Nos Lodouicus dei gracia Rex Hungarie et Bohemie (et)c(etera) Memorie commendamus tenore presencium significan(tes)
quibus expedit vniuersis: Q(uo)d nos de fide et fidelitate ac prudencia rerumq(ue) gerendarum pericia fidelium n(ost)rorum Reuerendi in (Christ)o patris
domini Johannis Gozthon Episcopi Ecclesie Jaurien(sis) ac Magnifici Johannis Dragffy de Belthewk Pincernarum n(ost)rorum Regalium Magistri Oratorum
et consiliariorum n(ost)rorum ad plenum confisi: Eisdem plenum mandatum nostrum plenamq(ue) item et omnimodam facultatem et Auctoritatem n(ost)ram
in eo dand(am) duximus et concedend(am) damusq(ue) et concedimus per presentes vt ipsi ad conuentum seu dietam generalem vniuersorum statuum et Regnicolarum
tocius Regni nostri Bohemie pro festo beati Martini Episcopi nunc proxime Affuturo in loco sedis nostre primarie eiusdem Regni nostri Bohemie Prage
ve(l)ut celebrandam ire et proficisci: ac ibidem cum oratoribus Excellentissimorum ac Serenissimorum Principum dominorum Maximiliani Ro(manorum)
Imperatoris semper Augusti (et)c(etera) ac Sigismundi Regis Polonie fratrum et tanq(uam) parentum n(ost)rorum charissimorum quos ve(l)ut Maiestates sue ad eandem
dietam Pragen(sem) ad nostrum desiderium similiter sunt missuri nostro nomine conuenire et cum eisdem nostra in persona cum prefatis statibus illius
tocius Regni nostri Bohemie de et super omnibus rebus et negocijs bonum et tranquillum statum nostrum et eiusdem Regni nostri concernentibus
et super vniuersis eciam et quibusuis differencijs et dissensionibus inter eosdem Regnicolas nostros et quemq(ue) statum ipsorum pro nostro ipsorumq(ue)
pariter publico bono et quiete perpetua consopiendis et complanandis iuxta informacionem nostram eisdem Oratoribus n(ost)ris per nos superinde
datam agere loqui tractare et disponere: ac ad vltimum eciam concludere et determinare: et alia eciam omnia et singula facere que ad ea necessar(ia)
videbuntur: et que nos ipsi faceremus si huiusmodi diete et tractatibus personaliter interessemus: eciam si talia forent que mandatum exigerent
magis speciale q(uam) presentibus est expressum: Promittentes in verbo nostro Regio omnia illa que prefati Oratores nostri: cum ipsis Oratoribus prefataru(m)
Maiestatum Romanorum Imperatoris ac Regis Polonie cum predictis subditis et Regnicolis tocius Regni nostri Bohemie in omnibus rebus iuxta
predictam instruccionem n(ost)ram fecerint disposuerint et concluserint Rata et grata habere ac firmiter eciam et inuiolabiliter obseruare facereq(ue)
obseruari Harum n(ost)rarum secreto sigillo nostro quo vt Rex Hungarie vtimur impendenti communitarum vigore et testimonio l(itte)rarum median(tibus)
Datum Bude in festo Beati Emerici Ducis et (con)fessoris: Anno domini Millesimo Quingentesimo sextodecimo: Regnor(um) n(ost)rorum predictor(um) (et)c(etera) Anno Primo
Lodouicus Rex
manu p(ro)p(ri)a scripsit