Honorius ep(iscopu)s seruus seruor(um) dei. Dilectis filijs Vniuersis Comitibus, Baronibus, Magnatibus et Nobilibus per Regnum Boemie
ac Terras alias Carissimi in (Christ)o filij n(ost)ri .. Regis Boemie Illustris co(n)stitutis Sal(u)t(em) et ap(osto)licam ben(edictionem). Audito nuper q(uo)d Carissimus in (Christ)o filius n(oste)r
Wencezlaus Rex Boemie Illustris post obitum clare memorie .. patris sui aduersitates multiplices (et) grauia in Regno ac alijs
terris suis dampna pertulerit turbati sumus sibi ueluti filio predilecto compatientes ab intimis super illis. Nam quanto ap(osto)lice sedis
benignitas personam eius uberiori fauore prosequitur geritq(ue) sinerius in uiscerib(us) caritatis, tanto sibi materia turbationis ingeritur am
plioris, cum suus et ip(s)ius Regni status aduersitatum procellis impetitur (et) turbationum fluctibus agitatur. Cum itaq(ue) sicut ac
cepimus, prefatus Rex adhuc in puerili constitutus etate, consilij auxilij et fauoris u(est)ri suffragio noscatur non modicum indi
gere, Vniuersitatem u(est)ram rogandam attente duximus et hortandam, quatinus pro n(ost)ra (et) ap(osto)lice sedis reuerentia, prefatum
Regem habentes propensius commendatum, ad ea que suum et Regni ac aliar(um) terrar(um) eius statum respiciunt prosperum
et tranquillum, uigilantibus studijs intendatis. Sic uos in hoc prompte ac efficaciter habituri ut exinde a domino pre
mium reportetis, (et) propter laudis humane preconium possitis a nobis non inmerito commendari. Dat(um) Rome
apud S(an)c(t)am Sabinam Non(is) Maij, Pontificatus n(ost)ri Anno Primo.