Wir Ferdinand der dritte von Gottes gnaden Erwelter Römischer Kaiser
Zue allen Zeiten Mehrer deß Reichs in Germanien zue Hungern Beheimb Dalmatien Croatien vnd Sclauonien (etc) König: Ertzhertzog zue Osterreich Marggraff zue Mähren Hertzog
zue Lutzenburg, Vnnd in Schlesien, Vnnd Marggraff zue Laußnitz: Bekennen ofentlich mit disem Brieff, Vnnd thuen khundt allermänniglich, wie wol wir auß Röm(ischer) kaiser(licher) auch khöniglichen höhe vnnd wirdt, darinn vnß
Gott der Allmechtige gesetzt, auß angeborener gütte, vnnd miltigkeit Jederzeit geneigt sein, aller vnnd Jeder Vnserer gehorsamben vnnd getreüen Vnderthanen, Ehr, nutz, aufnehmen, vnnd bestes zuebedenckhen, vnnd zuebefördern, so seindt
wir doch billig mehr gewogen, die Jenigen welche vnß, vnnd Vnserm hochlöblichen Ertzhauß vor andern, mit stetter treüw vnuertüglich anhengig vnd Verwandt sein, mit sondern kaiserlichen gnaden, Ehr, vnd wirden zuebedenckhen. Wann
wir nun gnedigst angesehen, wahrgenommen vnd betrachthet, die sonderbahre geschickhligkeit, Exemplarisch geistliches leben vnd wandel, wie auch die Vielfältige bedrangnuß, gefängnuß vnd schwere Verfolgungen, so der Würdige Vnser
lieber Andächtiger Benedictus Vältenbaur, Abt Vnsers Stifft vnnd Gottshauß Oßwaig, bey Brünn, in zeit der abscheülichen Rebellion außgestanden vnnd erlitten, derentwegen dann Weyland Vnser geliebtester Herr Vatter
höchst seeligister gedächtnuß, ^3w^ gnedigst gewürdiget, Vnd Ihne auffgenommen. Darumben so haben wir auß wolbedachtem mueth, vnd rechtem wissen, obernannten Abten zue Oßwaig, zue Vnserm Rath, gleich
^3w^ gnedigst ^3w^, thuen das auch, vnd würdigen Ihne darzue hiemit, wissentlich in krafft dises brieffs, mainen, setzen, Vnnd wollen, daß Er Abt, ain hinfüro Vnser würckhlicher Rath sein, Von menig
lich darfür gehalten, erkent, geehrt, genent, vnd Ihme solcher titul, auß allen Vnderen Cantzleyen, vnd schrifften gegeben, vnd geschrieben werden, darzue auch alle vnd Jegliche Ehr, wirdt, Freyheit, vnd gerechtigkheit, wie andere Vnsere
würckhliche Räthe haben, vnd sich deren erfreüen, gebrauchen, nützen vnd geniessen soll vnnd möge, Von Jedermenniglich vnuerhindert. Jedoch soll Er dagegen Vnsere gehaimbe, die Ihme anvertraut werden, biß in seine grub Verschweigen
^3w^, auch in Sachen vnnd geschäfften, darzue Er gebraucht werden möchte, Vns seinen gueten Verstand, nach deß besten zue rathen, Vnsere vnd deß hauses zuebefördern, schaden vnnd nachtheil zue warnen, vnd zueabwenden schuldig sein, auch
sonst ingemain alles anders thun vnd leisten, waß ainem getreüen Rath gegen seinem Herren zue thun gebühret, vnd geziemet, Vnd waß dann Vnserer gnedigister Vertrauen in Ihn setzlichen gegründet ist. Mit Vrkundt
diß Brieffs besigelt mit Vnserm Kaiser(lichen) vnnd khöniglichen anhangenden grössern Insigel, der Geben ist in Vnserer Stadt Wien, den Sechtzehen Monatstag Aprilis, Anno Christi Vnsers lieben
Herren Vnnd Seeligmachers gnadenreichen geburth im Sechtzehenhundert Acht vnd dreissigisten, Vnsers Reichs, deß Römischen im Andern, deß Hungarischen im ^3w^, vnd deß Böhaimbischen im Eilfften Jahr.