Wir Albrecht von der duben lantkompthur czu Behemen vnd czu merhern Selbshuldiger Benesch der elder von der duben herre czu hugesfwerde
Benesch der Junger von der duben herre czu Tostomlath Vlrich von der duben herre czu Bstihz herborth von colowrath herre czu Raczaw Vnd
Burgen bekennen offenlich mit disem kegenwortigen briffe alle den di in sehen horen adir lesen Also als der Erwirdig ingote vater vnd
herre her Thime von Colditz Byschoff czu meyssen Vnd herre albrecht vnd herre Jorge gebruder heren von Colditz Vns recht vnd redlichen
Borkawffet haben ir haws den Seeberg genant mit alle seynen czugehorungen off einen widerkawff vmb Eynleffhundert schok gross
Prager muncz Behemischer werung Also bescheidenlich das wir das vorgnant(e) haws eyn gantz Jar halden vnd ynne haben sullen Vnd
des mit seinen vorbenant(en) czu gehorungen genissen vnd gebrawchen das beste wir kinnen vnd mugen Vnd nach dem selben Jare wollen
di obgnant(en) herren von Colditz adir ire getrewen hander her Jan von michelsberg herre daselbest her otto von leystig herre czu Bumb
Ir haws wider haben So sullen si vns das vor sagen eyn gantz halb Jar Eere is awch ab wir vns gelt vmb von In wider hab(e)n wol
len das sulle wir si awch eyn halb Jar vor lassen wissen Vnd wenne vns rechte czeit darnach sol vns das vor off gesaget het(e)n eyn
halb Jar vnd si vns vns(er) gelt also beczalen vnd wider geben So sulle wir In vnd gelobin in guten trewen an arg ir haws den See
berg wider abe czu treten Vnd In das wider antwurten wo wir des nicht enteten Vnd si da mite vorczogen adir keynerley wider
rede hetten So gelobe wir obgnanter herre Albrecht Vnd Burgen vns iczlicher eyn czu reiten mit dreien pferden vnd mit czwaien knech
ten adir an vnser stat einen Rittermessigen man awch mit dreien pferden vnd mit czwaien knechten kegen lithomericz in di Stat
in eines Erbn manes haws wa wir von In adir von iren getrewen hand(e)n adir von Iren boten eyn gemanet vnd geweisit werden
darinne wir leisten sullen vnd wollen als inlegers recht ist vnd gewonheit Vnd vns(er) kener sal sich behelffen nach schuczen mit
dem and(e)n Sund(e)n wir wollen czu smit eyn reiten vnd leisten Vnd aws der leistung nymer czu komen Wir haben denne den obgen(an)t(en)
h(er)ren von Colditz vnd iren Erbin vnd getrewen hand(e)n Ir haws den Seeberg wider abgetreten vnd geantw(ur)t adir In an bereitem gel
de Newnczenhundert schok gr(oss) prager muncz di genge vnd gebe en der czeit wird(e)n hetten gericht vnd beczalet an der egnant(en) Sum
men geldes di si gerez von vns empfangen hab(e)n vnd genome(n) Wir leisten adir leisten nicht darnach in kurczen tage So mug(e)n di
offgnant(en) h(er)ren von Colditz vnd ire Erbin adir getrewen hand(e)n di vorgnant(en) Newnczenhundert schok gr(oss) gewynnen in Cristen
adir in Judencoff vns(er) schadn vnd nicht off di iren Vnd was si des schaden nemen von nicht abtreten wegin des obgnant(en) haws
adir nicht beczalung wegin der megnant(en) Newnczenhundert schok gr(oss) der schade sey cleyn adir gros den si redlichen beweisen
mochten wo der schad anpinge mit nach reisen botelone nachczerunge den schaden gelobe wir In czu richten by vnsern guten trewen
mit den obgnant(en) Newnczenhundert schok gross an arg Vnd in alle wider rede Vnd ab vns(er) einer by diser czeit abginge
da got vor sey So gelobe wir lebenden einen and(e)n also gut(e)n vnd gewissen czu seczen an des gestorben stat by eynem manden by
der busse eines reithin ynlegers als hi ob(e)n stat geschriben Vnd das wir alle obgeschribene rede vnd artikel also stete gantz
vnd vnvorrucket halden wollen Des czu vrkund vnd merer sicherheit habe wir offgnant(er) her albrecht von der duben lanth
kompthur czu Behemen vnd czu merh(e)n her Benesch der elder von der duben herre czu hugesfwerde her Benesch der Junger
von der duben herre czu Tostomlath her vlrich von der duben herre czu Bstihz her herborth von colowrath herre czu Ra
czaw vns(er) Ingesigeli lassen hengen mit gutem willen vnd mit wissen vns(er) aller an disen kegenwortigen offen briffe
Der gegebin ist czu Tommthaw am nehsten dinstag nach obersten Nach gots geburt dreyczenhundert Jar darnach i dem and(e)n Jare