WLADISLAVS Dei gratia Hungarie Boemie Dalmacie Croatie Rame Seruie Gallicie Lodomirie Cumanie Bulgarieq(ue) Rex Marchio Morauie Dux Slesie et Lucemburgensis ac
Marchio Lusacie &c(etera) Notum facimus tenore presencium vniuersis et singulis ad quos presentes littere nostre peruenerint Q(uo)d constitutus coram nobis Reuerendus Paulus Abbas
Monasterij gradicensis prope Olomuncz nobis nomine ipsius ac tocius conuentus humiliter supplicauit quatenus litteras quasdam nostras Regias quas Monasterio illi quondam
dedimus cuiusq(ue) sigillum casu confractum et comminutum apparebat ipsis gratiose innouare ac de nouo ratificare et confirmare dignaremur quarum quidem litterarum tenor
de verbo ad verbum talis erat Wladislaus dei gratia Bohemie Rex Morauie Marchio Lucemburgensis et Slesie Dux ac Lusacie Marchio &c(etera) Ad perpetuam rei memoriam Cristifidelibus
principibus conuenit sacrosanctis ecclesijs et locis religiosis in quibus laus et gloria regi celesti exhibetur esse peculiari auxilio et fauore quo sancte cerimonię liberius et deuo=
cius pro nostra omnium ve salute peragi possint hoc fieri animaduertimus dum locis eisdem religiosis eorumq(ue) ministris deo dedicatis in eorum gratijs et libertatibus conseruan=
dis et confirmandis prouidemus Sane itaq(ue) constitutus in presentia nostra Venerabilis Georgius Abbas monasterij Gradicensis situati prope Ciuitatem nostram Olomucz
Premonstraten(sis) ordinis Olomucensis diocesis deuotus noster dilectus nobis humiliter supplicauit quatenus de benignitate regia omnes et singulas gratias litteras libertates
emunitates Donationes Concessiones laudabiles consuetudines Priuilegia quoq(ue) indulta et iura vniuersa ac possessiones et bona generaliter vniuersa dicti Gradicensis Monasterij
in litteris antecessorum nostrorum expressa que bona pro presenti idem Monasterium habet aut quocumq(ue) domino auctore acquiret in futurum approbare ratificare innouare
et confirmare dignaremur Nos igitur attendentes quomodo idem Abbas antecessoribus nostris in omni fidelitate constanter assistebat nobiscum quoq(ue) fideliter perseuerat ac plurimas obtrec=
tationes et incommoda pro nobis grato et pacienti animo ferendo integerrima mente nobis adheret votis ipsius tanquam rationabilibus gratiose annuimus Et non per errorem aut
improiude sed animo deliberato sano Principum procerum et aliorum nostrorum fidelium accedente consilio de certa nostra scientia auctoritate regia omnes et singulas gratias
litteras libertates emunitates donationes concessiones laudabiles consuetudines Priuilegia quoq(ue) indulta et iura vniuersa eidem Monasterio ab antecessoribus nostris Diuis Bohemię Regibus
et Marchionibus Morauię concessas et data ac generaliter possessiones et bona omnia dicti monasterij gradicensis ipsi monasterio et suo conuentui a quibuscumq(ue) cristifidelibus data con=
cessa et incorporata que pro presenti idem monasterium tenet et possidet aut domino auctore acquiret in futurum approbamus ratificamus innouamus et gratiosius confirmamus
in omnibus punctis clausulis et sententijs taliter ac si omnia eiusdem monasterij gradicensis priuilegia omnium ve tenores presentibus litteris nostris expresse de verbo ad verbum
his litteris nostris insererentur Decernentes eadem auctoritate regia omnia et singula in prefatis omnibus priuilegijs et litteris predicti monasterij gradicensis contenta et expressa de=
bere obtinere firmum inconcussum et inuiolabile robur firmitatis perpetuis temporibus in futurum Vt quoq(ue) nominatus Georgius abbas prefati Monasterij gradicensis pro fidelitate et con=
stantia sua nostram ampliorem gratiam regiam experiatur sibi et conuentui predicti monasterij eadem auctoritate regia indulgemus vt deinceps vniuersa bona possessiones siue res iam
dicti monasterij ordinis premonstraten(sis) per nos aut successores nostros Boemię reges non debeat vlterius cuipiam pignorari inscribi aut obligari seu ad longum breue ve unquam locari
Q(uo)d si in contrarium huius nostri indulti aliquid contingeret illud ex nunc prout extunc et extunc pro ut ex nunc his litteris nostris omnino cassamus annullamus irritamus destrui=
mus et penitus nullius roboris et firmitatis esse decernimus Nulli ergo omnino hominum liceat hanc paginam nostrę confirmationis et indulti quouismodo infringere aut ei quo=
modolibet ausu temerario contraire sub pena indignationis nrę Regię nos(tr)orum ve successorum quam contrafacientes nouerint se irremissibiliter incursuros In quorum fidem
has nostras litteras fieri et Regij sigilli nostri iussimus appensione muniri Datum Prage die tredecima Mensis februarij Anno Domini Millesimo quadringentesimo septu=
agesimo secundo Regni nostri anno primo Nos ergo peticionem ipsorum iustam ac rationabilem iudicantes Considerantes q(uo)d eę litterę illę alias integrę omni vicio ac suspicione
carebant animo bene deliberato ac ex certa nostra scientia sanoq(ue) desuper procerum nostrorum accedente consilio prememoratas litteras innouare ac in nouam hanc
formam redigere confirmareq(ue) eas denuo approbare ac ratificare deliberauimus quemadmodum eas innouamus confirmamus approbamus ac ratificamus per presentes
Volentes ac Regio nostro edicto firmiter constituentes ut in omnibus earum punctis articulis et clausulis robur suum obtineant ne absq(ue) quorumuis hominum contradictione in
suo vigore ac firmitate permaneant Ita pro ut contrafacientes indignationem nostram grauissimam volent ac cupiunt euitare In quorum quidem omnium fidem firmitatemq(ue)
perpetuam presentes litteras fieri sigilliq(ue) nostri Regij iussimus appensione communiri Datas Olomuncz die sancti Gregorij Pape Anno Xpi Millesimo quingentesimo
Decimo Regnorum autem nostrorum Hungarie Vigesimo Boemie vero Trecesimo Nono