Wir karl von gots gnaden Romischer kung ze allen zeiten merer des Reichs vnd kung ze Beheim
Veriehen vnd tun kunt offenlich mit diesem brief allen den die in sehen horen odir lesen . Wann die edlen
Fridrich vnd Bernhart von Schomburg vnsir lieben getrewen fur sich ir erbin vnd nachkumen ewe
clich on geuerd vns vnsirn erbin vnd nachkumen ze Beheim vnd der Cronen do selbist gehuldit ge
lobt vnd gesworn haben getrewe gehorsam vnd vndirtanig zesein als kungen zu Beheim vnd iren
rechten erbherren vnd haben von vns gemutet ire lehen die sie von vns vnd dem künigreich ze Behem
ze rechte haben sullen des habin wir in mit wolbedachten mute vnd mit rechten wissen verlichen vnd
verleihen in iren erbin vnd nachkumen ewichlichen als ein kung ze Beheim die vestin den Hassensteyn
die Sletin vnd die Briesnicz mit dorfin zinsen gulten gulten nutzen gerichten beschesein eirn luten
rechten gewonheiten vnd mit allir zugehorung wie man die mit sunderlichen worten genennen
mag als sie die selbin vestin lehen vnd gute her bracht habin vnd die redlichen besessen haben vnd
besitzen an vrkund diczs briefs der gebin ist ze prage vnd besigelt an vnsirm Insigel Do man
zalt nach Cristis gepuert dreuczenhundirt Jar darnach in dem ein vnd fumfzigstim Jare an vnsir
frawen abent in der vasten in dem fumften Jar vnsirs Reichs .