Wir Ratlewee vnd burgere gemeinlichen der Newen stat zu brandemburg bekennen fur vns alle vnse Erbn vnd Nachkomen burgere in der Newen stat zu bran=
demburg vnd fur dieselbe stat ewichlichen vnd tunkunt offenlichen mit diesm briene allen den die in sehent oder horent lezen Wanne wir furmals gesworen vnd
erblichen gehuldit haben vnse lieben gnedigen herren keis(er) karls Soney kunig Wenczlaw von Beheim vnd seinen Brudern vnd ir allir Erbn vnd Erbis Erben als
Markgrauen zu Brandemburg vnse rechten Erbherren vnd ab die alle nicht weren Markgrauen Johansen von gerlhem des egenan(ten) vnse herren des keis(er)s bruder seinen
Erbn vnd Erbis Erben als daz in andern vnse brienen die wir in doruber gebin haben vollenkomenlichir ist begriffen Vnd wanne auch nu der egenan(te) vnse herre der
keis(er) sunderlichen betrachte hat wie er die Marke zu brandemburg mit iren landen steten vnd lewten die furmals lange zeit mit manigualdigen kriege vor=
terbet vnd beschedigt ist in ewigen fride vnd selikeit seczen muge vnd vns zu sunderlichen gnaden geemst hat vnd gun daz wir vnd die egenan(te) Marke zu
Brandemburg von dem kunigreiche vnd lande zu beheim der Markgraueschafft zu lusitz den hertzogtumen zu bresslow zu der sweidnitz vnd zu dem Jawir die zu dem
kunigreiche vnd der Cronen zu Beheim gehoren vnd dasselbe kunigreich besunder von vns vnd der Marken ewigen schutz hilffe vnd rate haben mugen vnd auch
daz wir vnd die Marke zu brandemburg vns zu demselben kunigreiche vnd lande zu beheim in ewige eynunge vasse vnd fride seczen mugen douon zu eren vnd
dienste dem heiligen Romischen Reiche durch ewige fride besserunge vnd nutzes willen vnse vnd der Marken zu brandemburg die wir in diesm sachen eynt=
lichen erkant haben vnd eigenlichen erkennen So haben wir mit wolbedachtem mute guten wille vnd von vnse rechten wissen fur vns vnse Erbn vnd
nachkomen ewichlichen vnd die egenan(te) Newen stat zu Brandemburg mit willen vnd volbort des egenan(ten) vnse h(er)ren des keis(er)s als eines obersten lehenherren
der egenan(ten) Marken zu brandemburg dem vorgenan(ten) vnse h(er)ren kunige Wenczlaw allen seinen Brudern vnd ir allir Erbn Erbis Erbn vnd nachkomen die
nu sein vnd hernoch geboren werden kunige zu beheim vnd ab die nicht weren dem obgenan(ten) Markgrauen Johansen von gerlhem allen seinen Erbn vnd Erbis
Erben als Markgrauen zu Brandemburg vnse rechten Erbherren gelobt vnd gesworen geloben vnd sweren in guten trewen on allis geuerde daz wir ewichlichen
bey dem kunigreiche vnd lande zu beheim bleiben wollen vnd sullen vnd wir sullen vnd wollen vns douon nymer scheiden oder scheiden lassen durch dhei=
nerley stuck oder sachen willen in dheinerlewis Vnd were is sache daz vnse h(er)ren kunig Wenczlawe zu beheim brudre Erben oder Erbis Erben oder derselben Erbn
vnd nachkomen die nu sein oder in kunfftegen zeiten werden vnse h(er)ren Markgrauen zu Brandemburg Je weren einer oder mer vns von dem kunigreiche
vnd lande zu beheim den kunige vnd andren seinen Brudern Erben Erbn vnd Erbis Erbn die in zeiten vnse h(er)ren Markgrauen zu brandemburg sein vnd
werden scheiden wolten oder ab sie die Marke zu brandemburg zumale oder is ein teil von dem lande der Marken vorgebin vorkauffen vorseczen vorwechs(e)ln
oder empfremden wolten So sullen wir obgenan(ten) Ratlewee Burger vnd stat dem oder denselben nichtes pflichtig oder vorpunden sein von huldunge wegen
noch sust in dheinerlewis vnd den oder die fur vnse herren nicht haben alle die weile daz sie nicht von sulichen sachen lassen Sunder vns halten an den
kunig von beheim vnd an andre seine Brudre Erben Erbn Erbis Erbn vnd nachkomen die denne vnse h(er)ren Markgrauen zu brandemburg sein oder
sein werden vnd die suliche vorgebin scheidungen vorgebungen vorkauffungen vorseczungen vorwechs(e)lungen oder empfremdungen nicht teten Were auch
sache daz die obgenan(ten) vnse h(er)ren kunig Wenczla von beheim seine Brudre vnd ir allir Erben Erbis Erben vnd nachkomen kunige zu beheim vnd Markgra=
sen zu brandemburg der obgenan(te) Markgraue Johans von gerlhem seine Erbn vnd Erbis Erben alle abesturben do got fur sey So haben wir obgenan(ten)
Ratlewee vnd burgere der Newen stat zu brandemburg fur vns vnse Erbn vnd nachkomen burgere in der Newen stat zu brandemburg vnd fur die=
selbe stat ewichlichen gelobt vnd gesworen geloben vnd sweren wntheir wissen mit krafft dis brienes in guten trewen on allis geuerde Eynem iglichen
kunige zu beheim der denne in zeiten wirdet vnd ist daz wir den vnd mit ym seine Erbn vnd nachkomen ewichlichen vnd nyemand andirs fur Mark=
grauen zu Brandemburg vnse rechten Naturlichen Erbherren haben vnd halten sullen vnd wollen vnd vns von im dem kunigreiche zu beheim seinen ege(n)
surstentumen herrschefften vnd landen die dortzu gehoren nicht scheiden noch scheiden lassen sullen noch wollen in dheinerlewis on allis geuerde Wanne
is auch zu sulichen schulden kumpt So sullen vns dieselben vnse Erbherren vnse rechte briene vnd freiheit bestetigen als ir vorfaren Markgrauen
zu Brandemburg getan haben Vnd des zu ewigem v(r)kunt vnd ganczer sicherheit haben wir vnse egenan(ten) stat Ingesigel an diesm brieff lassen hangen
Der geben ist in der Newen stat zu Brandemburg Noch Cristi geburte Dreytzehenhund(er)t Jar dornach in dem vier vnd sibentzigsten Jare an dem hey
ligen pfingest tage