Wir Sbinko von Gottes gnaden Ertzbischoff zu Prag des Stüels zu Rom Legath
Rom: Kay: Matt: Rath vnd der Creutzherren mit dem roten Stern Obrister General Maister durch Behem, Mährern, Schlesien vnd Poln rc Bekennen vnd thuen Kundt vor Jedermeniglich
in Crafft diß Vnsers Brieffs, das Vor Vns gehen ambtlich erschiene sein die Andächtigen Vnsere lieben getrewen Richter Geschwornen vnd gantze Gemaine der bei disers Regelung hie In dero stat, deß Hl. Hipoliton
vber der Brücken bey Znaim gehörig, Vnd Vns demüetigclichen supplicirt, ainen gantz Vnuersehrten Brieff Weilendt des Ehrwürdigen Herrn Mathia von Söm dem Eger dero der Creutzherren mit dem
Roten Stern zu Prag im Spittal an der Prucken, Vnderthänigst deß gehorsambs bittende, das Wir ihnen denselbigen Brieff gnediglich confirmirn geruehten Welcher von wortt zu Wortten
als lauttet, Wie Volget. Wir Mathias Ocri(con)t(r)a(r) der Creutzherren ordens mit dem Stern zu Prag im Spital an der Prucken, Herr des Spittals in der Allten Statt Prag bey dem
fluß der Pruck, Paulus Prior, Martinus Prob(st) den Creutzherren ordens deß Spittals an dem Berg vber der Brücken, Dannerch Commentor des Spittals zu Eger, Joost Commentor des Spittals vor
der Statt Pruck, Michael Pfarrer zu Padein, Michael Pfarrer zu Popel, Vnd der gantz Conuent im Spittal zu Prag, thuen Kundt das der Vorsichtigere Richter vnd Rath vnd die gantz Gemain
Unser Aigen Regelung Vnd Pöllenberg der gehorsam vnsern zu der Creutzherren des lieben Hl. Politen obgemelt gegenwertig zu dem vorgenanten Alten Spittal zu Prag, in Vnserm mittel so Vernünffti
ge dachten gehandt gaben, besonnder in Krafft irer Priuilegien so guetthetzig zuuerleihen durch recht nach lautt der Inhabenden Wald zu Znaim vnd vnderlag von mherligkait Irer Richter gewesene
sindt von Ihm zunemen, Also das Sy all vnd ain Ietlicher mit ihrem Guettern Ihm von Gott bescheren vnd erdenlich gewunnen haben, oder noch gewinnen möchten, künfftig vnd Ewigclich frey pleiben
Vnd schaffen möchten an alles gefer, Wir blibe darzu vber diß auf Vns getragen nachgeennd, ansehen der frumigkait billigen aignen ansehens, eger vnerweigt handal vnd schuld, damit Sy Vns
entgegenen zugenaigt sein, auß Brüderlicher guetigkait Vorauss, der Vns getrewen in Crafft diß Brieffs Durchauß ainen andern Statt Recht in allen ainen enthalltungs Artickel, freyung vnd Ein
fall, auch Vnsers mit aignem nahmen billichendts worten Vnd sonderlich das Sy ire Guetter, nennend ligend tragendt, treibend wo sy die haben werden mugen, pfeilen, pfenden, od(er) ge
reger verendern oder Vnder gunnern, bey lebendigem leib guetter Vernünfft, gesundt oder schwach, aine zu guettheigen vbergeben Vergeben, Verkauft, oder verlyhen der gantze gewallt, Vund Vnd
die Vns Nachkomben Jedermenniglich an Vndern theils Vngehindert zu ewigen zeitten Vnd auß mheriger guetigkait ob derleyhen Wir Ihnen Inn Crafft diß Brieffs dasselbigen, das
zu Wahren Vrkundt Vnd stetter Vestigkait, Vnsere aigene Insigel des ambts der Eger, desselben Vnd des gantzen Conuents mit anhengliger Verwilligung des gantzen Capitels mit Vns
licher Vestigkait hat thun anhengen an diesen Brieff, Der geben ist nach Christi Vnsers lieben Herrn geburtt nach fünfftzehenhundert Iar in dem fünfften Iar, am freytag nach der Hailig
Creutzfindtung in dem Spittal zu Prag obgenandt. Vnd demnach Wir entpfelhen des obgenanten Richter Geschwornen vnd gantzen Gemain Vnderthänigst bitten für zimblich erkhanndt, Allso Confirmirn
Vnd bestättigen Wir Ihnen in Crafft diß Brieffs gines Inserirtes Priuilegium In allen seinen Puncten vnd Clausuln, Vnd Wöllen das sie bey Ietzgemelttem briefflichen Recht deß Hl. Hippolito ewig dabey
In bestig gehandthabt vnd darwider nit beschwerdt sollen werden. Deßen zuwahrer Vrkundt gaben Wir Vnsers mit aigner handt Vnderschrieben Vnd Vnsere grösser
Insigel vnden hieran hangen lassen, Geben auß Vnsere Ertzbischofflichen Residenz zu Prag den zwaintzigisten tag Monats Nouembris Im Neuntzigsten Iar, nach Christi Vnsers lieben Herrn geburtt
Sbinko Bo(h)em(iae)
m(anu) p(ro)p(ria)
vor Tausent fünffhundert Iahr
1595