N O S C A R O L V S S E X T V S
DEI GRATIA ELECTVS ROMANORVM IMPERATOR SEMPER AVGVSTVS, ET C(ETERA)
Germaniæ, Hispaniarum, Hungariæ, Bohemiæ, Dalmatiæ, Croatiæ, Sclavoniæque, (et)c(etera) R E X
Archidux Austriæ, Dux Burgundiæ, Brabantiæ, Styriæ, Carinthiæ, Carnioliæ, Marchio Moraviæ, Dux Luxemburgæ, ac Superioris (et) Inferioris
Silesiæ, Wierthembergæ, (et) Thekæ, Princeps Sveviæ, Comes Habspurgi, Tyrolis, Ferreti, Kyburgi, (et) Goritiæ, (et)c(etera) MEMORIÆ commendamus tenore præsentium significantes quibus ex
pedit Vniversis. QVOD Fidelis noster Honorabilis (et) Religiosus CAROLVS KRATOCHWIL Sacri Ordinis Præmonstratensis Canonicorum Regularium Conventus Lucensis in Marchio
natu Moraviæ Abbas (et) in prælibato Regno n(ost)ro Hung(ariæ) Præpositus Sancti Stephani Prothomartyris de Promontorio Varadiensi, M(aiesta)ti n(ost)ræ medio demissi supplicis libelli sui humillimè repræsentave
rit: Qualiter nimirùm, decedente superioribus temporibus, et ex hac vitâ sublato Reverendo olim (et) Religioso Viro Seipl, Episcopo Hierapolitano, Suffraganeo Prag(e)n(si), prælibati Sacri Ordinis Præmonstra
tensis Vicario Generale (et) Conventus Strahoviensis Abbate; Ac tandem Anno proximè præterito millesimo, septingentesimo Vndecimo, Capitulo Provinciali per modofatum Sacrum Ordinem pro eligendo
novo Vicario Generale, ad Conventum Abbatiæ Siloensis Eiusdem Sacri Ordinis, suo modo (et) Ordine indicto, ac etiam celebrato existente, ibidem memoratus Abbas Lucensis (et) Præpositus Sancti Stepha
ni Carolus Kratochwil pluralitate Votorum, in locum antelati qvondam Viri Seipl, ad Officium seu honorem Generalis prælibati Sacri Ordinis per Hungariam, Bohemiam, Austriam, Moravi
am (et) Silesiam Vicarij, Canonicè electus (et) nominatus extitisset; Qvemadmodum etiam Authenticam eiusmodi Electionis suæ Instrumentum, coràm Nobis in specie ac Origine produxisset; Ac
insimul M(aiesta)ti n(ost)ræ debita cum jnstantia humillimè supplicâsset, qvatenùs NOS præmemoratam sui in Vicarium Generalem Electionem, etiam ex parte præfati Regni n(ost)ri Hung(ariæ), cum omni ho
nore, prærogativa, (et) jmmunitate Generali huiusmodi Vicariatui, tam in modofato Regno n(ost)ro Hung(ariæ) ab antiqvo, qvàm actualiter etiam in reliquis suprafatis Hæreditarijs Regnis (et) Provincijs n(ost)ris, de
bitis, (et) competentibus, Regio-Apostolica Authoritate n(ost)râ Clementer acceptare, approbare, ratificare, (et) confirmare, Ipsumq(ue) per Vniversos fideles n(ost)ros Status (et) Ordines pro tali agnosci, honorari, (et)
reputari jubere dignaremur. NOS proindè humillimâ antelati CAROLI KRATOCHWIL Supplicatione, n(ost)ra modo qvo supra factâ, Maiestati, Regia benignitate exauditâ, clementer (et) admis
sâ; pro maiori etiam prærepetiti, olim in præfato Regno n(ost)ro Hung(ariæ) florentissimi Ordinis Præmonstratensis decore (et) jncremento; Vt qvemadmodum per jmpiam vim Turcicam, Eodem Regno lon
go tempore exulare coactus fuit, ita Cæsareo-Regia Serenissimorum olim Principum Romanorum Imperatorum (et) Regum Hung(ariæ) LEOPOLDI (et) IOSEPHI D(omi)norum Genitoris (et) respectivè Fratris,
Prædecessorumq(ue) n(ost)rorum gloriosæ reminiscentiæ desideratissimorum pietate (et) authoritate prædicto Regno Hung(ariæ) postliminiò restitutus, tantò faciliùs reflorescere, (et) pristino decori restitui possit.
CVM igitur ob id, tùm verò benignum (et) Clementem habentes respectum ad eximias virtutes, singularem item doctrinam, ac Religiosæ vitæ jntegritatem, atq(ue) summam in rebus regendis, (et) pertractandis
dexteritatem præmemorati Caroli Kratochwil, prædeclaratam jpsius in Generalem prælibati Sacri Ordinis Præmonstratensis per antelatum Regnum Hung(ariæ) Partesq(ue) eidem annexas Vicarium, modo
præmisso Canonicè factam Electionem, præfatâ Regio-Apostolica Authoritate n(ost)râ acceptavimus, approbavimus, (et) ratificavimus; atq(ue) Eundem in huiusmodi Generalis Vicariatus Officio, cum omni honore,
prærogativâ, (et) jmmunitate, Ipsi, tam ab olim in præfato Regno n(ost)ro Hung(ariæ) qvàm etiam actualiter in prærecensitis Regnis (et) Provincijs n(ost)ris Hæreditarijs competentibus, Clementer Confirmavimus; Salvo
tamen Jure Ordinariorum, seu Episcoporum Diœcesanorum. IM O acceptamus, roboramus, ratificamus, (et) confirmamus præsentium per vigorem. Vniversis (et) singulis Fidelibus n(ost)ris, cuiuscunqve
Status, gradûs, honoris, Officij, (et) præeminentiæ existant, signanter autem Præpositis, Canonicis, acetiam Cæteris Religiosis antelati Sacri Ordinis Præmonstratensis, in totiesfato Regno n(ost)ro Hung(ariæ) (et) Par
tibus Eidem annexis degentibus (et) Commorantibus modernis (et) futuris, harum serie benignè simul (et) districtim mandantes, qvatenùs præmemoratum CAROLVM KRATOCHWIL Abbatem
Lucensem, (et) Præpositum Sancti Stephani de Promontorio Varadiensi, pro vero, legitimo, (et) jndubitato Generale dicti Sacri Ordinis Præmonstratensis per totiesfatum Regnum Hung(ariæ) (et) Partes eidem anne
xas Vicario, cum omni honore, prærogativa, (et) jmmunitate, Officio huiusmodi, tam in præfato Regno n(ost)ro Hung(ariæ) ab antiqvo, qvàm actualiter in reliquis suprafatis Hæreditarijs Regnis (et) Provincijs n(ost)ris, debi
tis (et) competentibus, tenere, agnoscere, (et) reputare; Ipsi verò prærepetiti Sacri Ordinis Præmonstratensis Præpositi, Canonici, ac Cæteri Religiosi, in toties dicto Regno n(ost)ro Hung(ariæ) (et) Partibus Eidem annexis
degentes (et) Commorantes moderni (et) futuri, prædeclarato Generali Vicario in rebus (et) negotijs Officium hocce tangentibus, omnem debitum honorem, reverentiam, obedientiam, (et) paritionem exhibere (et) præsta
re debeant, ac teneantur. Secus non facturi. Præsentibus perlectis Exhibenti restitutis. DATVM in Archiducali Civitate n(ost)ra Vienna Austriæ, die Vigesima prima Mensis Martij, Anno Domini millesi
mo septingentesimo duodecimo. Regnorum n(ost)rorum ROMANI primo; Hispaniarum nono; HVNGARIÆ, Bohemiæ, (et) reliquorum ANNO itidem primo.
Carolus
C. a Sinzendorf
Ad mandatum Sac(ræ) Cæs(areæ) Regiæq(ue) Maj(esta)tis proprium
Joannes Carolus Kien