Ich Wilhalm von liechtenstain von Nucolspurg Bekenn offenlich mit dem brief Als die Edeln herren her Hainreich von der leippen des kunigreichs
ze Behem obristez erbmaschalich fur sich vnd anstat seiner frewnt lehensmann vnd diener auch helfer fur die er sich angenomen hat ains Vnd her Hanns fur
sich vnd anstat hern Hainreichen hern Cristoffen vnd Jorgen gepruedern von liechtenstain von Nucolspurg meiner lieben Vettern irer frewnt diener vnd hel
fer fur die er sich angenomen hat des andern tayls Von aller der zuspruch vorderung misshellung So mit krieg raub prant vnd nam oder wie sich die zwischen
baiden tailen bis auf hewtigen tag verlauffen vnd begeben haben nichts ausgenomen noch hindan gesat Sunder alles hieinn beschlossen hinder mich gegangn
vnd hindargengig worden sein Vnd mich gepeten sy durch meinen spruch zu entschaiden hab ich angesehen solich ir pet vnd begern Vnd nemlich das mir ir zwitracht
nicht lieb gewesn ist Vnd mich der sachen angenomen Also was ich zwischen in darumb sprich das sy das auf baiden taylen genzlich stet halten volfueren vnd
dabey beleiben wellen getrewlich vnd angeuerd Nach laut vnd sag irer hindargengbrief die sy mir auf baiden taylen darumb geantwurt haben Also hab ich
wolbedachtlich mit gutem rat zwischen in gesprochen Vnd sprich auch wissentlich in krafft des briefs Das baid egenelt tayl Vmb all vergangen sachen
ganz verzicht geaynt vnd hinfur gut frewnt miteinandez sein sullen Es sol auch ain tail zu dem andern kainerlay zuspruch noch vorderung darumb von aller ver
gangen sachen wegen nicht mer haben noch gewinen in kainer weys Item darnach so sullen all gefangen auf baidentailen was der ist geneinander ledig gelassen
werden Item So sol der vorgeschriben her Hainreich von der leippen des kunigreichs zu Behem obrister erbmaschalich den geltbrief vmb die Tausent gulden
So Waczlab Lechenberg von meinen benanten Vettern Innehat vnd die petbrief vmb die Sigil so zu zewgnist an demselben brief hangen auch damit tausent
gulden zwischen hiein vnd allermaun Vaschangtag her gen Nucolspurg zu meinen hannden erlegen Vnd wann derselb geltbrief auch die petbrief Vnd die Tau
sent gulden bey mir erlegt sein Dann sol ich den bemelten Geltbrief vnd die petbrief vernichten vnd die Tausent gulden dem Lechenberg antwurten Da ent
kegen sullen die obberurten mein Vettern die Huldung die in noch nicht geraicht sein hern Hainreichen dem marschalich volgen lassen damit die lewt nicht
hoher noch weytter beswert werden Item so sol mir oder meinem anwalt her gen Nucolspurg von baiden zu wissen getan werden Welich diener von in raisig
werden Damit ich einen yeden tayl so das not tet west zu bewarn Darnach sich dann yeder tail der herrn west verrer zurichten Item so sullen all baider tail
abfag mir her gen Nucolspurg geantwurt werden alles getrewlich vnd ungeuerlich Vnd welicher tail den gegenwurtigen meinen spruch vberfur vnd
nicht genzlich stet hielt oder dawider tett es wer in ainem stuck oder meingern Der ist zu pen dem andern tayl Zehentausent gulden Hungrisch vnd duca
ten gerecht in gold vnd wag verfallen Vnd die dem stethaltenden tayl in ainem Iar nachst darnach so solicher pruch gemacht wird ausrichten Vnd sol
dannoch der gegenwurtig spruch bey seinen krefften beleiben Vnd dadurch in dhaym stuck verandet werden Des gib ich yetwederm tayl so obgenant sind
meinen spruchbrief in gelaicher lautt mit meinem anhangen Infigil Geben ze Nucolspurg an freytag nach sand Anthonien tag Nach kristy gepurd
Vierzehenhundert vnd in den Newnundfunfzigsten Iaren