Nos Ludouicus Dei gracia Rex Hungarie et
Bohemie et(c) Memorie commendamus tenore presencium significantes quibus expedit vniuersis Quod Jllustris princeps dominus Georgius Marchio Brandemburgen(sis) consanguineus noster
charissimus Nomine et in persona fidelis nostri Jllustris Caroli in Slesia Munsterbergen(sis) et olsnen(sis) ducis et(c) ab vna necnon similiter fidelis noster Strennuus Achacius de Byrnycz Nomine
et in persona fidelis nostri magnifici ac Generosi Joannis T(h)wrzonis de Bethlenfalwa comitis camere nostre cremnicien(sis) partibus ab alia coram nobis comparentes pleno efficaciq(ue)
ac sufficienti vtriusq(ue) partis mandato seu literis procuratorys suffulti concorditer vnanimiterq(ue) proposuerunt comodo Quomodo prefatus dominus dux Carolus quedam dominia
siue oppida sua fewdalia videlicet Wolauia Stinauia et Randna appellata in prouincia nostra Slesie habita cum omnibus Juribus priuilegijs libertatibus exempcionibus Jmmunitatib(us)
concessionibus gracijs indultis tam per Serenissimum principem quondam dominum Wladislaum Hungarie et Bohemie et(c) Regem genitorem nostrum charissimum felicis
memorie Neciam alios principes et duces Slesie prefato domino duci Carolo ac alijs predecessoribus suis vtputa eorundem bonorum dominorumq(ue) ac oppidorum dominis et possessorib(us)
datis et concessis Jtem terris omnibus Arabilibus cultis et Jncultis agris pratis pascuis campis fenetis montibus vallibus promontorijs Siluis nemoribus Aquis stagnis et fluminibus piscinis
piscaturis censibus collectis dacys tam ordinar(ijs) q(uam) extraordinar(ijs) seruicysq(ue) consuetis et inconsuetis muneribus Jtem Nobilibus tam equestris ordinis Neciam alterius condicionis Jgnobilibus ac
rusticis et quibuscunq(ue) colonis Jtem Abbatijs monasteriorum Eibusen(sis) et beate marie virginis in Arena Wratislauie existen(tibus) Generaliter vero omnibus et singulis iuribus pertinencijs fructibus
emolumentis et prouentibus quibusuis nominibus vocitatis sub suis veris metis et antiquis existen(tibus) ad predicta dominia oppidaq(ue) et quecunq(ue) bona pretacta de iure et ab antiquo spectan(tibus) et
pertinere deben(tibus) nihilo penitus excepto sponte et libere maturaq(ue) et deliberata voluntate Memorato Johanni T(h)wrzony et eius heredibus pro certa summa florenorum ab eodem Johanne per
ipsum dominum Carolum ducem vt idem dominus marchio affirmauit respondetur nomine eiusdem ducis plene realiterq(ue) et cum effectu accepta et leuata dedisset vendidisset et perpetuo
inscripsisset Jmmo dedit vendidit et inscripsit coram nobis tenen(da) atq(ue) possiden(da) omni iure eo quo talia bona fewdalia de iure et consuetudine prouincie nostre Slesie vendi consueuerunt et quo
predicta oppida cum suis pertinencijs et prouentibus idem dux Carolus retroactis annis tenuit et possedit nullum ius nullamve Juris et dominij proprietatem in bonis predictis vel suis
heredibus et successoribus peramplius reseruans sed totum et omne ius omnemq(ue) iuris et dominij proprietatem quod et quam in eisdem oppidis dominijs bonisq(ue) pretactis habuit in eundem
Johannem T(h)wrzone suosq(ue) heredes transtulisset transtulitq(ue) coram nobis plene iure Supplicatum itaq(ue) extitit maiestati nostre per antefatos dominum Georgium marchionem ac Achaciu(m)
de Byrnycz parcium viciq(ue) procuratores Nominibus et in personis earundem humiliter vt huiusmodi fassionem prefati Caroli ducis de bonis suis pretactis ex causis et racionibus superius
narratis in personam dicti Johannis T(h)wrzonis factam Ratam gratam et acceptam habere ac premissis dacioni vendicioni et perpetuali inscriptioni nostrum Regium et graciosum consensum
prebere dignaremur Nos igitur consideratis tam prefati domini Caroli ducis Neciam ipsius Johannis T(h)wrzonis seruicys paterne in primis maiestati ac tandem nobisq(ue) varijs in reb(us)
studiose diligenter constanterq(ue) ac fideliter exhibitis et in futurumq(ue) exhiben(dis) Supplicacionibus pro parte eorundem nostre modo premisso porrectis maiestati Regia benignitate exauditis
et clementer admissis Premissis fassioni dacioni vendicioni et inscriptioni alijsq(ue) omnibus et singulis in tenore presencium literarum nostrarum contentis (inquantum eedem rite et
legitime facte sunt viribusq(ue) earum veritas suffragatur) Nostrum regium et graciosum consensum prebuimus prebemusq(ue) beniuolum pariter et Assensum Harum nostrarum Quas
Secreto sigillo nostro quo vt Rex Hungarie vtimur impenden(tibus) communiuimus vigore et testimonio literarum median(tibus) Datum Bude feria quarta proxima post festum Beati Mathei
Apostoli et Ewangeliste Anno domini Millesimo Quingentesimo decimo octauo Regnorum nostrorum Hungarie et Bohemie et(c) Anno Tercio
Ludouicus Rex
manu p(ro)p(ri)a