Wir Albrecht von gotes gnaden Romischer künig zu allenczeiten Merer des Reichs vnd zu Hungern zu Behem Dalmacien Croatien (et)c(etera) künig vnd herczog zu Osterreich (et)c(etera) Bekennen vnd tün kunt offen
bar mit disem briene allen den die In sehen oder horen lesen. Wann vns die Burgermeyster Rate vnd Burgere vnser Stat züm luban vnsere lieben getruen durch Ire botschafft diemüticlichen gebeten haben, daz
wir In vnd der Stat luban alle vnd ygliche Ire freiheiten gnade rechte gerichte lehenbriene hantuesten vnd güte gewonheite die sie bißher genossen haben, vnd die sie von vnsern vorfarn nemlichen von dem allerdurch
leuchtigisten fursten hern Carl Romischem keyser vnd künig zu Behem, künig wenczlawen, vnd vnserem lieben herren vnd vater keyser Sigmunden seliger gedechtnisse, vnd künigen zu behemmen ouch andern
Iren fursten, vnd Margrafen zu Brandemburg seliger gedechtnisse nemlichen vber das gericht vnd die Voitey erworben vnd redelichen her bracht haben zünerneuwen zü beuesten zü bestetigen vnd zü Confirmieren
gnediclichen gerüchten. Des haben wir angesehen der vorgenan(ten) von luban redliche vnd flissige bete, vnd ouch betracht gerene willige vnd anneme dienste die sie vns vnd der Cron zü Behem ofte vnd dicke nucz
lich vnd williclich erzeigt vnd getan haben vnd vns vnd derselbigen Cron thün sullen vnd mogen In zükunfftigen zeitten, Vnd haben darumb mit wolbedachtem müte gütem Rate vnd rechter wissen, vnser
fursten Edeln vnd getruen, den vorgenan(ten) Ratmannen vnd Burgern gemeinlichen vnd der Stat luban alle vnd ygliche Ir freiheit(en) gnad recht gerichte priuilegia briene hantuesten vnd güte gewonheite die
sie von dem obgenan(ten) hern Carl Romischen keyser künig wenczlawen, keyser Sigmunden seliger gedechtnisse, vnd andern künigen zü Behem vnd von andern Iren fursten vnd Margraffen zü Brandem
burg vnsern vorfaren güter gedechtnisse erworben vnd redlich herbracht haben vnd nemlichen vber das gericht daselbst züm luban, das In der obgenan(te) vnser lieber herre vnd vater keyser Sigmund
seliger gedechtnisse vormals verlehent hat, vnd die voitey die sie Inne haben daselbst In allen vnd yglichen Iren puncten formen Artickeln vnd bedewtungen, als die von worte zü worte lautten
vnd begriffen sein gnediclichen vernuwet beuestent bestetiget vnd Confirmiret, vernuwen beuesten bestetigen vnd Confirmieren In die ouch von Behemischer küniglicher macht, In crafft diß briefs
vnd meinen vnd seczen vnd wollen, das die In allen Iren puncten stucken Artickeln vnd begreiffungen crefftig sein, vnd beliben sollen glicherweiß, als ob die alle vnd ygliche von worte
zü worte lautten In disem briene begriffen vnd geschriben wern, vnd das ouch sie dobey beliben, vnd der gebruchen sollen, vnd die vorgenan(ten) voitey vnd gerichte ouch Innehaben besiczen, vnd
des ouch gemessen sullen vnd mogen, vor allermeniclichen vngehindert. Vnd wir gebieten darumb allen, vnd yglichen fursten Geistlichen vnd weltlichen freyen herren Edeln Rittern knecht(en)
Amptlüten houptmannen, Richtern, Burgermeyster, Ratmannen, vnd gemeinden, vnd sust allen andern vnsern vnd der Cron zü Behem vndertanen vnd getruen ernstlichen, vnd vesticlichen
mit disem briene, das sie die obgenan(ten) von luban an den vorgenan(ten) Iren gnaden freiheiten, rechten, brienen, priuilegien, hantuesten, vnd altherkomen, vnd an dem gerichte daselbst fur
basmer nicht hindern, noch Irren sollen, In dheinerweiß Sunder sie der genzlichen vnd vngehindert gebruchen vnd gemessen lassen, bey behelttnisse vnser vnd der Cron zü Behem hulden
vnd bey verliesunge der pene In solichen vorgenan(ten) priuilegien, vnd brienen begriffen. Mit vrkunt diß briefs Versigelt mit vnsere küniglichen Maiestat Insigel Geben zü Breßlaw Nach
cristi geburt Virczehenhundert Iar vnd darnach In dem Achtvnddreissigstem Iare An vnser lieben frawen tage Concepcionis Vnserer Reiche (et)c(etera) In dem ersten Iare
Ad mandatu(m) domi(ni) Regis
Hermannus hecht