Hochwürdiger, Fürst, Lieber freündt. Dieweil
Wirr vns auf vnterthänigstes Supplicirn des
Würdigen fratris Georgij Leodegarij, Abbthen des Stiffts
Hradisch bey Ollmütz, vndt E(uer) L(iebden) hierauf gegebenes
räthliches Guetachten dem Stifft vndt Gotteshaus Hra=
disch, wegen deselben bei Vergangener Rebellion, so es
erlittenen Schaden, die sich in die Hundert Tausendt Gul=
den erstrecken sollen, damit das Kloster nicht gantz vndt
gahr Zue Grundt gehe, sondern zue der ehre Gottes widerumb
erhoben, vnd in Vorigen Standt gesetzet werde, alle vndt
jede Schulden, so erwehntes Stifft den Rebellen Zuthun schuldig
gewesen, Vnd vns bißhero Von Rechtwegen Zugesprochen
worden, oder noch ferner in der haide sich befinden, vndt
vns Zuerkandt werden, g(nä)d(i)gst nachzulassen, vnnd zu schencken
resoluirt, vnnd entschlossen.
Als haben Wirr solches E(uer) L(iebden) hiemit wissent machen
latum