IN NOMINE Domini amen. Nos Valentinus Scholasticus, Ioannes a Puchow, prepositus Mielnicen(sis) et Canonicus Ecclesie Pragen(sis) Archiepiscopatus, eiusdem Ecclesie sede vacante Administratores. Recognoscimus et notum facimus per presentes.
Quod iussu et nomine iudicii Terreni Inclyti Regni Boemie Magnifici et generosi Barones et D(omi)ni, D(omi)n(u)s Ladislaus Popel a Lobkowicz Regie Maiestat(is) Curie in Regno Boemie Marefchalcus et in Chlumecz, D(omi)n(u)s Ernestus a Sswamberg et Runicz in Gileynecz, D(omi)n(u)s Ludouicus Bez=
druziesty a Kolowrath etc. Necnon Nobiles et Strenui Equites, Dominus Venceslaus Zichussuczky a Nestagiow, in Zichussicz, Dominus Petrus Bechyne a Lazian in Piczin, prepositus Wyssegradensis, obtulerunt nobis literas Reuerendorum Dominorum Ioannis
Brunonis prepositi Lubucen(sis) et Nicolai de Rysemburg prepositi Bumnensis, et Ecclesie Wratislauiensis Canonicorum, ac Administratorum in spiritualibus, et temporalibus Ecclesie eiusdem generalium, Necnon Capituli eiusdem Ecclesie Wratislauiensis. Si=
gillis tam Administratorum q(uam) Capituli in cera alba & Zoria Sericea uiridis coloris dependentibus. Sanas, et penitus integras, omniq(ue) suspitionis uicio carentes, Requirentes a nobis, ut eas in publicam formam redigeremus. Quarum quidem literarum tenor
de uerbo ad uerbum sequitur et est talis.
In nomine Domini amen Nos Ioannes Brunonis prepositus Lubucen(sis) et Nicolaus de Risemburg prepositus Bumnensis et Ecclesie Wratislauien(sis) Canonici ac Administratores in spiritualibus et temporalibus eiusdem Wratislauiensis Ecclesie generales. Ioannes Gosuini
Scholasticus, Conradus de Ronsinigin Iacobus Augustini, Ioannes Brunonis, Wernherus de Czeteras, Ioannes Beruici, Ioannes de Herndorf, Hermannus de Naklis, Petrus de Cunczind, Nicolaus de Regnicz, Ioannes Luminatoris, Nicolaus Winken Franciscus de Geuiczka
et Wenceslaus de Lutmosschil, Canonici. Necnon Capitulum Ecclesie Wratislauien(sis). Notum facimus tenore presentium uniuersis. Quia serenissimus ac Inuictissimus Princeps et dominus, Dominus Wenceslaus Dei gratia Romanorum Rex semper Augustus et Boemie Rex
Princeps et Dux Slesie, ac dominus Wratis(lauiensis) dominus et patronus noster gratiosus, Ecclesiam Wratislauiensem in Regno Boemie consistentem. Nos et Capitulum Wratislauiense, necnon Terras, possessiones, bona et homines ad eandem Ecclesiam, et nos comuniter et diuisim
spectantes, non solum iura, iurisdictiones, temporales concessiones donationes, Priuilegia, gratias, et indulta per progenitores suos et alios Principes, ac Christi fideles Ecclesie Wratislauien(si) et nobis hactenus concessas et datas, concessa pariter et donata confirmando. Verum etia(m)
nouis Regie munificencie concessionibus, gratiis et indultis consolando liberaliter et dotando de presenti per certi tenoris literas, perpetuo duraturas Ecclesie Wratislauien(si) et nobis concessas et datas plurimum gratiose respexit, et insuper eandem Ecclesiam, nos, Terras, homines, atq(ue) bo=
na nostra opportune protectionis sue presidio, realiter defendendo, ob hoc grata uicissitudine, ne tantorum acceptorum beneficiorum simus ingrati, quantum possumus occurere cupientes. Animo deliberato, non per errorem aut improuide, sed maturo et com(m)uni precedente
consilio pari omnium nostrum uoluntate pariter et assensu nobis ob hoc pluries personaliter in capitulo congregatis, pro nobis et successoribus nostris inperpetuum recognoscimus et tenore presentium publice profitemur. Quod prefatus dominus noster Romanorum Rex, tanq(uam)
Boemie Rex, pro se, heredibus et successoribus suis Boemie Regibus, et eiusdem Regni Corona, est patronus noster Principalis et dominus, ratione Wratislauiensis Ecclesie et bonorum ipsius que habemus in com(m)uni, uel in singulari, in Principatibus, Ducatibus, atq(ue) Terris sibi et eide(m)
Regno et Corone Boemie subiectis, et in feudum dependentibus ab eisdem, quos et quas in presentiarum obtinet, et ipse, et sui heredes ac successores Reges Boemie fauente domino futuris temporibus obtinebunt. Quodq(ue) ad ipsum, heredes et successores suos Boemie Reges, Regniu(m)
et Coronam Boemie, tanq(uam) principalem patronum, et dominum nostrum tenemur et uolumus, fidelem habere respectum, ac ipsum, heredes et successores suos, tanq(uam) principales patronos et dominos nostros, fideliter sicut expedit dignis honoribus uenerari, et in uera fide una sine omni dolo
Dominio atq(ue) patrono nostro, Boemie Regibus, pro nobis et successoribus nostris. Quod quotienscunq(ue) Regem Boemie, uel heredes et successores suos Reges Boemie, in ciuitatem nostram uenire continget, q(uod) tunc nos et Capitulum Wratislauien(se), qui pro tempore fuerit una cum ceteris prelatis Ecclesie noste
et uice suis et Capituli, ad coronationem futurum Regis tanq(uam) ad solemnitatem et gaudium patroni, et domini nostri, ad ciuitatem Pragen(sem) uel alibi ubi coronatio Regis fieri contigerit, accedere, et ibidem in coronato Rege statim ab ipso Oppidum Grotkow, cum omnibus suis terris, et districtu, et omnibus
et singulis iuribus et pertinentiis suis nomine Wratislauien(sis) Ecclesie in feudum suscipere et tempore susceptionis huiusmodi feudi, iuramentum homagii fidelitatis et subiectionis, quod a diue memorie serenissimo Principi domino Karolo Romanoru(m) Imperatori patri suo uelut
Boemie Regi ratione oppidi et terrarum dictorum prestitimus solemniter innouare. Ac quod Wratislauiensis Episcopus qui pro tempore fuerit uelut alii Principes ligii, Capitulum uero Wratislauien(se) Ecclesie tanq(uam) Vasalli Regni et Corone Boemie omnia et singula facient, que
iuxta Priuilegia, et consuetudines Regni, et Corone Boemie facere tenebuntur, toties quoties casuum mutabilitate poscente in morte Regis Boemie seu Wratislauien(sis) Episcopi fuerit opportunum, Berna Talliis seu exactionibus, ac ceteris grauaminibus exceptis, ad quas et que
non recognoscimus nos teneri. Ceterum ut respublica Regni et Corone Boemie, pro magnificentia patronorum et dominorum nostrorum Boemie Regum et subiectorum Regni predicti grata salute quedam incrementa suscipiens, felicibus auctore Deo successibus augeatur.
Memores quidem eius, quod dictus serenissimus Princeps predictus patronus et dominus noster gratiosus, dominus Wenceslaus Romanorum et Boemie Rex Illustris inter ceteras sue liberalitatis gratias Wratislauiensi Ecclesie et nobis concessas. Etiam totum Summum insu=
lam, seu locum sancti Ioannis Baptiste, in quo et inqua Wratislauiensis Ecclesia Cathedralis Episcopi, Prelatorum, Canonicorum, Collegiatarum Ecclesiarum. Et Ecclesiarum aliarum personarum ibidem existentium Principalia domicilia situata, muro, turribus, portis, po(n)=
tibus, per totum eius circuitum construi et muniri concessit. Volens etiam et statuens ibidem in antiquo Castro seu parte montis Ecclesie Sancte Crucis pro se, heredibus et successoribus suis Boemie Regibus, Castrum seu habitationem Regalem, construi erigi et firmari, prout sup(er)
hiis sunt certe Regales litere, continentie plenioris. Promittimus bona nostra fide, et sine omni dolo, pro nobis et successoribus nostris inperpetuum, prefato patrono et domino nostro, tanq(uam) Boemie Regi, heredibus et successoribus suis Boemie Regibus. Quod nulli unq(uam) Regi, Principi,
Duci, uel alteri persone uel hominibus cuiuscunq(ue) status, gradus, dignitatis aut conditionis existant, qui Regni et Corone Boemie Principes, Principatus, Ducatus, Ciuitatem Wratislauien(sem) et alia in nostra Wratislauiensi Diocesi, seu alibi sitos aut sita. Necnon Dominia, iura,
metas siue pertinentias ipsorum impugnarent offenderent uel inuaderent aduersus patronos et dominos nostros Boemie Reges, qui pro tempore fuerint prestabimus aut faciemus prestari, seu fieri sustinebimus a nobis, uel nostris subditis, auxilium, consilium uel fauore(m). Immo
tam Summum Wratislauien(se) muro firmatum, quem Episcopus distens pro tempore, et Ecclesia replete construi tenebuntur, q(uam) omnes et singulas Ciuitates, Oppida, Castra, et Munitiones nostras et Ecclesie Wratis(lauiensis) in Terra Nizsen(si) ac alibi ubicumq(ue) fuerint constitute aduersus
inuasores, impugnatores et offensores quoslibet complices, aduersarios et fautores eorum, sicut premittitur prefato domino nostro Romanorum et Boemie Regi, tanq(uam) Boemie Regi, heredibus et successoribus suis Boemie Regibus, capitaneis, officialibus et hominibus ipsoru(m)
dum et quotiens opportunitas illud exegerit pro defensione patrie, Principatuum, Ducatuum, Dominorum, Terrarum, iurium, pertinentiarum, et honorum Regni, et Corone Boemie promittimus, debemus, et uolumus, sine tamen preiudicio Episcopi pro tempore
existentis Ecclesie et Capituli Wratislauien(sis) absq(ue) fraude et dolo aperire fideliter, et efficere et procurare, per homines, officiales, et com(m)issarios nostros, absq(ue) cuiuslibet difficultatis obice legaliter aperiri. Sic tamen quod idem dominus noster, heredes et successores sui Boemie Re=
ges non facient cum inuasoribus, emulis et hostibus huiusmodi preter uoluntatem nostram concordiam. Et quod alias ad hoc ut Ecclesia Wratislauiensis, et nos, reddamur indemnes, prouideant cum effectu, ac contra omnes et singulos inuasores, oppressores et molestato=
res Ecclesiam Wratislauiensem, nos, bona nostra et homines tueantur pro uiribus et defendant. Quas etiam promissiones Episcopus qui pro tempore fuerit, statim postq(uam) in Episcopum per nos receptus fuerit et admissus. Et signanter in receptione feudi, terre et Oppidi Grot=
kow, dicto domino nostro domino Wenceslao Romanorum et Boemie Regi tanq(uam) Boemie Regi, pro se heredibus et successoribus suis Boemie Regibus ac Regno et Corona Boemie cum effectu de nouo facere tenebitur. Et easdem suis et Capituli Wratislauien(sis) Ecclesie patenti=
bus literis roborare. Harum quibus sigilla nostrorum uidelicet Administratorum predictorum, et Capituli dicte nostre Wratislauiensis Ecclesie sunt appensa testimonio literarum. Actum Capitulariter et Datu(m) Wratislauie. Anno D(omi)ni Millesimo, Trecentesimo, Octuagesimo
secundo. Sexto Kalen(das) Iunii. Nos igitur prememoratorum dominorum requisitioni iussu et nomine Iudicii Terreni Inclyti Regni Boemie ut iuste annuentes, prefatas literas in autenticum, et transsumptum, ac exemplar quod proprie
Vidimus appellatur transcribi com(m)isimus, et eas uidimus, legimus, ac contrectauimus atq(ue) in omnibus punctis clausulis, articulis, sententiis integras, puras, et absq(ue) omni suspicione inuenimus. Illudq(ue) exemplar transsumpti, a nobis diligenter est reuisum et cum origi=
nalibus collationatum, cum quibus omnino concordat. Propterea nos prescripti Administratores authoritatem nostram ordinariam huic Vidimus literarum prefatarum interponimus, et idipsum ad omnium noticiam peruenire uolumus, ita ut presenti transsumpto
in omnibus locis, Iudiciis, uel extra Iudicia, plena, et indubitata fides adhibeatur, tanq(uam) ipsis originalibus literis. In quorum fidem, et testimonium sepenominatum Vidimus Sigillo officii nostri impenso curauimus com(m)uniri. In presentia Venerabilium patrum D(omi)ni
Venceslai Decani, Ceterorumq(ue) Capitularium eiusdem Ecclesie Pragensis. Actum et Datum in Capitulo nostro, in Arce Pragensi, die Decimanona Mensis Marcii. Anno Domini Millesimo, Quingentesimo, Quadragesimo sexto.