Wir Albr(echt) vnd Ott von Gotes gnaden Herczogen ze Oesterr(eich) vnd ze Steyr(e) veriehen vnd tůn
chunt offenlich mit disem brief vmb di zehen tůsent march silbers da man zneym
von vns vmb losen sol als daz zwischen vns vnd dem Hochgeborn h(er)rn Johans chunig ze
Behaim vnser Herczog Otte swacher vnd h(er)rn Karlen Marggrafen ze Merh(e)rn vnsern
Brůder vormals in aindinge her chomen ist daz daz an wir geseczet wart vnd ouch daz
nach der tat zu zneym im nachste(n) solt ausgetragen sein daz wir den chunig vnd ouch
den marggrafen darumb weisen solten in pfandes weis den selben spruch mit
des egenant(en) Marggrafen gůten willen vnd gunst verzogen vnd Aufgeschoben
haben vncz auf sand Gorgen tag der schirst chumt an aller geuerd vnd sullen
vnd geloben ouch wir mit gůten trewn an argelist daz wir den selben spruch
denne enden vnd volfůren sullen in aller der mazze als di brief sagen di vor
zwischen vns darumb verschriben sind Vnd des zu ainem vrchund gebn wir
disen brief versigelten mit vns(er)n anhangenden Insigeln Der ist gebn ze
Weinn an phincztag vor sand Gregory tag Do man zalt von Christes
gepurde Dreuczehenhund(er)t iar darnach in dem fůmf vnd dreizzigisten
iar