Ihe
Ich Joannes Andristeck Einwohner vnd Bürger Inn Ollmütz
Beckenne für mich vnd alle meine Nachkömlinge, vnd Erben,
Vnd thue kundt für Jedermänniglich hiemit diesem brieff, daß,
Nach dem ich mit bewilligung vnd Approbation des Hochwürdigen
Closters Vradisch, ein Kürchen Maria Heimsuchung genandt, auff
dessen grundt vnd boden, fundamentaliter A(nn)o 1630. Vffrichtet,
vnd aufferbauet hatte; Daß heüt den 16 Junij, Anni eiusdem,
Ich mit dem Hochwürdigen Closter wegen, deß von abgemeldten Kürchen,
fundation überein kommen bin, Mich eingelassen, vnd obligirt,
400 fl. Mähr(isch) zugeben, auß welchen Gelt dem Hochwürdigen Conuent,
auff Sanct Georgj: 1631. Jahrs 10 fl. vnd auff Sanct Michaeli
auch 10. fl. Mähr(isch) ergehen werden; Darauff dan, wolgemeldtes
Closter sich hergegen erbotten, daß es deß von In recompens vnd
Vergeltung an dem fest Maria Heimsuchung daß Ampt der
Heiligen Meß solemniter celebriren wil, vnd neben die dem auch
Jährlich noch drey andere gelesene Meßen, Nemlich Requiem,
Vor die abgestorbenen, halten vnd begehen; Vnd daß Kürchen In
seine Defension, Schutz, vnd protection, Nehmen, vnd nach seinem
gutdüncken, erhalten vnd fürstehen, von dannen sich darfür absonder
lich Zu thun haben, bedacht bin.
Dieweil aber ich Jetzunder die Vorgemeldte 400 fl. M(ährisch) nicht Zu
Erlegen habe, thue ich mich Ih(re)r Gnad(en) Herrn Prælato, vnd dem
gantzen Hochwürdigen Conuent, Zeiger dieses brieffes verbinden,
daß Ich Hochgedachten Herrn Prælato vor, Vollicher Summa Geldes,
Caus