Wir Ludwich von gots gnaden Romischer Cheiser ze allen zeiten merer dez Reichs. Tun chunt allen den
di disen brief an sehent oder horent lesen. Daz wir durch stæte trewe di wir alle zeit an den vesten mannen
Hainrichen vnd Dyemen von Cholditz vns(er)n lieben getrwen erfunden haben vnd erkennen von vnserem Chaiser
lichem gewalt den selben Hainrichen vnd Dyemen vnd ir baider Erben bestætiget haben vnd bestæten di lehen
schaft vnd reht. di si an der Purch vnd stat Cholditz von dem Reiche vnd von vns habent. Also daz si
die mit allem rehten haben sullen von vns(er)r Chaiserlichen gnaden Als si dez vor von vns brief habent. Vnd
wellen daz si niemant dar an irre laidig oder beswære bei vns(er)r vnd dez Reichs hulden. Dar vber ze
vrchunde geben wir in disen brief mit vns(er)m Chaiserlichem Jnsigel versigelten. Der geben ist ze Nurnn(er)g
do man zalt von Christo geburt dreuzehen hund(er)t Jar darnach in dem dreizzigestem Jar dez phincz
tags vor dem phincst tag. Jn dem Sehtzehendem Jar vnsers Reichs. vnd in dem dritten dez Chai
sertums :~ :~