IN NOMINE Domini Amen. Nos Valentinus Scholasticus, Ioannes a Puchow Praepositus Melnicensis, et Canonicus Pragen(sis) Archiepiscopatus eiusdem Ecclesiae sede vacante Administratores. Recognoscimus, et Notumfacimus per praesentes. Quod Iussu, et nomine Iudicij
Terreni Inclyti Regni Boem(iae) Magnifici et Generosi Barones, et Domini. Dominus Ladislaus Popel a Lobkowic(z) Regiae Maiestatis Curiae in Regno Boemiae Marschalcus, et in Chlumec(z). Dominus Ernestus a Augezdecz et Kunicz in Gilemnicz. Dominus Ludouicus Bezdruzicky a Kolowrath. Ac Necno(n)
Nobiles, et Strenui Equites. Dominus Venceslaus Zichussiczky a Nestagiow in Zichussicz. Dominus Petrus Bechyne a Lazan in Piczin. Praepositus Wyssegradensis, obtuleru(n)t nobis literas Serenissimi ac Inuictissimi Principis, et Domini, Domini Karoli quarti Romanoru(m) Imperatoris semper Augusti, et Boemiae
Regis Bulla Aurea ex Zona sericea, fului et nigri coloris dependente sanas et penitus integras, omniq(ue) suspitionis vitio carentes, requirentes a nobis, ut eas in publica(m) formam redigeremus. Quarumquidem literarum tenor de uerbo ad uerbum sequitur, et est talis.
In nomine sanctae et Indiuiduae Trinitatis feliciter Amen. Karolus quartus diuina fauente clementia Romanoru(m) Imperator semper Augustus, et Boemiae Rex. Ad perpetua(m) rei memoria(m). Insignes laudabilis famae titulos moderni temporis meretur gloria posteritas, si quid praedecessorum Illus
trium circumspecta pridem instauit prouisio, uigilanti cura prosequitur, et grata sollicitudinis munit officio, ut fructus laboris solertia perenni successoru(m) comendetur memoriae, et ex consequentia bonorum operum, quasi ex relucenti speculo uetustatis seruat de felicibus mortuis felix memoria rediuiua.
Sane licet pridem recolendae memoriae diuus Fridericus Romanoru(m) Imperator Augustus, praedecessor noster, de singulari suae benignitatis munere, clarae recordationis Illustri Wadislao quondam Boemiae Duci, qui Regnu(m) Boem(iae) ante coronatione(m) suam regebat, et suis haeredibus Boemiae Regibus, censum de
Terra Poloniae, quem antecessores eius Duces Boemiae a Polonia, multis temporibus accipere consueuerant, quemq(ue) Poloniae et Slesiae Duces Sacro Imperio soluere tenebantur, prout in literis Imperialibus praefati euidenter exprimitur, liberaliter duxerit erogandu(m). Ipsi quoq(ue) Duces Poloniae, et Slesiae, eundem
censum Illustribus progenitoribus, et praedecessoribus nostris Boemiae Regibus, in signum subiectionis debitae, et in recognitionem sui superioris Dominij rite persoluerint multis temporibus retroactis. Tamen ad habundatioris cautelae praesidium, tractu temporis dicti Duces, sue haeredu(m), et successoru(m) su
orum nomine, atq(ue) uice. Principatus, Terras, et Dominia sua, a clarae memoriae Illustri Ioanne quondam Boemiae Rege, genitore nostro charissimo dum uiueret, et demu(m) a nostra celsitudine, dicto domino nostro genitore defuncto, et a Corona Regni Boemiae in feudum cum solemnitate debita suscepe
runt, nobisq(ue) ac dicto genitori nostro dum uiueret, tanq(ue) Boemiae Regibus, et Coronae Regni Boemiae praestiteru(n)t solemniter, obedientiae, homagij, subiectionis, et fidelitatis debitae, corporalia Iuramenta. Et licet insuper Ducatus Wratislauiensis, et Slesiae, cum suis omnibus pertinentijs, ad utile, et imme
diatum Dominiu(m) Illustriu(m) quondam Boemiae Regum progenitoru(m) nostrorum, et Coronae Regni Boemiae spectauerit ab antiquo, sicut hoc recolendae memoriae diui Rudolfi Romanoru(m) Regis praedecessoris nostri literae, in quaru(m) prima quanda(m) ordinationem, inter Illustres Ottakaru(m) quonda(m) Boemiae Rege(m)
proauum nostru(m) charissimum ex una, et Henricu(m) Ducem Wratislauiensem parte ex altera, uidelicet, quod dictus Ottakarus Rex, eidem Henrico Wratislauiensi, et Slesiae Duci, in casu, si Ducem praemori contingeret, in praemisso Ducatu Wratislauiensi, et Slesiae, Terris, et omnibus Dominijs suis
deberet succedere, per se facta(m) asserit. Et in secunda, ipsarum dicto Henrico Duce, iam sublato de medio, praedictu(m) Regem Ottakaru(m), haeredes, et successores ipsius Boemiae Reges, de Ducatu Wratislauiensi, et Slesiae, Terris, et Dominijs praefatis, tanq(ue) actu uacantibus, propter multa grata seruitia, quae Illustres
Boemiae Reges Sacro Roman(o) Imperio fecerant solemniter inuestiuit lucidus attestantur. Tamen Illustris Ioannes quonda(m) Boemiae Rex, genitor noster praefatus, cum Illustri Henrico septimo, et ultimo Wratislauiensi, et Slesiae Duce sororio nostro, dum uterq(ue) ipsorum uita ageret in humanis, qua(n)
dam ordinationem inijt, et tractauit, uidelicet quod dictus Dux Henricus, Terram et districtum Glacen(sem) cum Vasallagijs, feudis, Dominijs, et omnibus pertinentijs suis, de consensu dicti genitoris nostri, ad uitae suae duntaxat tempora, habere deberet, ut tamen eo moriente, Ducatus sui puta, Wra
tisl(auiensis), et Slesiae, ac praedictum Glacense Dominiu(m), ad usum, et possessionem, dicti genitoris nostri, haeredum, et successoru(m) ipsius Regum, et Coronae Regni Boem(iae) sine difficultate qualibet reuerteret, sicut hoc processu dierum, ad finem deuenit intentum, eo, quod dictus genitor noster dum uiueret, moriente Du
ce praefato, et Ducatu(m) Wratisl(auiensem), et Terra(m) Glacen(sem) praefatam, tenuit, et possedit, et nos utrunq(ue) de praesenti uelut Boemiae Rex in possessione tenentes utrobilbet dominamur. Et quamuis Marchia Budissinen(sis), et Gorlicen(sis), quae cum caeteris Ciuitatibus, Oppidis, et pertinentijs suis, ad Regnu(m), et Corona(m) Boem(iae)
ab antiquo pertinuit, per Illustrem Ottakaru(m) quonda(m) Boemiae Regem proauu(m) nostru(m), in personas Illustriu(m) quonda(m) Brandemburgensium Marchionu(m), ex certis, et rationabilibus causis, alienata fuerit aliquando. Tamen Marchionibus praedictis, absq(ue) haeredibus sexus masculini decedentibus, ad haec uita, Nobiles,
Milites, Clientes, Ciues, et uniuersi Incolae Marchiae Budissinen(sis), et Gorlicen(sis) praefatae animaduersione debita cognoscentes, qualiter ad Regnum, et Corona(m) Boem(iae) tanq(ue) ad immediatum, et naturale dominium dudu(m) pertinuerant, ad subiectione(m), et obedientiam, dicti Illustris Ioannis quonda(m) Boemiae Regis, ge
nitoris nostri tanq(ue) ad ordinarium, legitimum, et naturalem Dominu(m) suum, et ad Corona(m) Regni Boemiae, de cuius gremio dudum constiterat, ut praefertur, deliberatione no(n) improuida redierunt. Nos igitur indefessam sollicitudinis operam, et diligentia(m) exquisitam, quam saepedicti proauus, pater,
ac progenitores nostri charissimi quondam Boemiae Reges ad obtinendum, subiectionem, Vasallagium, et obedientiam Illustriu(m) Slesiae, et Poloniae ducum, uidelicet, Lignicen(sis), Bregen(sis), Munsterbergen(sis), Olznen(sis), Glogouien(sis), Saganen(sis), Opolien(sis), Falkenbergen(sis), Strelicen(sis), Teschinen(sis), Coslen(sis), Bithumien(sis), Stinauien(sis), et Os
uelinen(sis) Principatus, Mazouiae, et Ducatus in Ploczk, Principu(m), et fidelium nostrorum, Principatus, et Ducatus Wratislauien(sis), et Slesiae, necno(n) Ciuitates, uidelic(et) Wratislauiam, Nouumforum, Frankenstein, Stinauiam, Gor, Glogouia(m), Namslauiam, et pertinentias ipsarum, et etiam Budissinen(sis), et Gorlicen(sis)
Marchion(um), ut praefertur, non absq(ue) magnis impensis, et infinitis laboribus habuerunt, in n(ost)rae mentis acie continuo reuoluentes, ut uirtutis ipsorum frequentia, et sollicitudo laboris praeteriti sub felici nostro regimine solidescat, sicuti dudum, de plenitudine Roman(ae) Regiae potestatis statuendu(m) duximus, ita et nu(n)c
ex certa scientia statuimus, de nostrae Imperialis plenitudine potestatis, quod omnes supradictae sententiae, et clausulae, Imperialiu(m), et Regalium literarum, quas ad probationem, dictaru(m) intentionum adduci fecimus, semper, et ubiq(ue) in iuditio, et extra, et in singulis actibus, publicis, et priuatis, quotiens tenorem praesen
tium legi, siue publicari contigerit, eiusdem efficatiae, uigoris, et auctoritatis existant, ac si in figuris proprijs originalia uideretur, eo praecipue, cum eadem originalia, per nos, ac nonullos Sacri Roman(i) Imperij Principes, Barones, et Proceres, ascultata, et examinata fuerint diligenter, ac demu(m) comunicato su
per omnibus praemissis nonulloru(m) Sacri Imperij Principum, Baronum, et Nobilium, consilio speciali, praedictis omnibus de uerbo ad uerbum prout superius exprimitur, intellectis, et in examen, deliberate, ac prouida discussione adductis, ne ex interpretatione sinistra quorumlibet, nostris, haeredu(m), et successorum
nostrorum Regum Boemiae, et Coronae Regni eiusdem, Iuribus, honoribus, et statui, ualeat imposterum derogari auctoritate Imperiali, dictos Slesiae, Poloniae, et caeteros praedictos Duces nostros, Principes, et Vasallos, cum Principatibus, feudis, et Vasallagijs ipsorum, praesertim cum a Corona Regni praefati im
mediate dependeant, dictu(m) quoq(ue) Ducatum Wratislauien(sem) cum Ciuitate Wratislau(iensi), Nouiforen(si), Frankenstem, Stinauien(si), Goren(si), Glogouien(si), et caeteris Oppidis ibidem, necno(n) Marchiam Budissinen(sem), et Gorlicen(sem), cum Vasallis, Vasallagijs, feudis, Iurisdictionibus, Vtilitatibus, fructibus, obuentionibus, iurisdictionibus
Iudicijs, honoribus, iuribus, consuetudinibus, et omnibus dictoru(m) Ducatus, et Marchiae pertinentijs, uelut utile, et immediatu(m) Dominium nostru(m), et Regni Boemiae praefati, eidem Regno, et eius felici Coronae, imperpetuu(m) adiungimus, incorporamus, inuisceramus, asscribimus, appropriamus, et indiuifibiliter, ac in
separabiliter counimus. Specialiter etiam, et ex nomine interpretamur, pronuntiamus, diffinimus, protestamur, et dicimus, ac de certa nostra scientia declaramus, quod praefati Duces Slesiae, et Poloniae, haeredes, et successores ipsorum imperpetuu(m), quotiens Ducatus eosdem, aut alteru(m) ex eis uacare conti
gerit, ipsos, uel ipsum, a nobis, haeredibus, et successoribus nostris, Boemiae duntaxat Regibus, et a Corona Regni Boemiae praefati, absq(ue) renitentia, seu difficultate in feudu(m) teneantur suscipere, nosq(ue), haeredibus, et successoribus nostris Boemiae Regibus, et Coronae Regni eiusdem, homagij, obedientiae, fidelitatis,
ac subiectionis debitae, teneatur, et debea(n)t praestare, et facere corporalia Iuramenta. Supplentes omnem defectum, si quis in literis, et Priuilegijs dictoru(m) Imperatorum, et Regum Romanoru(m) memoriae recolendae, aut etiam in ordinatione, seu tractatu, dicti genitoris nostri, quem cu(m) praefato Henrico septimo, et
ultimo Wratislau(iensi), et Slesiae Duce habuisse dinoscitur, seu in reditu Nobilu(m), Militu(m), Clientu(m), Ciuium, et Incolarum Budissinen(sis), et Gorlicen(sis) Marchiae, qui ad Coronam Regni Boem(iae), ut praemittitur, ex rationabilibus causis redierunt, uel in praesentibus nostris literis uerboru(m) defectu, interpretatione dubia, sententiaru(m)
obscuritate, uel alia quauis occasione compertum fuerit. De certa nostra scientia, ac de praedictae Imperialis plenitudine potestatis. Non obstantibus legibus, consuetudinibus, iuribus scriptis, et non scriptis, Iuribus municipalibus, uel comunibus statutis, seu aedictis, publicis uel priuatis, factis, et aeditis, in contrarium, qui
buscunq(ue), quas, et quae, quantum ad haec, ac si nominatim, et de uerbo ad uerbum praesentibus inscripta, et inserta consisterent, etiam si de his, iure, uel consuetudine, deberet fieri mentio specialis, Reuocamus, cassamus, irritamus, anullamus, et de dicta Imperatoriae potestatis
plenitudine decernimus firmitatis fore nullius penitus uel momenti. Nulli ergo hominu(m) liceat hanc nostrae adiunctionis, incorporationis, inuiscerationis, asscriptionis, appropriationis, counitionis, interpretationis, pronuntiationis, diffinitionis, protestationis, declarationis,
decreti, defectuum suppletionis, reuocationis, cassationis, irritationis, et anullationis, pagina(m) infringere, uel ei ausu temerario aliquo contraire. Contrariu(m) uero facientes, si qui fuerint, (quod absit) ultra indignationem nostrae celsitudinis, quam ob hoc se nouerint gra
uiter incursuros, Mille Marcas Auri puri, nostrae, et Roman(ae) Regni fisco componat, ipsarum uidelicet medietatem, nostrae, seu successorum nostrorum Curiae, seu Camerae, et reliquam passis iniuriam irremissibiliter applicandam. Signum Serenissimi Principis
et domini, Domini Karoli quarti, Romanorum Imperatoris Inuictissimi, et gloriosissimi Boemiae Regis. Huius rei testes sunt, Venerabilis, Ernestus Archiepiscopus Pragen(sis), Illustres, Rudolfus senior Saxoniae Dux, Sacri Imperij Ar
chimarescallus, auunculus noster, ac Venerabiles, Praezlaus Wrat(islauiensis) Cancellarius Aulae nostrae, Ioannes Olomucen(sis), Iohannes Luthomuslen(sis), Theodricus Mindaen(sis), et Henricus Lubucen(sis), Ecclesiarum Episcopi, Illustres, Rudolfus iunior Saxoniae, et Ioannes Opanien(sis)
Duces, Spectabiles, Burghardus Magister Curiae nostrae Magdeburgensis, Henricus de Swarczburg, Ioannes Magdeburgensis, et Albertus de Anhalt, Comites, et Nobiles, Ioannes de Rosenberg, Ioannes de Sternberg, Sbinco de Hasemburg, Bohuslaus de Swanmen
berg, Boezko de Cunstát, Dirsessius de Rempnicz, et Vlricus de Vlka, et alij quam plures nostri fideles. Praesentium sub Bulla Aurea, Typario nostrae Imperialis Maiestatis impressa, testimo literaru(m). Datum Pragae, Anno Domini Millesimo Trecentesimo,
Quinquagesimo quinto, octaua Indictione, septimo Idus Octobris, Regnorum nostrorum anno decimo, Imperij uero primo. Nos igitur praememoratorum Dominoru(m) peticioni nomine Iudicij Terreni Regni Boem(iae) ut iuste annuentes, praefatas literas in autenticum, et transumptu(m), ac exemplar, quod
proprie Vidimus appellatur, transcribi comissimus, et eas uidimus, legimus, ac contrectauimus, atq(ue) in omnibus punctis, clausulis, articulis, sentencijs, integras, puras, et absq(ue) omni suspitione inuenimus. Illudq(ue) exemplar transumpti a nobis diligenter est reuisum, et cu(m) originalibus collationatu(m), cu(m) quibus
omnino concordat. Propterea nos praescripti Administratores autoritatem nostram ordinariam, huic Vidimus literaru(m) praefataru(m) interponimus, et idipsum ad omniu(m) noticiam peruenire uolumus. Ita ut praesenti transumpto in omnibus locis, iudicijs, uel extra iudicia, plena, et indubitata fides adhibeatur,
tanq(ue) ipsis originalibus literis. In quoru(m) fidem, et testimoniu(m) saepenominatu(m) Vidimus Sigillo officij nostri impenso curauimus co(m)muniri. In praesentia Venerabiliu(m) patrum, Domini Venceslai Decani, coeterorumq(ue) Capitulariu(m) eiusdem Ecclesiae Pragen(sis). Actum, et Datum in Capitulo nostro in Arce Pragen(si), die
decimanona Mensis Marcij, Anno Domini Millesimo Quingentesimo quadragesimosexto.