Wir Sigmund von gotes gnaden Romischer kunig zu allentzeiten Merer des Reichs vnd zu Hungern zu Behem Dalmacien Croacien (et)c(etera) kunig Bekennen
vnd tun kunt offenbar mit disem brieffe allen den die In sehen oder horen lesen Als wir dem Edeln puothen von Czastolowitz vnsern lieben getruen fur seine dienst die er vns etweuil Ja-
re biß her getan vnd ouch vmb solich scheden die er in denselben vnsern diensten empfangen hat ein mercklich Sume gelts schuldig beliben sind als wir dann vnsere stete mit Im dorumb
haben lassen uberkomen vnd als wir In vmb das grosste genugug gemachet haben Also sey wir Im alle ding zu same gerechent noch Sechs tausent Behemischer Schok guter prager gros-
sen schuldig beliben vnd dorumb den egen(anten) puothen solicher Sum gelts sicher zu machen vnd In seiner dienst zu ergetzen So haben wir Im vnd seinen Erben vnser land vnd furstentum zu Munster
berg das nach tod vnsers lieben Oheims hertzog hansens von Munsterberg an vns als eynen kunig zu Beheim redlich gefallen ist mit allen vnd yglichen herlichkeiten Slossen Steten leuten
mannen lehen geistlichen vnd werntlichen guntzen gerichten dorffern eckern wisen welden Teichen vogtien wassern fischereyen mulen wiltpennen gereyten vogelweiden Renten nutzen
czinsen fellen vnd allen andern zugehorungen nichts vßgenomen wie man die mit sunderlichen worten benennen mag fur die egen(ante) Sume Sechs tausent Schok grossen gnediclich verpfendet
versetzet vnd verschriben verpfenden versetzen vnd verschriben Im ouch mit wolbedachten mute guten Rate vnd rechter wissen dasselb land von kuniglicher macht in crafft diß briefs Also daz
derselb puotha vnd sein Erben das vorgenant land vnd furstentum mit allen vnd yglichen seinen zugehorungen als vorgeschriben steet nichts vßgenomen nu furbasmer in pfandes wise haben
halden besitzen vnd des geniessen vnd gebrauchen sollen so lang biß wir oder vnser erben vnd nachkomen Im oder seinen erben die vorgen(ante) Sume gelts Sechs tausent schok gantz vnd gar betzalt
vnd In dorumb genug getan haben vns sol ouch der vorgen(ante) puotha oder sein Erben keinen vßslag oder schaden mer rechen Sunder wenn wir oder vnser erben oder nachkomen kunig zu Be-
heim Sy solicher lozung vns zu gestatten erfordern So sollen Sy sich des nit widern Sunder vns nach vnser ermanug in einem monat derselben lozung gestatten vnd vns des vorgenan(ten)
landes mit seiner zugehorung abtreten on alles widersprechen wir behalden vns ouch daz vns alle stet vnd Sloß des vorgen(anten) landes offen sein sollen zu vnser notdurfft daz wir vnser volk
vnd Amptleut dorein legen vnd vns dorauß vnd widerein wider vnser feind behelfen mogen vngeuerlich on sein oder seiner erben schaden Ouch sollen vnd wollen wir den egen(anten) puothen vnd
sein erben bey dem obgen(anten) land hanthaben schutzen vnd schirmen vnd In gen allen den die dorein tragen wolten oder meinten vertreten alßlang als Sy das in pfandeswise ynnehaben Ouch er-
louben vnd gunnen wir Im von der egen(anten) Behemischer kuniglicher macht in crafft diß briefs daz er an sich lozen moge was von dem egen(anten) vnsern land versetzt oder verpfendet ist vnd was
er also an sich bringt oder lozet nach vßwisung der brieff die Im doruber ynnewerden dieselb Sum stossen wir Im vnd seinen erben alle vff das egen(ante) land zu der Sum die er vor in disem
vnserm brief doruff benennet hat vnd wollen wann wir oder vnser erben oder nachkomen das von In lozen wollen daz wir In dann die gantz Sum vnd was Sy gelozet haben gantz vßrich
ten vnd dorumb genug tun sollen vnd wer disen brief mit Iren guten willen ynnehat der sol zu der vorgeschriben verschribung souil Rechts haben als Sy selber Ouch so behalden wir vns
als einen kunig zu Beheim zu einer herlichkeit die leihung aller korherren pfrund vff dem Sasst zum heiligen Creutz zu Breslaw drynn sich nymand sol weren vnd wir gebieten dor-
umb allen vnd yglichen prelaten Rittern knechten mannen Burgermeister Schepfen Richtern gebawrn Arm vnd Reich vnd allen des vorgen(anten) furstentums vndertanen daz Sy nu fur-
bas vff den egen(anten) puothen vnd sein erben sehen vnd In gehorsam vnd gewertig sein in pfandeswise vnd Im tun was Sy In tun sollen alßlang biß Sy mitsampt dem lande vmb die vor-
gen(ante) Sum vnd als obgeschriben steet von In gelozet werden vnd tun dorynne nit anders bey vnsern hulden Bey den sachen sind gegenwertig gewesen der hochwirdig in got vatter herre
Johans Cardinal zu Olomucz vnser lieber freund vnd die Edeln Vlrich von Rozenberg hartung von Cluw vnd Janko von Chotiemitz Rittere vnd ander vnser getrue Mit vrkunt diß
briefs versigelt mit vnser kuniglichen maiestat Insigel Geben zu Prespurg Nach Cristi geburt virtzehenhundert Jar vnd dornach in dem Newnvndtzwentzigisten Jare An dem nechs-
ten Sambstag vor vnser lieben frawen tag Assumpcionis vnser Reiche des hungrischen (et)c(etera) in dem dreyundvirtzigisten des Romischen in dem Newntzehenden vnd des Behemischen
in dem Gehenden Jaren
Ad mandatu(m) domi(ni) Regis
Cuspar Slik