INNOCENTIUS EPISCOPUS SERVUS SERVORUM DEI AD PERPETUAM REI MEMORIAM
Hiis que ad sustentationem Monasteriorum et aliorum locorum regularium laudabiliter facta percipimus libenter adicimus apostolici muniminis firmitatem. Sane petitio dilectorum
filiorum .. Abbatis et Conuentus Monasterii Lucen(sis) Premonstraten(sis) ordinis Olomucen(sis) dioc(esis) nobis exhibita continebat quod bone memorie Hinco Ep(iscopu)s Olomucen(sis) attendens quod pre
fatum Monasterium per incursus hostium et guerram sibi continuo imminentem in bonis et rebus suis adeo collapsum erat quod nisi sibi prouideretur de remedio oportuno
Canonicos dicti Monasterii in obprobrium religionis et cleri contingeret euagari ac ex premissis et aliis considerationibus inductus parrochiales ecclesias de Tassawicz
et Prosimericz dicte dioc(esis) in quibus predicti Abbas et Conuentus ius patronatus obtinebant cum omnibus iuribus et pertinentiis suis eidem Monasterio auctoritate ordi
naria annexiuit imperpetuum et uniuit uolens inter cetera quod Abbas dicti Monasterii qui esset pro tempore cum dictas ecclesias uacare contingeret posset diocesano loci
duos ex Canonicis dicti Monasterii ad dictas ecclesias presentare quibus et eorum cuilibet dicti Abbas et Conuentus de fructibus obuentionibus et prouentibus dictarum
ecclesiarum tantum quod iura papalia Archiepalia Epalia et Archidiaconalia soluere hospitalitatem debitam tenere et cetera eis incumbentia onera supportare ualerent assignare omnimode te
nerentur ad premissa omnia dilectorum filiorum .. Decani .. Prepositi .. Archidiaconi et Capituli ecclesie Olomucen(sis) accedente consensu prout in patentibus litteris dictorum Ep(iscop)i et
Capituli sigillis munitis plenius continetur. Quare pro parte dictorum Abbatis et Conuentus fuit nobis humiliter supplicatum ut unioni predicte apostolice firmitatis robur adice
re de benignitate apostolica dignaremur. Nos itaq(ue) huiusmodi supplicationibus inclinati unionem et annexionem predictas ratas et gratas habentes illas ex certa scientia auctorita
te apostolica confirmamus et presentis scripti patrocinio communimus omnemq(ue) supplemus defectum siquis interuenerit in eisdem. Volumus autem quod de fructibus redditibus et prouen
tibus ipsarum parrochialium ecclesiarum congrue perpetue portiones pro singulis perpetuis Vicariis in singulis eisdem ecclesiis ad presentationem ipsorum Abbatis et Conuentus perpetuo insti
tuendis ex quibus possint comode sustentari Epalia et Archidiaconalia iura soluere et alia eis incumbentia onera supportare si adhuc assignate non sunt debeant ad ipsius diocesani
arbitrium assignari. Nulli ergo omnino hominum liceat hanc paginam nostre confirmationis suppletionis et uoluntatis infringere uel ei ausu temerario contraire. Siquis autem hoc
attemptare presumpserit indignationem omnipotentis dei et beatorum Petri et Pauli apostolorum eius se nouerit incursurum. Dat(um) Auinion(e) xj k(a)l(endas) ffebruar(ii)
Pontificatus n(ost)ri Anno Secundo.