ANTONIUS JACOBUS SUCHANECK,
Sacri Militaris Ordinis Crucigerorum cum Rubea Stella per Bohemiam, Hungariam,
Austriam, Moraviam, Silesiam, et Poloniam Generalis, ac Magnus Magister, Inclyti Regni Bo
hemiæ Prælatus Infulatus, necnon ad Supremam ejusdem Regni Rectificationis Commissionem Assessor.
Reverendissimo in Christo Nobis syncere Dilecto Domino Joanni Nepomuceno Strzecha Sacri
Militaris Ordinis Nostri Pragæ Professo, ad S. Bartholomæum in Civitate Egrensi Commendatori, necnon per Circulum
Egranum in rebus Reformationis fidei hactenus Commissario Regio, Salutem in Domino.
Præclara vitæ, morumque honestas, Eximia Literarum Scientia, et in agendis Prudentia, singularis in DEUM,
ac Ejus promovendum cultum Fervor, et Pietas, probata demum in diversis etiam perfungendis munijs, ac negotijs Dexteritas, et fidelitas, reliquæve laudabilia Specimi
na, quibus à Sacra Religiosa Professione tua primum quidem in varijs Sacri Ordinis nostri Stationibus pro animarum cura, deinde per trina belli tempora Dablicij, et Hlaupetinij tam in Spiritualibus,
quam in temporalibus annis novemdecim quâ Administrator, nunc verò in Civitate Regia Egrensi in annum Septimum quâ Commendator, et per Circulum Egranum in rebus Reformationis Fidei Commissarius
Regius multas inter curas, et postremi belli Sollicitudines te hactenus impendisti, ac præ reliquis conspicuum reddidisti, et quibus etiam deinceps (: prout in Domino confidimus :) pro ejusdem Sacri Ordinis nostri bono
te fideliter impendes, merito nos inducunt ad favores uberiores tibi exhibendos. Quare præmissorum omnium intuitu, matura cum deliberatione, et de certa Scientia nostra, adhibitóque Consultorum nostrorum Consilio
Tibi Joanni Nepomuceno Strzecha Sac. Militaris Ordinis nostri Confratri, tanquam Personæ dignæ, discretæ, et de eodem Sac. Ordine nostro perquàm bene meritæ Præposituram Infulatam in monte Sancti Hypoliti ad
Regiam Civitatem Znoymensem cis Teyam in Marchionatu Moraviæ sitam per obitum piè defuncti R(everen)d(issi)mi D(omi)ni Joannis Georgy Hauer immediati, ac ultimi possessoris ejus legitimè vacantem (: cujus collatio, nominatio,
et institutio de probata antiquissima consuetudine ad nos Generalem, et Magnum Magistrum pleno jure Spectare dignoscitur :) cum omnibus, ac singulis appertinentijs, et earum fructibus, Juribus, Privilegijs, ac Prærogativis
absque ulla diminutione prout alij ejusmodi Præpositi eam tenuerunt, et possederunt, Authoritate nostra hac in parte ordinaria præsentium tenore possidendam, et tenendam concedimus, et conferimus, teque in verum, legitimum
ac indubitatum in dicto Monte S. Hypoliti Præpositum omni meliori modò, via, jure, causa, et forma (: quibus melius, validius, et efficacius potuimus, debuimus, possumus, et debemus :) nominamus, instituimus, et investimus, ac ità
nominatum, institutum, et investitum præsentibus declaramus, et confirmamus: Dantes tibi omne jus, et Potestatem aliàs huic Præposituræ tuæ quocunque modo competentem, volentes, ut præprimis à Sacratiss(im)a
Cæsarea, Regiáque Apostolica Majestate tanquam actualiter Gloriosissimè regnante Hæreditaria Regina Bohemiæ, et Marchione Moraviæ Domina, Domina nostra Clementissima quoad temporalia eidem Præpo
situræ annexa te confirmari humillimè procuris, demum te ex nunc, et futuris temporibus ut Præpositum geras, et scribas, Signeto Præposituræ utaris, atque locum, et Sessionem in Capitulis generalibus, et alijs Conventio
nibus inter Confratres habeas ab avito tempore huic iterato dictæ tuæ Præposituræ convenientem: Mandantes omnibus, et singulis curæ tuæ commissis, ut te pro vero, et legitimo Præposito Suo recognoscant, habeant, et
revereantur, tibique in omnibus, et per omnia pareant, ac obediant. Appromittentes tibi contra quoscunque inobedientes, contumaces, aut refractarios auxilium nostrum, et assistentiam nunquam defutura: Omnibu(s)
insuper, et singulis Sacri Ordinis nostri Confratribus præcipientes, ut te pro tali æstiment, et agnoscant; hac tamen conditione, ac lege: ut præviè Nobis (: prout juris, ac moris est :) juramentum præstes, quod uti aliàs, ità
deinceps nobis legitimo Generali, Magno Magistro, et Superiori tuo immediato, nostrisque etiam legitimis Successoribus fidelis, et obediens eris, Præposituram hanc bene, et utiliter reges, ac fideliter administrabis
agros, Sylvas ædificia possessiones, Privilegia, atque alia Jura omnia ipsius Præposituræ manutenebis, et pro posse defendes, nihilque, quod ad præfatam Præposituram pertinet, alienabis, oppignorabis, commutabis
aut debitis gravabis, sed potiùs alienata, distracta, aut oppignorata ad jus, et proprietatem ejusdem Præposituræ reduces, vel reduci, et restaurari pro viribus tuis curabis; Denique uti Parochiæ, et Ecclesiæ Hódnicensis
atque aliarum Ecclesiarum administrationem de arbitrio nostro per Confratres ordinis nostri debitè providebis: ità etiam pro pauperum debita conservatione, necnon de avita fundatione, ac consuetudine Hospitali
Prageno præstari solita, diligenter pariter præstabis, et præstari facies. Reservantes unà nobis, nostrisque Successoribus per expressum jus visitandi, corrigendi, aliaque omnia, quæ de jure, vel con
suetudine Generali, et Magno Magistro competere dignoscuntur. In quorum omnium fidem, et plenissimum robur has nostras literas manu propria Subscriptas dedimus, et majoris Sigilli nostri appen
sione Scienter communiri, ac expediri fecimus. Pragæ in ædibus Generalatûs, et Magni Magisterij nostri ad pedem Pontis die 14. Mensis Aprilis Anno Incarnationis Domini MDCCLXVI.
Antonius Jacobus Suchanek
generalis Magnus Magister m(anu) p(ropria)
Joannes Josephus Schlik