Wir Niclas herr ze chewow vnd al vnser erben veriehen an disem offen prief allen lewten di disen prief sehen oder horent lesen daz wir mit
fursecz mit bedachten mut vnd auch mit vnser vreunt rat recht vnd redlich vnser dorf vnd vnser erb ze chewow daz wir da haben in dem
land ze Merhern verchauft vnd auf gegeben haben ze recht vnd ze dorf mit wayd mit wismat mit pergen vnd mit tal mit holcz
vnd mit pawgart mit wasser vnd mit vischerey mit weingart vnd mit achern gepawt oder vngepawt gestift oder vngestift vsuchcz oder
vnvsuchcz vnd vnsern Mayrhof daselbs ze chewow mit purkrecht vnd mit gricht vnd auch mit allen dem recht vnd mit allen dem nucz div wir
vnd vnser vater dem got genadig sey haben gehabt in dem vorgenanten dorf ze chewow vnd in dem vorgenanten Mayrhof gleicherweis als wir ha
ben gehabt erbleich vnd ewichlich vrey vnd lediclich vor alle ansprach den erbrn geystlichen hrn hrn Johans Abt in dem chlastr ze pruk pey znoym
vnd bruder Gerhart priyol vnd dem conuent daselbs des ordens von premonstray in dem pistum ze olomucz an vierczik gwt vmb vierdhalbhundert
dasselb silbers gross pr phennig chvngs muns der wir sam drich vnd gewr ganczlich an alles geuer vnd schullen di nw genant hrn daz vorge
schriben gut besiczen vnd in haben gleicherwis als wirs haben inne gehabt vnd besessen geruet vnd mit gemach an alle hindernus vnd an alles geuer
So vpinden wir vns pey vnsern ewen daz wir wellen daz vorgenant dorf ze chewow vnd den Mayrhof daselbs mit allen dem daz darzu gehort
vreyn vnd beschirmn den egenanten hrn als ain lant recht ist in dem land ze Merhrn an alle arglist vnd wellen auch allen chrieg mit eyme
recht di da den vorgenanten hrn mochten anwurczen auf daz vorgeschriben gut daz wir in verchauft haben ez sein von hrn oder von dienern oder
von frawen daz wir diselben chrieg di in erstenen mochten mit eyme recht abwellen wir auzrichten mit vnserm gut vnd entlewen als
eyn lantz recht ist ze Merhrn in vier wochen von dem tag vnd vns ze wissen wird getan von den egenant hrn beschech ab des nicht so
sul wir oder ewen erber rittermassik ainer an vnser stat mit vier phertn nach der manung in dreyn tagen gen znoym in eyn erber gasthaus
sein vnd oder vnsern dienern hin eynige wirt in varen vnd in ligen als inligens recht ist vnd nit mer schaidn auz chomn oder iz seyn ee alle
chrieg di den egenant hrn waren erstanden von vns ganczlich entwert vnd auzgericht an allen iren schaden vnd allen schaden den diselb
hrn dez nemen den si beweisen mocht oder pey iren ewen gesprochen mugen denselben schaden wellen wir abtragn vnd abrichtn gar vnd
gancz an alles geuer daz alles lob wir pey vnsern ewen an aydesstat ze halten vnd ze laisten stet an diser hantfest ist geschriben gar vnd
ganczlich an alle wider red an alle hindernus vnd an alle arglist vnd wellen nicht wider sein mit worten noch mit werken noch offen
lich noch haymlich wolt ab yemant di vorgenanten hrn abscheydn der dez recht hete nach des landes recht ze Merhrn derselb schol den
selbn hrn vierhundert schok silbers gross pr phennig in acht tagen weren vnd in chert mit beraittn phennig in ir chlastr ze pruk
an alle aufschiebung vnd an alle arglist vber daz alles so loben di erbrn hrn herr gancz von hawnvest herr Gerhart von bucht
heim vnd hr hrn von altengenterech vnd vnser lieber bruder herr chun von heussug pey iren ewen an aydesstat ze vns mit gesamt
hant vnd vnveschaidenlich ze twen vnd ze haben gleicherweis als wir gelobt vnd vns vpunden haben als vorgeschriben ist an
dis hantfest an alle arglist vnd schullen diselb vnser purgel ye der herr mit eynem phert gen znoym laisten als vor geschriben ist
swenn si gemant wrden von den vorgenanten hrn von dem abt oder von dem conuent an alle wider red vnd an alle arglist daz
di dach vnd di wandlung stetcleich vnd vnczeprochen beleib vnd beste dar vber geb wir disew hantfest zu aine chreftigen vr
chund vnd zu eime waren geczeug dis dach vnd dis wandlung besigelt mit vnserm vnd auch mit der vorgenant hrn vnser pur
geln insigeln der prief ist ze chewow gegeben nach xpi(st)i gepurd dreuczehenhundert in dem drey vnd vierczigsten iar dez neh
ten vreytags nach der lesten vnser frawen tag vber daz alles wir purgel di vorgenantn Ich gancz v hawnvest Ich Gerhart
von buchheim Ich heinrich von altengenterech vnd Ich chun von heussug veriehen an disem offen prief allen lewten als s esendt ist vmb
daz wir chewow sich gelubt hat vnd in vnd vns vpunden hat an dis hantfest als obentn stet gelub wir vnd vpinden vns pey
vnsern ewen an ayds stat ze halten vnd ze laisten ganczlich mit gesamt hant vnd vnveschaidenlich alles daz dar vor geschriben ist
den geistlichen hrn dem abt vnd dem conuent in dem chlastr ze pruk an alle arglist der brief ist gegebn als vor geschriben ist