Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

1351_I_23

CZ-MZA > E57 > 1351_I_23

Quelle: MonasteriumKI-PaläografieKI-Interpretation
Seite 1 / 2
1351_I_23, Seite 1
Ansicht
Transkriptiongemini-3.1-pro-preview
Ich Smilcze von Oloquicz vergich vnd tůn chunt offenleich mit disem brief allen den di in sehent od(er) horent lesen di nu
lebent vnd hernach chunftig sind daz ich mit aller mein(er) erbn gunst vnd willen mit verdachtem mvt vnd noch
zeitigem rat mein(er) pesten freunt ze der zeit do ich ez wol getuen mochte ein ganczes lehen gelegen ze Oloquicz mit
alle dem vnd der ze gehort ze veld vnd ze dorffe ez sey besvcht od(er) vnbesvcht svcht od(er) vnversvcht swi so daz ge
nant sey vnd alles mein erb daz ich do selbs hab ze Oloquicz swi daz gelegen sey ze veld od(er) ze dorffe als ich ez
ein her in aigenschaft besessen hab noch dez landes recht ze Oserhorn geleget hab vnd sand Wenczlaws chloster ze
Oruk der herrn ord(en) von premostrey pey Zneym vnd hab ez recht vnd redleich auf gegebn dem Ersamme(n) herrn h(er)n
hans ze den zeiten apt dez selbn chlosters mit alle dem rechten swi vorgenant ist vnd hab ez wid(er) von im vnd
dem vorgenanten chloster enphangen vnd auf genomen mir vnd meine(n) erbn vnd allen meine(n) nochchomen ze rechtem
lehen fvrbaz ewichleich in alle dem rechten ze habn vnd besiczen mit dienst samp vnd dieul di von dem chloster in lehens
recht ir gvt habn vnd besiczen Vnd ob daz wer daz ich od(er) mein erbn daz selb gvt verchauffen od(er) hin gebn wolden
so schullen wir ez an den vorgenanten apt od(er) an seine nochchomen pringen vnd si daz an weisen vnd ob si ez danne
nicht chaufen wellen so mugen wir ez fvrbaz ledichlichen vnd vreilichen and(er)n leuten di in ze dienst wol fvgen
verchauffen vnd gebn vnd do mit allen vnser frvme schaffen so vns auch daz wol chvm vnd fvg vnd schol ich vnd mein
erbn dem egenante(n) apt vnd seine(n) Gotzhaws vnd seine(n) nochchome(n) getrw vnd gewer sein iren frvme zeschaffen
vnd iren schaden zewendn samp wir mit ganczen trwen aller peste mugen vnd daz lob ich an aller mein(er) erbn
stat mit meine(n) trwen ewichleich zehaldn an aydes stat so schol der vorgenant apt vnd sein nochchome vns auch
helfen vnd raten noch iren trwen vnd genadn samp si peste mugen Vnd daz di sach fvrbaz ewichleich stete vnd
veste vnd vnzerbrochen beleib dar vb so geb ich vorgenant(er) Smilcze an mein vnd mein(er) erbn stat disen brief
versigelten mit meine(n) Insigel vnd auch mit der erbn herrn Insigel h(er)n smylen von Oynatich h(er)n Beness von Osek
rotig h(er)n hartleibs von wiczkaw h(er)n Jenczen von Tausenpruk vnd mit der erbn Insigel Eulars von Dasnitz
philips von pulicz vnd Jaroslabs von vrbaw di ich alle gepeten hab daz si diser sach gezeng sind mit iren
an hangunden Insigeln Der brief ist gebn nach Cristes gepurd dreuczehnhund(er)t Jar dar nach in dem ain vnd
funfczigistem Jar dez suntags fur dem vaschang als mann singet Invocavit

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.