Wir Sigmund von gotes gnaden Rómischer kunig zu allenczeiten Merer des Reichs vnd zu Vngern zu Behem Dalmacien Croacien(etc) kunig.
Bekennen vnd tůn kunt offenbár mit disem brief allen den die In sehen oder hóren lesen. Daz zu vns gesant haben die hochgebornen Ruprecht vnd ludwig gebrůdere herczo
gen in Slesien vnd zu loben vnser lieben Oheimen vnd fúrsten den Nambafftigen heinczn volkuw Iren diener mit einem vollen macht brief den vns derselb heincz fúrbracht
vnd vbergab vns zu bitten daz wir zu solichem leipgeding das die vorgen(ant) herczog Ruprecht vnd herczog ludwig beyde der hochgebornen margreten herczogynn von Oppoln
des egenant(en) herczog ludwigs Gemahel verschaffet vnd vermachet habn. Nemlich das lannd Stat vnd manschafft zur Olaw disshalb der Oder gelegn legin Strelin
vnd Nymptsch wert mit allen vnd yslichen fúrtslichen rechten herschefftn nuczen cjnsen dinsten gerichten lehen geystlichen vnd werntlichen nichts vssgenomen vn
sern willen als ein kunig czu Behemin gebn vnd der vorgen(ant) margreithen auch solich leipgeding vnd leipgeding zubestetigen gnediglich geruchten Des haben wir
angesehen soliche redliche bete vnd auch betracht grosse trewe liebe vnd cuneygung die der vorgen(ant) herczog ludwig zu der vorgen(ant) fraw margretha siner liebn Gema
hel hat Darumb mit wolbedachtem mute gutem rate vnser fúrsten herren vnd getruen vnd rechter wissen haben wir vnser ganczn willn vnd verhengnuss zu dem
vorgen(ant) leipgeding oder leipgeding gegebn vnd haben ouch die vorgen(ant) fraw margaretha durch der vorgen(ant) herczog Ruprechts vnd herczog ludwigs Ires gemahel bethe
willen dorein gnediglich gewiset vnd geseczet als sy Ir dan das vor vns mit Irem brief vssgelossen haben vnd seczn vnd weisen sy dorein vnd bestetigen vnd confirmirn
Ir dasselbe leipgeding auch von Behemischer kuniglicher maht in krafft diss briefs Also daz die vorge(nant) fraw margareta nach tode vnd verscheydung des vorgen(ant) herczog
ludwigs Ires Gemahels Ir vorg(enant) leipgeding oder leipgeding auf den vorg(enant) land Stat vnd manschafft zur Olaw diserhalb der Oder gelegen als vor berurt ist Ire
lebtag mit allen fúrtslichen herlicheitn herschefftn nuczen cjnsen rentn dinstn gerichten lehen geystlichen vnd werntlichen vnd allen andern zugehorungen nichts
vssgenomen haben halden besiczen geniessen vnd gebrauchen gerulich sol vnd mag von allermenniglich vngehindert Doch vnschedlich vns vnd der Crone zu behem
an vnsern lehen vnd dinsten vnd sust yederman an seinen rechten. Wir haben ouch der vorgen(ant) frawen margaretha zu vormunden vnd lehentragern gegeben die hoch
geborn herczog Bollen von Oppoln Iren vatter herczog Bernhartn von Strelin Iren vetter herczog Bollen vnd herczog Iohannsen eiblinge zu Oppoln Ire brudere Also wen
es zuschulden qweme vnd herczog ludwig Ir gemahel von diser werlt verscheide do got lang fur sey daz sy dann alle miteinander oder Ir einer Ir lehentrager vnd vormu
de sein vnd sy by solichem Irem leipgedinge schuczen vnd schirmen vnd die vorgen(ant) lehen von vns vnd der Crone zu behem an Irer stat erkennen vnd verdienen.
als solicher furstlichen lehen recht vnd gewonheit ist. Mit vrkund diss briefs versigelt mit vnserm kuniglichen anhangendem Insigel. dan wir die czeit vnsere maie
stat Sigel nicht bey vns hatten. Geben zu Ofen nach Crists geburt vierczenhundert vnd dornach in dem Sechssvndcwenczigisten Jaren des Dinstags vor sant Gal
len tag. Vnser Ríche des Vngrischen(etc) in dem Vierzicgisten des Romischen in dem Sibenczenden vnd des Behemischen in dem Sibenden Jaren