N O S J O S E P H V S
Dei gratia electus Romanorum Imperator semper Augustus ac Germaniæ, Hungariæ, Bohemiæ, Dal-
matiæ, Croatiæ, Sclavoniæ, Ramæ, Serviæ, Gallitiæ, Lodomeriæ, Cumaniæ, Bulgariæq(ue) &c REX; Archidux Austriæ, DVX Burgundiæ, Brabantiæ, Sty-
riæ, Carinthiæ, Carnioliæ, Marchio Moraviæ, DVX Lucemburgæ, ac superioris & inferioris Silesiæ, Wierthembergæ, & Thekæ; Princeps Sveviæ; Comes
Habsburgi, Tyrolis, Ferreti, Kiburgi, ac Goritiæ &c. MEMORIÆ commendamus tenore præsentium significantes quibus expedit Vniversis. QVOD pro parte et in Personis Fidelium nostror(um)
Honorabilium CAROLI KRATOCHWIL, Sacri Ordinis Præmonstratensis Ecclesiæ Lucensis in Moravia Abbatis, totiusque Conventus modo dictæ Ecclesiæ LVCENSIS exhibita sint Nobis, et præsentata certa quæ-
dam Fidelium æquè nostrorum Honorabilium Ambrosij à Schöllingen, prælibati Ordinis Præmonstratensis Ecclesiæ Pernecensis in Archiducatu n(ost)ro Inferioris Austriæ sitæ Abbatis, et pariter totius Conventus prædictæ
Ecclesiæ Pernecensis Literæ Cessionales, & Resignationales in simplici papiro, sub Dato Pernecij die Vigesima prima præteriti Mensis Septembris Anni elapsi infrascripti, latino idiomate confectæ, et emanatæ, propriaque ma-
nuum antelati Abbatis Ambrosij à Schöllingen, prout et Honorabilium Patrum, Benedicti Prioris, Andreæ Supprioris, Joannis Senioris, ac Antonij Provisoris, et etiam Nomine totius Capituli facta Subscriptione, Sigilloq(ue) tam dicti
Abbatis Pernecensis usualis, quàm et ipsius Conventus minoris appositione communitæ et roboratæ. Quibus mediantibus idem Abbas Ambrosius à Schöllingen, ac totus Conventus Pernecensis certis relevantibus de Causis, motiuis-
que, et rationibus, sed potissimùm ut præmentuonatum Conuentum Pernecensem, à grauibus debitis per Habilem olim Franciscum à Schöllingen Abbatem pariter Pernecensem, et præfati Ambrosij immediatum Prædecessorem
causâ recuperandarum, et de manibus partim Sæcularium, partim Ecclesiasticorum vindicandarum nonnullarum in præfato Regno n(ost)ro Hung(ari)æ pro dicto Sacro Præmonstratensium Ordine ab olim fundatarum Præpositurarum contra-
ctis, & adhuc inesolutis hærentibus, saltem in parte eliberare, et subleuare valeant. Præposituram Sancti STEPHANI Prothomartyris de Promonthorio Varadiensi dictam, in Partibus prælibati Regni n(ost)ri Hung(ari)æ Superioribus,
Comitatuq(ue) Bihariensi, & Diœcesi Varadiensi situatam, ab antiquo ad Eundem Sacrum Ordinem Præmonstratensem spectantem, et velut reliquarum Eiusdem Sacri Ordinis Præpositurarum Matrem, per Serenissimum olim
Principem LEOPOLDUM primum, Romanorum Imperatorem, & Regem Hung(ari)æ immediatum Prædecessorem, ut D(omi)num Genitorem n(ost)rum desideratissimum beatæ memoriæ prædeclarato Conuentui Pernecensi in perpetuum resti-
tutam, et incorporatam, memorato CAROLO Kratochwil Abbati Lucensi, eiusdemq(ue) Conuentui, in et pro certa Summa Pecuniaria, cum approbatione totius Comprovincialis Capituli, die Trigesima prima præteri-
ti Mensis Augusti, Anni decurrentis Millesimi septingentesimi decimi, Olomucij in Moravia celebrati, modis, formis, et Conditionibus in antelatis Literis Cessionalibus, ac Resignationalibus uberiùs contentis, & declaratis, ac-
cedente ad hoc Consensu, et Annuentia n(ost)ra cesserit, et resignasse dignoscebantur. Tenoris infrascripti. Supplicatum itaq(ue) extitit Mai(esta)ti n(ost)ræ Nomine et in Persona suprafati Abbatis, & totius Conuentus Lucensis debita cum In-
stantia humillimè, quatenus Nos præmemoratas dictorum Abbatis, & Conuentus Pernecensis Literas Cessionales, et Resignationales, modo quo suprà confectas, et emanatas, omniaq(ue) et singula in ijsdem contenta, ratas, gratas, & accepta ha-
bentes, Literisq(ue) n(ost)ris Priuilegialibus insertis, inscribi facientes, præmissæ Cessioni, et Resignationi n(ost)rum Regium Consensum, beneuolum pariter Assensum, præbere, ac prætereà memoratam Præposituram Sancti Stephani
de Promonthorio Varadiensi, præmentionato Conuentui LVCENSI, eò quò antehac antelato Conuentui Pernecensi incorporata fuerat, modo benignè incorporare dignaremur. Quarum quidem Literarum Tenor sequitur in
hæc Verba: NOS Ambrosius à Schöllingen Abbas, et Conventus Pernecensis, in Austria inferiori &c notum facimus per præsentes. Quòd posteaquàm præteritis Temporibus R(evere)ndissimus quondam Franciscus
Abbas Pernecensis Ecclesiæ, pro obtinendis nonnullis in Regno Hung(ari)æ ad Præmonstratensium Sacrum n(ost)rum Ordinem ab antiquo pertinentibus pijs Fundationibus, & Præposituris, partim jniuria Temporum planè abalienatis,
& ad manus Sæculares deuentis, partim verò ad manus diuersorum Ecclesiasticorum spectantibus, notabiles Pecuniarum Summas mutuare, et expendere debuisset, totaliterq(ue) grauibus Debitis Conuentum Pernecensem oneras-
sit, Intereà verò ipse Conuentus noster propter continuos Regni Hung(ari)æ bellicosos motus, et tumultus durantes, ex Præposituris propriè modò in Regno Hungariæ comparatis, nullos jam à septennio Prouentus habere potuisset, ex &c
mutuatarum Summarum quot Annis accrescente Interesse, Onus etiam ipsi Conuentui n(ost)ro Pernecensi accrevisset, et in dies accumularetur. Hinc ni dictus Conuentus noster Pernecensis propriè jncumbentia sibi Debita ma-
gis, & magis inuoluatur, et antiqua sua Fundatione planè destituatur, et per Creditorum quotidianas jmminentes Executiones cadatur, Negotium hoc ad Amplissimum Capitulum Prouinciale Sacri Ordinis n(ost)ri die Trige-
sima prima Augusti jnstantis Anni Olomucij in Moravia celebratum, delatum, ibidemq(ue) propositum, & ex mutuo RR DD. Abbatum, et Præpositorum unà constitutorum Consilio, maturaque Deliberatione Tracta-
tum, Conclusumq(ue) extitit, Siquidem Sacer Ordo unam, et alteram ex Præposituris Hungaricis, aliundè præfato Sacro Ordini n(ost)ro, per gloriosæ recordationis Imperatorem, & Regem Hung(ari)æ Leopoldum, Tenore Clementis-
simi Eiusdem Diplomatis, superindè extraditi, postliminiò restitutis, & jncorporatis, Conuentui noster Pernecensis alij Sacri Ordinis n(ost)ri Conuentibus, accedente benigna Suæ Sacræ Maiestatis Confirmatione, & Ratificatio-
ne, erga certam Summam Pecuniariam in Exolutionem contractorum, ut præmissum est, Debitorum conuertendam, actualiter cederet, et resignaret. Quâ modalitate per totum Amplissimum Capitulum placidata, stanti adhuc
Venerabili Capitulo n(ost)ro Nos præfati Abbas, & Conuentus Pernecensis, cui nimirùm inter cæteras Præposituras Sancti Stephani Prothomartyris de Promonthorio Varadiensi sic dictam, inque Diœcesi Varadiensi existentem,
& aliàs jam ad modòfatum Sacrum Ordinem Præmonstratensem n(ost)rum, velut reliquarum Præpositurarum Matrem, ab jnstitutionis primordio pertinentem, virtute prædeclarati Diplomatis Regij in perpetuum incorporatam
habuimus hactenus, præuia inter Nos, & R(evere)ndissimum D(omi)num Abbatem Carolum Kratochwil, Eiusdemq(ue) Conuentum Lucensem, cum approbatione Amplissimi Capituli Prouincialis jnita Conuentione, et Accorda, præfatam Præpositu-
ram Sancti Stephani Prothomartyris de Promonthorio Varadiensi, certa Pecuniaria Summa redemptam, cessimus, et omni eo Jure, Indultis, Prærogatiuis, ac uniuersis, ad quibuslibet Appertinentijs, prout nimirùm per præfatum
condam R(evere)ndissimum D(omi)num Franciscum Abbatem, et Conuentum n(ost)rum obtenta, et acquisita fuisset, memorato R(evere)ndissimo D(omi)no Carolo Abbati, et Conuentui Lucensi resignauimus, et cedimus etiamnùm, ac resignamus, cum
omnibus ijs Obligationibus in prænotato benigno Regio Diplomati expressis, ac alijs etiam per modòfatum R(evere)ndissimum D(omi)num Abbatem Lucensem, coram Amplissimo Prouinciali Capitulo sponte, & ultroneè in se assumptis,
& leuatis. Consentimus prætereà ut super hacce Cessione, et Juris Dominij Resignatione, idem R(evere)ndissimus D(omi)nus Abbas, & Conuentus Lucensis benigno à Sua Mai(esta)te Domino D(omi)no n(ost)ro Clementissimo Consensum, seu Confirma-
tionem jmpetrare, semelque suo modo, et ordine in actualem dictæ Præposituræ Sancti Stephani ad Promonthorium Varadiense Possessionem legaliter jnstallari, & jntroduci facere possit, & valeat. In quorum omnium majo-
rem fidem, hanc Cessionem, juris Abbatiali, & Conuentuali Sigillis muniuimus, & subscripsimus. Sub Dato Pernecij Vigesima prima Septembris, Millesimo septingentesimo decimo. Ambrosius Abbas Pernecensis (L.S.)
P. Benedictus Prior. Andreas Supprior. Fr. Joannes Senior. P. Antonius Prouisor, & totum Capitulum (L.S.) NOS itaque humillimæ huiusmodi præfati CAROLI KRATOCHWIL Abbatis, et totius Con-
ventus LVCENSIS supplicatione, in modo, quo suprà Maiestati porrecta, Regia benignitate exaudita, clementer & admissa, præinsertas eorundem Ambrosij à Schöllingen Abbatis, et pariter totius Conuentus
Pernecensis Cessionales, et Resignationales Literas, non abrasas, non cancellatas, neque in aliqua sui parte suspectas, sed omni prorsùs Vitio, et suspitione carentes, præsentibusq(ue) Literis n(ost)ris Priuilegialibus de Verbo ad
Verbum, sine diminutione, et augmento aliquali insertas, & inscriptas, quo ad omnes earundem Continentias, Clausulas, & Articulos eatenùs, quatenùs eædem ritè, et legitimè existunt emanatæ, viribusque earundem
Veritas suffragantur, Authoritate n(ost)ra Regia acceptauimus, approbauimus, ratificauimus, et confirmauimus, præmissisque Cessioni, et Resignationi, alijsque omnibus, et singulis in ijsdem Cessionalibus, et Resignationalibus
Literis uberiùs contentis, et declaratis, n(ost)rum Regium Consensum præbuimus, memoratamque Præposituram Sancti Stephani de Promonthorio Varadiensi præmentionato Conuentui LVCENSI, cum ijs omni-
bus Conditionibus, & Obligationibus, quibus antehac tenore benigni Diplomatis n(ost)ri, sub Dato Viennæ Austriæ die quarta Mensis Decembris Anno D(omi)ni Millesimo septingentesimo quinto, superindè emanati, antelato
Conuentui Pernecensi incorporata fuerat, similiter benignè jncorporauimus. Imò præbemus beneuolum pariter et Assensum, ac jncorporamus; Saluo jure alieno. Harum n(ost)rarum Secreto majori Sigillo n(ost)ro, quò ut REX
Hungariæ utimur, jmpendenti communitarum, prænotatis Abbati, & Conuentui LVCENSI in perpetuam rei memoriam extradatarum vigore, & Testimonio Literarum. DATVM per manus Fidelis n(ost)ri nobis dilecti,
Sp(ectabi)lis ac Magnifici Comitis Nicolai Illésházy, Hæreditarij in Trenchin, Eiusdemq(ue) prout & Lyptouiensis Comitatuum Supremi, ac perpetui Comitis, Camerarij, et Consiliarij n(ost)ri, ac per Regnum Hung(ari)æ Aulæ nostræ
Cancellarij, in Ciuitate n(ost)ra Vienna Austriæ, die Vigesima sexta Octobris, Millesimo septingentesimo decimo, Regnorum nostrorum Romani Vigesimo primo, Hung(ari)æ et reliquorum Vigesimo tertio, Bohemiæ verò ANNO sexto.
Josephus