N O S C A R O L V S S E X T V S
DEI Gratia Electus Romanorum Imperator Semper Augustus, ac Germania, Hispaniarum,
Hungariæ, Bohemiæ, Dalmatiæ, Croatiæ, Sclavoniæque (et)c(etera) REX; Archidux Austriæ; Dux Burgundiæ, Brabantiæ, Styriæ, Carinthiæ, Carnioliæ, Luxembur
gi, Wierthembergæ, et Thekæ, superioris et inferioris Silesiæ; Princeps Sueviæ; Marchio Moraviæ; Comes Habspurgi, Tyrolis, Ferretis, Kyburgi, et Goritiæ (et)c(etera) Memoriæ commendamus tenore præ
sentium significantes quibus expedit universis: Quod posteaquam Nos Præposituram Sancti Stephani Protho-Martyris de Promontorio Varadiensi, in Diœcesi ejusdem nominis, Comita
tuque Bihariensi existentem, cæteroquin etiam ad Ordinem Præmonstratensium, Canonicorum Regularium spectantem, ac per Serenissimum olim Principem Iosephum Romanorum Imperatorem, et
Hungariæ Regem, Fratrem, et Prædecessorem nostrum gloriosæ recordationis desideratissimum, virtute benigni Diplomatis Ejusdem Regij, in Anno millesimo septingentesimo quinto, die quarta Men
sis Decembris præteritis, in Archiducali Civitate Vienna Austriæ emanati, dicto Ordini Præmonstratensium postliminio restitutam, postremò Honorabili et Religioso Vincentio Walner, prælibati Ordinis
Præmonstratensium, Regiæ Ecclesiæ Lucensis, in Marchionatu nostro Moraviæ Abbati, modis, formis, et Conditionibus, in præattacto benigno Diplomate Iosephino uberiùs denotatis, benignè contulis
semus, modofatum verò Abbatem Lucensem Vincentium Walner, Divino sic disponente Numine, Anno proximè evoluto ad æterna evocari, et consequenter antelatam Præposituram Sancti Stephani
Protho-Martyris rursus vacare contigisset, præfataque Ecclesia, seu Conventus Lucensis obligationis suæ, et Conditionum, in præfato benigno Diplomate Iosephino contentarum haud immemor, ad
modofatam Præposituram Sancti Stephani, aliud rursus Subjectum, modernum utpotè prærepetitæ Ecclesiæ Lucensis neo-electum Abbatem, Fidelem videlicet nostrum Honorabilem æquè ac Religiosum
ANTONIUM NOLBECK SS: Theologiæ Doctorem, Majestati nostræ pro obtinendis desuper benignis Literis nostris Confirmatorio-Collationalibus humillimè præsentâsset. Hinc Nos quoque clementem
habentes respectum ad præclaras Virtutes, laudatosque et acceptos mores, doctrinam item, ac eruditionem, nec non omnibus gratam exemplaris vitæ conversationem, cæterasque animi dotes prælibati AN
TONII NOLBECK Abbatis Lucensis, Eidem præspecificatam Præposituram Sancti Stephani Protho-Martyris de Promontorio Varadiensi modò præviò vacantem, Authoritate Iuris Patronatûs nostri
Regij, quod generaliter in universis prælibati Regni Hungariæ, Partiumque eidem annexarum Ecclesijs instar Divorum olim Hungariæ Regum Prædecessorum videlicet nostrorum gloriosæ memoriæ, optimo Iure
habere et exercere dignoscimur, unà cum universis dictæ Præposituræ Bonis, Iuribusque Possessionarijs, Castris videlicet, Castellis, Oppidis, Villis, Possessionibus, et Prædijs, generaliter verò cunctis utilitati
bus, obventionibus, emolumentis, Proventibus, et Pertinentijs, nec non etiam omnibus honoribus, prærogativis, et immunitatibus, de Iure et ab antiquo ad dictam Præposituram spectantibus et pertinere debentib(us)
dandam et conferendam, Eundemq(ue) Ei, cujus interest, desuper præsentandum esse duximus. Ità tamen, ut in casu mortis ejusdem Abbatis Lucensis, aut mutationis Dominij Conventus Lucensis, aliam iterùm
idoneam Personam ad hanc Præposituram, servatis de more, et consuetudine hujus Ordinis servandis, eligere, talemque, et futuros suo modò semper eligendos Præpositos, Nobis, et Successoribus nostris,
legitimis utpotè Hungariæ Regibus, pro obtinendis super-ejusmodi electione benignis Confirmatorio-Donationalibus, et Installatorijs Literis (sinè quibus ejusmodi electus Præpositus realem totiesfatæ Præ
posituræ possessionem assequi neutiquàm valeat:) præsentare, cæterisque universis Conditionibus, in prænotato benigno Diplomate Iosephino uberiùs denotatis et expressis, satisfacere debeant et teneantur.
Imò damus et conferimus, ac præsentamus. Harum nostrarum, Secreto minori Sigillo nostro, quo ut REX Hungariæ utimur, impendenti communitarum, vigore et testimonio Literarum. Datum per manus
Fidelis nostri Nobis syncerè dilecti, Reverendi Adami Acsady de Eadem, Episcopi Veszprimiensis, Locique, et Comitatûs ejusdem nominis Supremi ac Perpetui Comitis, Abbatis S: Martini de Vaska, Consi
liarij nostri actualis Intimi, et per dictum Regnum nostrum Hungariæ Aulæ nostræ Cancellarij in Archiducali Civitate nostra Vienna Austriæ die tertia Mensis Ianuarij, Anno Domini millesimo se
ptingentesimo trigesimo. Regnorum nostrorum: Romani decimo nono; Hispaniarum vigesimo septimo; Hungariæ verò, Bohemiæ, et reliquorum A N N O similiter decimo nono.
Carolus
Ad mandatum Sacræ Cæsareæ Regiæque Majestatis proprium.
Honorabili