Wir Lantgraf Vlrich von Leuchtenberch. chvnden vn(d) tun chunt Allen den. die disen brief sehent. od(er)
hoerent lesen. daz wir gelobt gehaizzen haben. vn(d) rechte pvrge sein worden. des edeln fursten H(er)zogen H(a)in-
richen von K(er)nden. vn(d) G(ra)fen von Tyrol. vn(d) von Goerz. gen im. vn(d) gen allen seinen erben. ez sein
sun. od(er) tocht(er). vmb vierzik Tausent march silbers. prager gewigdes. fur vnsern lieben h(er)ren. vn(d) hoch
geborn fursten. chvnich Iohan von Behem vn(d) von polan. vn(d) G(ra)uen ze Luzzelburch. d(er) selbe pfennig
veuallet im zehen Tausent march. ze vnsers h(er)ren chvmen. dar nach veuallet im zweinzik Tau-
sent march silbs. des selben gewigdes fur di d(ur)chleuchtin chvniginne frowen Annen seiner gemahel
d(er) got genad. dar nach veuallet im zehen Tausent march silbs prager mv(n)ze fur den spruch. den im
d(er) wirdige h(er)re pischof Hainreich von Triend vn(d) d(er) hochgeborn furst. H(er)zog Oett von Bairn.
vn(d) pfaltzgraue ze Rein. hin zv gesprochen habent. Als di hantuest sprechent. di vns(er) paide h(er)ren
gen ein and(er) dar vmbe geben habent. der summe bringet also vierzik Tausent march prager
mv(n)ze. d(er) vorgenante pfennig fult im geuallen af sand Mychels tag d(er) schierst chvmt. funf Tau-
sent march. dar nach als von dem selbe(n) sand Mychels tag vber ein Iar. zehen Tausent march. dar nach
als von dem selben sand Mychels tag vber Iar zehen Tausent march. dar nach als von dem selben
sand Mychels tag vber ein Iar zehen Tausent march. dar nach als von de(m) selben sand Mychels tag
vber ein Iar. funf Tausent march. daz w(er)den also vierzik Tausent march. an so getane(m) gedinge.
ob sivelch frist man im. od(er) seinen erben. d(er) vorgenante pfennig nicht gebe. so hat er. od(er) sein erben
gewalt vmb zemanen. nach d(er) frist. vn(d) sullen danne nach d(er) manung. mit vnser selbes leib. in den naechsten
vierzehen tagen. nach d(er) manung. varen gen Regenspurch in di stat. vn(d) sullen da laisten in besels
weise. vn(d) nimm(er) auz chomen. e(s) lange. vntz daz im vnderthant wirt. d(er) pruch. d(er) an d(er) gulte der
pfennig. vns(er) man ist. vn(d) sullen auch als lang laisten. vntz daz er. od(er) sein erben. d(er) pfennig. gar
vn(d) gaentzleich gewert w(er)dent. dar an in p(r)uufe geschehen. swer auch daz wir selb(er) nicht mochten
od(er) wolten laisten. so sullen wir zwen edler leut. an vns(er) stat. in di laistung legen. vn(d) sullen di
laisten in allem dem rehten. als wir solt(en). vn(d) sullen auch auz d(er) laistung. od(er) di vorgenante vnser
leut. nimm(er) chomen. ez geualle e. daz gvt allez. da p(r)uufe an geschehen waeren. gen Regenspurch
in di stat. wa er. od(er) sein erben. od(er) ir boten. si hin schaffen zegeben. vn(d) ze antwurten.
Di vorgenante sache haben wir staete gehaben. di vnser trew an aydes stat. vn(d) als wir zv den
hayligen sweren sullen. vn(d) geben dar vber disen brief. besigelt mit vns(er)m Ingesigel. zv waer(er) vrchvnde
d(er) warhait. der ist geben ze Brvnne nach ch(r)istes gepurt. dreuzehenhundert Iar. dar
nach in dem aht vn(d) zwainzigistem Iare. des phinztiges nach vnser frowen tag. als si zv hi-
mel fuor.