omniu(m) premissorum fidem testimoniu(m) ac robur perpetue stabilitatis p(rese)ntes translationis l(itte)ras sigilli nostri maioris appensione iussimus
communiri Date Olomucij Anno d(omi)ni Millesimoquingentesimotredecimo Die vicesimatercia Mensis Marcij