Ich Jänik vo(n) Herolticz mit meine(n) erbn(n) Tgeich v(n)d tu(n) chunt offenberleichn(n) allen leute(n) mit disem brief daz ich perait
tolden dem Haymperger Katherin seiner wirtin v(n)d seine(n) erbn(n) v(n)d an getreuer hant seine(n) herre(n) h(er)n philip(e) vo(n)
pustaim ze Jacobaw gesezzen v(n)d dez selben sun h(er)n Znathen fu(e)r daz gu(e)tel an Kotigel daz ich in versat hab also beschaidenleich ob mir v(n)d meine(n) erbn(n) der abt vo(n) pruk daz selb gu(e)tel mit eime geistleichn(n) rechte an gehab(e)t gelobn(n) mit
vnserm gu(e)ten trewn an arglist vnsers gu(e)tes v(n)d vnsere(n) erbn(n) anderswo da fu(e)r als tewer geben nach erber(n) leut rat
als daz wert ist oder in in vier wochen n(ach) dreissik schok gross v(n)d eine(n) vierdunk gross vnuezogenleich(n) richte(n) v(n)d
pezalen Auch ist mer pedacht wer daz selb erb gu(e)tel von in habn(n) wil er gehab is mit eime rechten oder loz
is vo(n) in v(m)b gelt der schol in daz purkrecht auch nach erber(n) leut rat pesunder abgelte(n) ob er n(ach) darauf nicht
haben wolt noch gu(e)tleich mocht erleidn(n) wan daz selb purkrecht plosleich n(ach) ist an alle hindernuss dez alles
zu ein stete vrchu(n)d v(n)d sicherhait versigel ich v(n)d di erbn(n) herre(n) durch meiner pet willen zeugen disi sach
her vlreich vo(n) Herolticz Gerhart vo(n) pustaim dez obgenaten h(er)n philips sun dobesh gesezzen ze Nidawicz philips
sun vo(n) chrusandleins v(n)d Barthosch vo(n) Katenpach gesezzen ze marchawicz zu geuknuss disen brief mit vns(er) aller
anhangunde(n) jnsigln(n) Gegebn(n) nach christes gepu(e)rd dreuzehn hu(n)dert iar v(n)d in de(m) driten v(n)d sibenczikisten
iar an sand valteins tag dez heiligen marthrers