Wir friderich von gotis gnaden Lantgrafe czu doringen Marggrafe czu myssen vnde ein herre ostirlande Grafe czu orlamunde vnde Herre des landis czu plissne. Bekenne
offentlich an diseme kegenwertigen brive, vnde tun kunt allen den di in sehen oder horen lesin, Daz wir mit gvter betrachunge, vnde wolbedachtem mute, vnde ouch
umb rate vnser frunde vnde heymelichen, vnde vnserm landen vnde luten czu sundirlichem nutcze vnde gute, des hochgebornen fursten vnde herren, herren karlis
erstgebornen sunes, herren Johans kunigis czu Behemen vnde grevin czu luczelnburg, vnsern lieben swacheres tochter amen, di er itzunt hat, oder di im noch got
bescheret, weliche der selbin, wir oder vnser erbin, di wir nicht lengir sint, der czu Eefen wollen, vnserm sune eimene der noch vnbewibet ist, an der selbe vnser
swager oder vnser swager sin vater ouch der czu Eefen oder nemen wolten, globit haben, vnde globin in disem brive, czugebene czu wibin. vnde sullen in der sel
bin siner tochter czulegen, an stete tzegelichis geldis der schaft komet, oder eht di di eht nach einander volgin sullen, oder er di von des antwrtgelichin gewins
weiden. Ouch sal der selbe vnser swager der marggrafe von meyern, siner tochter, czu vnserme sune, eimene theiln vnde, vnde vnde kousgin, czu einer morgabe vnde heym
stiwe, czehen tusent schok breiter groschen usrichten, vnde sal ez an ymme also bestellin, vnde vns vnde vnsern erbin, daz also gewis machen, daz vns oder in dar
an gnuge, er di kinder czusamene geleget werden, als ez hi vor stet bescriben. di beczalunge, des selbin geldis, sal geschen vnvorczogerlich, bi eime iare dar nach alse nest
als di kinder bi einander gelegin haben. So sullen wir di selbin tusent breiter groschen, czu lipgedinge, vnde morgengabe, wider seczen, di nachgeschribene vnser vesten
drosten di stat, vnde den hof da selbis, daz hus czu wida, daz hus, vnde daz stetichin czu Radeberg, mit weldin, wysen, wazern, vischereien, mulsteten, dorfern
gerichten, manschaften, gulten, renten, vnde gemeinlich mit allen eren, nuczen, vnde nuczen, besucht vnde vnbesucht, wi di namen mugin gehaben, di czu den selbin
drien vesten gehorin, vnde gehort haben, da si marggrafe willeme deme got gnade inne hat, also varw, als von der czit di czu den selbin vesten gehorin mug
sin, vnde itzunt in diseme itzigen tage innehaben. vnde daz sullen wir ouch enden, vnde volczien, er di kinder czusamene geleget werden, als daz hi vor stet gescri
ben. Ez ist ouch geredet, gefelle des got nicht enwolle, daz der vorgenanten vnser swager, des marggrafen von meyern, tochter, dar nach als si bi vnserme sune
gelegin hette, vorsturbe ane kinder, vnde nicht lenger were, so sullen di vorgeschriben czehen tusent schok, vnserme sune, deme eegenanten, vnde sinen erbin, vnde
di obgenante vesten, vnde waz dar czu gehort, vns vnde vnserm erbin wider vallen, behalden, so abin disem kint, oder kinder mit einander, so sal daz selbe gelt, bi
vns, vnde deme kinde, oder kinden bliben. vnde daz selbe gelt sal vns, vns swager der marggrafe, ab daz nicht da vor geschen were, beczaln, vnde gentzlich gebin
dan bi abir vnser sun in wirt, er deme sin tochter, so sal si da nach di vorgeschriben vesten, vnde waz dar czu gehort, czu irme libe, vnde nicht lengir, ab wir in
ane des geldis, als ez hi vor geschriben stet, beczalet wurden, behalden vnde geniczen, als irs rechten lipgedinges, ez were denne, daz wir, oder vnser erbin, di morge
gaben vesten, vnde waz dar czu gehort, vor di vorgeschriben czehen tusent schok wolden losen, da vor stet si vns di gewalt, vnde die widderrede wider geben,
vnde sal vns ouch daz also machen mit guten, vnde mugelichen pfanden, vnde bestellin, daz si vns vmme daz selbe gelt, wenne wir wollen, wedir antwrten, vnde
ouch, wenne si abegit, oder sturbit, daz si denne an vns, ab wir lebinde sin, oder an vnser erbin, vnde nachkomelinge, vnser herschaft, vnde niemande anders ledig
lichin wider gevallin. Ouch ist ez geredet, daz der obgenante, vnser swager der marggrafe von meyern, dise vorgeschriben ding, vns globin, vnde sweren sal, als
daz, vnser swager sin vater, twt in vnde mit im itzunt globit, vnde gesworen hat, czu den selbin eydin czu vns komet, Alle dise vorgeschriben stucke, vnde
artikele, haben wir globit in guten truwen, vnde czu den heyligen gesworen, stete vnde gancz czu haldene, vnde hengen czu vrkunde dar vbir, vnsern grozin ingesigil
an disen brive, Der czu prage gegebin ist, nach cristis geburte, driczehen hundirt iar, dar nach in deme vir vnde virczigisten iare, An goteis aschiri
abinde des heiligen czwelfboten, vnde ewangelisten. z