Wir Johans der Elt lantgraffe zun leuchtenb(er)g vnd Grafe zu hals Bekennen fur vns vnser erben offenlichen mit disem
briue Wann vns der Allerdurchluchtigste furste vnser gnediger herre her Wenczlaw Romischer kunicg zu allen czeiten merer
des Reichs vnd kunicg zu Behm von sulcher czweytracht vnd misshelmnis wegen die seine gnade vnd wir bis her gen einander
gehabt haben Wider in sein kunicgliche gnade gnomen vnd enpfangen hat vnd vnser gnedig(er) herre wurden ist darumb glob(e)n
wir mit ganczen vns(er)n guten trewen ane alle arglist in craft dicz briues das wir mit allen vns(er)n Slossen landen lewten
vnd vns(er)m vmugen dem obgenan(ten) vns(er)m gnedigen herren getrewlichen dienen wollen vnd sullen vnd jm alle vnsere Slozz
offenen zu seiner notdurfft wider herczogen Ruprechten pfalzgrauen bey Reyn vnd herczogen in Beyern in dem krige den
sie mit einander hab(e)n von des Romischen Reichs wegen als lange der weret vff vns(er)s obgenan(ten) gnedigen herren koste vns
vns(er)n Slossen vnd lewten ane schaden ane geuerde Wir globen ouch in guten trewen das wir seinen gnaden die Slozz park
stain vnd Weyden mit iren zubehorungen sullen zulos(e)n geben vmb virtawsent schock Behemischer grossen Wenne
er wil Wer aber das er sie bey seinen lebtag(e)n darumb nicht loste So sal der brieff den wir von jm darumb hab(e)n
furbaßme bey seiner ganczen craft vnd macht bleiben als er geschriben ist ane geuerde Wer es sachen das wir die
egenan(ten) Slozz Parkstain vnd Weyden selber losten So sullen dieselb(e)n Slozz des eren vns(er)s herren des kunicges vnd
der Cron czu Behm offene Sloffe sein als andere vns(er) Sloffe zu allen iren noten ane geuerde vnd argelist Mit
vrkund dicz brienes versiglet mit vns(er)m angehangen jnsigle Geben zun Bettler noch Crists geburt Virczenhund(er)t
Jar vnd dornach in dem Sechsten Jare des Sonnab(e)nds noch sant Elizabeth tage der heiligen Frawen