Wir allenn vnd ietzlichen die disen brieff sehen horen oder lesen bekennen das wir Mathes von logaw vnd Aldendorff Ritter an stin küniglichen gnaden stat der furstenthumben Schweid
nitz vnd Iawer hawptman das wir nachgeschriben lautt ainen offenen vnuerfartin furstlichen brieff auff pergamen an schrifft vnd sigel allenthalben vngesert wortt
zu worte vnuaruckt in vnsern handen gehabt gesehen vnd verlesen hab ~ Wir Herczog bolke von gottes gnaden Herre von furstenberg vnd czu Schweidnitz thun kundt
vnd bekennen offentlich allen den die disen brieff ansehen lesen oder horen lesen das wir durch besserung nutzes vnd auch ainer gmainen notturfft willen machen
setzen vnd geben vnsern krammern die zu Schweidnitz solichs recht ewiglich zuhaben vnd zuhalden als hie hernach geschriben stet mit vollem vnd rate vnser getrewen
Burgern vnd Retelewte derselben stadt zur Schweidnitz die deselben recht mit vnserm willen vnd gehais bedacht haben mit allem vleis Das selbe vnser kramer recht
ist das das erste sein das man an dem Sontag allaine vnd sunst an kainem andern tage zur kirmesse der minner bruder es sey burger oder gast mag vaile haben vnd auf
alle hindernus allerlay kramereyen Ader zu andern kirmessen in der stadt sol man nicht aderlay vaile han man mag doch vaile feile han klaidtmas bewtel
gurtel nadel spiegel spangen taschen vnd andere claine ding die man in andern steten vaile hat zur kirmesse sein Das ander recht sol das sein das die die do
steen hinder den kramen vnd haben zwen marck vnd darunder vnd nicht daruber die mogen vnd sollen verkauffen bey ainer lot vnd darunder vnd nicht daruber mit
der wagen vnd an wagen alles das sie vaile haben vnd sollen steen als sie vor han gestanden vnd welchs argir kramer haben vnd hinder den kramen steen die sollen daruber steen
Das dritte recht sol das sein das kain gast sol vaile han kramereye vor den kirchen in der stadt vnd an swemig bey ainer meile vnd welchs vor den kirchen steet dem sol man es fa
gen das er nymmer do steen wirt der da nach das man in es sagt da funden das er do steet so sol derselbe geben ain pfunde wachs Das vierde recht sol das sein alle die do
hie in der stadt machen klaidtmas bewtel gurtel taschen hantschuchen spangen seiden snur seiden bewtel vnd borten vnd sich generen mit der stadt die mogen vnd sollen
einzeln verkauffen in irem werckgadem also vil als sie kumen vnd mogen vnd an kainem andern tage vnder dem Iare Aber die es bringen aus frembden steden vnd
gesten die sollen verkauffen bey dem tucher ader bey dem tosil Das funffte recht sol das sein das die mitsnider sollen ir werck verkauffen bey kirchen aber die es hie sniden
die sollen es verkauffen bey dem steine vnd nicht darunder Das sechste recht sol das sein das man alles swer gut mag vnd sol verkauffen bey dem steine vnd nicht
darunder bey ainer virdunge das ist allaine weinstein seiffe kymel lorber cze dero vnd messing vnd ander swer gut Das sibende recht sol das sein Es sey
burger oder gast die da herbringen parchant schetter leste seiden tucher vberherley sie sint czendel die sollen es also verkauffen der gast mag vnd sol es verkauffen
In seines wirtes gadem ader in seines wirtes herberge auff aim tische ader auff ainer balgen bey ganzen tuchern vnd nicht an swemig der herbringen vnd auch bur
ger ader burgerinne mag kauffen an swemig den kramen vberherley sie wellen bey ganzen tuchern die hie vor benant sein Aber kainem an swemigen manne sollen
sie nicht kauffen bey ainer virdunge vnd welchs burger oder gast herbringt parchant schetter leste seiden tucher czendel grisse tucher tucher von der wollen die
mogen es seczen In ain kauffhaws vnd sollen damit thun als vns recht ist als hie vor geschriben stet Aber die grissen tucher vnd tucher von der wollen mogen sie auf seczen vnder
dem kauffhause vnd mogen es verkauffen mit irem gewande aber bey ganzen tuchern vngeschnitten vnd ain iczlich burger oder burgerinne mag kauffen speczerey auf
wendig den kramen bey dem pfunde vnd nicht darunder also vil als sie bedurffen in irer notturfft Aber kainem an swemigen manne nicht bey ainer virdunge Das achte
recht sol das sein das kaine burgerinne sol nicht mer speczerey kauffen weder ein gast denn also vil als sie bedarff zu ir notturfft vnd sol kainen slager kauffen das sie wider ver
kauffe bey ainer virdunge Das Neundte recht sol das sein das man das geslagne goldt mag vnd sol verkauffen wie man kan oder mag es sey gast oder burger Das
czegende das kain man sol kauffen kaine farwe vnder den kramen weder ain gast hie hie denn zu kramen bey ainer virdunge Das eylffte das man den weis
san zueyern mag vnd sol verkauffen bey dem pfunde vnd nicht darunder es sey burger oder gast Das zwelffte welchs gast herbringt swere ware der sol sie
legen in seines wirtes herberge vnd wenn er sie verkaufft so sol er sie wegen in dem waghause vnd nicht anderswo vnd wenn sie wirt gewegen so sol sie der
gast oder wer sie kaufft wider aus dem waghause tragen vnd nicht vber nachte dorynne lassen ligen Das dreyczehende welchs kramer nicht mit vnserm
vnder den kramen der sol geben ain marck welchs er aber vnmugit mit worten der sol geben ain virdinge Vnd zu ainer vrkhunde vnd zu ainer ewigen
stetigkait vnd das dise vnsere hie vorn recht stete vnd gancz ewiglichen werden gehalden des haben wir disen brieff heissen besigeln mit vnserm Ingesigel dem
grossen das ist gescheen vnd diser brieff ist gegeben zur Schweidnitz nach gottes geburte tausent Iare dreyhundert Iare In dem sechsunddreissigsten Iare an dem
nechsten dinstage vor vnser frawen tage liecht In vrkhundt hab ich obgenanter Mathes von logaw vnd Aldendorff zu haintung mein angeboren Ingesigel
wissentlich hieran hengen lassen Beschreen vnd gegeben an stin küniglichen gnaden stat am Sonnabent nach petri vnd pauli Im Tausent funffhundert vnd drey
vnd vierczigstem Iare