Wir Albrecht von gotes gnaden Marggraue zu Brandburg vnd Burggraue zu Nurenberg bekennen vnd thun kunt offenlich mit disem brief gein allermeniglich Wann wir wol gnomen gemerckt vnd bedacht haben solichen grossen vnbillichen krieg vnd
widerwertigkait so sich bey der Hochgebornen fursten vnser lieben Oheimen Hern Johansen vnd hern Heinreichs gebruder Herzogen zu Brieg ir seliger gedechtnuss von wegen irer gewonhait so sie in etlichen stucken des landes in der Slesien zuhaben vmeynten In
manigfaltig weis ergangen begeben vnd vnlauffen haben vnd hinfur noch mer aufersten vnd geschehen mocht Das alles aber zuuerkomen So haben wir vns got dem Almechtigen zulobe vnderstanden vnd mit der hernachgenante partheyen gunst vnd guten willen Ein soliche freuntschaft
gemachet vnd auch dabey abgeredt vnd betadingt zwischen hernachgeschriben stat Eyns ersten das der hochgeborne furste vnser lieber oheim Herzog fridrich von brieg ir des wolgebornen vnd Edeln Gircziks von Cunstat Herr zu Podiebrad Gubernator vnd hofmaister des kunigreichs
zu Behem selichs tochter Junckfraw Elena genant In dem Sacrament der heiligen Ee haben vnd nemen Die auch der vgenant her Girczik seiner lieb also geben sol vnd will Als er vns das dann an des gnan vnsers oheims Herzog fridrichs stat versprochen vnd mit munde
vnd handt aufreicht vnd redlich zugegeben vnd ylobt hat Vnd was auch derselbe vnser lieber swager her Girczik dem egnant vnserm lieben oheim Herzog fridrich zu seiner tochter wirdet geben Soms sol he dasselb vnser oheim durchaus widermb zu leipgedinge
vermangen nach des landes gewonheit zu Behem Vnd darauff so haben wir betadingt das die lande vnd stete lignicz vnd Goliperg dem egnant vnserm lieben swager Hern Gircziken dem Gubernator Auff plich recht so der durchleuchtig vnser gnediger her
kunig laslaw In vnd auf denselben lande vnd steten lignicz vnd Goliperg zuhaben vermeynet vnd Ime gegeben vnd damit begnadet hat Ein erbhuldigung thun sullen Doch hierin dem vgenant vnserm oheim Herzog fridrich vnschedlich an allen seinen rechten
vnd gerechtigkait so von seinen Anhern vnd vatter seligen vermaynt haben Vnd auch sunst an allen teidingen So sullen auch die ander vnsers oheims Herzog fridrichs Erblande vnd stete als den gnan vnserm lieben swager Hern Gircziken aufnemen vnd Ime
als einem getrewen verlieser vnd mechtigen Vormund des vgenant vnsers Oheims biß zuseinen mudigen Jaren vnd dori nicht weyter huldigen Vnd auch der genant vnser oheim Herzog fridrich In seinen mudigen Jaren kumen ist mogen sich dann
sein lieb vnd der genant vnser swager her Girczik oder ir erben vmb die obgnant gerechtigkait an den vorbenan landen vnd steten lignicz vnd Goliperg mit Iren Zugehorungen Als die Herzog ludwig seliger gehabt hat In freuntschaft vnd gutligkait
nicht miteinander geeynen oder vtragn So sullen sie von baiden seiten darumb mit recht erkennen lassen An solichem ende vnd stat als billich ist nach ordnung der wirdigen Crone zu Behem vnd nach alden rechten vnd gewonheyten der fursten in der
Slesien Vnd solich erkentnuss sol auch geschehen bynnen einem Jare vngeuerlich nach vnsers Oheims mundikait Nemlich so er Sechzehen Jare alde wirdet Vnd die besamung vnd gerichte sol dann vnserm oheim vgenant In dem anspruch vnschedlich
sein Vnd solichem tagk alsdann das rechtlich zugesprochen wirdet In seiner gegenburtikait daran sol vns mag sich dasselbe tayle halden Aller sachen vngehindert Wer auch sach das vnser swager her Girczik der lande oder stete die vnserm
oheim Herzog fridrichen erblich zugehoren vnd In schaczung seyen vmb sein aigen gelt was loste oder wende von wem oder an welchem lande oder stat das were das sol er macht haben zuthun nach Innhalung der brieff damit sie vormals
versat sein Die er auch fur vnserm oheim Herzog fridrich wider In der maß als er die gelost hett zulosen geben sol so er zuseinen mudigen Jaren komet in der zuschrift oder wend er oder seine liebe erbn des hernach begerende sein vngeuerlich Vnde
aber der genant vnser swager her Girczik an den vorgnan landen oder steten ichtes losen mit hilff vnd stewer der lande vnd stete vnserm oheim Herzog fridrich zugehorig das sol demselben vnserm oheim vnd seinen erben zugut komen Es
sullen auch alle Prelaten vnd manschaft geistlich vnd werntlich In den egnan furstenthumen lannden vnd steten bey Iren Rechten freiheiten priuilegien briefen gewonheiten vnd alden redlichen herkomen gelassen gehanthabt vnd geschuczt werden
wie sie die dann haben von Iren vorfaren Hern vnd herschaften vngeuerlich vnd von allermeniglich vngehindert on alles geuerde Sunderlichen wurd es sich das vnser oheim Herzog fridrich von tode wegen abginge vnd hinder Im nicht erbn ließ
die got vor sey So sullen alle seine gelassene lannde vnd stete an vnserm swager Hern Gircziken vnd sein erben sich ersterbn komend vnd gefalln Wir haben auch betadingt vnd abgeredt das der genant vnser swager her Girczik das lannde vnd stat
zum Brieg mit aller manschafft vnd lehenschaft Geistlich vnd werntlichen vnd daran auch mit allen vnd yglichen herschafften vnd zugehorungen lossen Nemlichen vmb Newnthalbtausent marck Vnd der hochgebornen furstin vnser
lieben mumen vnd swester tochter frawen Hedwigen Herzogin zum Brieg ir bynnen disem Jare vngeuerlich emgebn Vnd sie mit erblicher huldung Ire lebtag darein seczen sol Als ein rechte naturliche Erbfurstin desselben lannde vnd stat
Brieg das sie auch also Ir lebtag mit allen Renten nuczen herschafften vnd zugehorungen Innehabn nyessen vnd gebrauchen sol Wie Ir das am besten zustatten komen mag von allermeniglich vngehindert Ob es auch zufallen keme das got
lange verhuten wolle das vnser Oheim Herzog fridrich vnd seine leibliche erben die gnan vnser mumen vberlebn wurden So sol solich lannde vnd stat Brieg komend vnd gefalln an den gnan vnserm oheim Herzog fridrich vnd seine erbn
Wo sie aber derselbe vnser oheim so Sone nicht vberlebt vnd auch nicht erben hinder Im verließ So sol das obgenant lannde vnd stat Brieg mit seiner zugehorunge komen erben vnd gefalln nach tode der gnan vnser mumen an den
obgnan vnserm lieben swager Hern Girczik vnd seine erbn Doch also vnd mit der beschaidenheit das die genant vnser mume mit solichem gelte das Ir nach der losung des briegs als vorgenant ist durch vnserm swager Hern Gircziken
darauff verhafft vnd verschriben wirdet zuthun vnd zulassen macht haben sol das bey Irem leben oder tode zunerschencken vnd zuuershaffen nach Irem willen vnd wolgefallen Wem wie oder wohin sie das auch also vnschaffen vermachen
oder bestelln wurde An dasselbe ende sol sich das lande vnd stat Brieg halden vnd sunst an nymat anders Solang biß solich gelt vnd vermachung volkomenlich gehalden vnd volczogen wirdet Vnd das sol auch in der huldung bestalt vnd
versorget werden Wurde aber dieselbe vnser mume kein gescheffte oder vmachung thun als obgemelt ist So sol es vnderwegen pleibn es von Rechten wegen zusteet Vnd wiespalte vnser mume in lande vnd stat brieg als obgemelt ist mit huldung
eingesaczt wirdet So sol sie alle Ire brief vnd gerechtigkait die sie daruber hat Hern Gircziken vnserm swager antwurtin vnd die tot sein sullen kein krafft noch macht inhabn Wir haben auch betadingt alle dieweil vnd nemlich drey
Jare der Brieg als obgeschriben stat nicht gelost vnd der gnan vnser mumen vneingeseczt wirdet So sol Ir vnser swager her Girczik Ein haldunge Ires wesens als einer furstin nach Irem stand zugehoret geben vnd außrichten
Sechshundert schock grossen Nemlich auf die nechstkunfftigen Quattemper Vnderhalbhundert schock vnd darnach auf ygliche Quattemper die Jare nacheinander volyende Vnderhalbhundert schock grossen die Ir auch zu einer
yglichen vgenant czeit gein dem Goliperg sullen geantwurt werdn von allermeniglich vngehindert Vnd auf das alles So haben wir auch nemlich betadingt ob vnserm oheim Herzog fridrich so er zu seinen mudigen Jarn komet
oder seinen erben das recht von lignicz vnd Goliperg weyd dauon obgemelt ist zufalln wurd vnd zusten So sol derselbe vnser lieber oheim dem gnan vnserm lieben swager Hern Gircziken oder seinen erbn Soms geldes wider gebn
vnd beczalen als das gewest ist darumb er den Brieg geloset als er den der gnan vnser mumen eingezebn hett Vnd der gnan vnser swager oder seine erbn sullen an sich oder seine erbn darumb nicht hoher anfordn Solichs alles wie obgenant
ist Sol von baiden tayln Nemlich durch vnser mumen von Ire selbs vnd des gnan vnsers oheims Irs sons wegn Vnd vnser swager her Girczik fur sich sein tochter vnd erbn notturfftiglich verschribn vnd isichert werdn Damit
dem auf baide seytten vnuerruckt nachgegangen werde Alles getrewlich on argeliste vnd geuerlich on alles geuerde Vnd des alles zu warem vrkunde gebn wir obgenant Marggraue Albrecht Iglicher obgnan tayle dieser vnser taiding
einen brieff In gleicher forme lautende mit vnserm anhangendem Insigel versigelt Geschehen zu Brieg den dinstag nach dem Sontag misericordia domini Nach cristi gepurte Vierzehenhundert vnd in dem vierundfunfczigiste
Jaren