In nomine domini amen Noverint universi presentes litteras inspecturi Quod Nos Albertus Decanus
Haulus de Baginwde Scolasticus Lutko de Culspey Cantor totumq(ue) capitul(um) ecclesie sancte Crucis Wratisla
vien(sis) facimus statuimus et ordinamus honorabilem virum dominum Petrum Custodem predicte ecclesie nostrum
et eiusdem ecclesie sancte Crucis verum et legitimum procuratorem et nuncium specialem ad tractandum cum serenissimo
principe domino et patrono nostro domino Karolo Romanor(um) Rege semper Augusto de permutacione et alienacione castri
antiqui siti prope ecclesiam predictam dandeq(ue) castro pro ecclesia in Lesna ac eciam viginti marcar(um) redditibus
annuis et perpetuis commutandum sic et taliter quod de ecclesia in Lesna reservata congrua sustentacione
plebano seu vicario ibidem ac annui redditus supradicti nobis et ecclesie nostre predicte pro cottidiana distribucione
deputentur et per reverendum patrem dominum nostrum Episcopum et suum capitulum Wratislavien(se) et eciam si fieri potest per sedem
apostolicam confirmentur Et quod idem dominus noster Romanor(um) Rex edificia dicti castri prius iuxta congruam
taxam cum parata pecunia exsolvat Et cum predicta facta fuerint predictum castrum predicto domino nostro seu cui preceperit
resignandum et tradendum litteras eciam gracial(es) et privilegia ac confirmaciones quascunq(ue) ab ipso domino
nostro Romanor(um) Rege impetrandum et omnia et singula faciendum que circa premissa necessaria fuerint vel eciam oportuna
Promittentes ratum et gratum tenere perpetuo atq(ue) firmum quicquid per dictum nostrum procuratorem actum factum et ordinatum
fuerit in premissis et quolibet premissor(um) dummodo sibi tradite potestatis fines non excedat Datum et actum in capitulo
nostro generali apud dictam nostram ecclesiam sancte Crucis ij Nonas febr(uarii) celebrato Anno domini M(illesimo) CCC(esimo) Lsecundo
presentibus honorabilibus viris dominis Henrico de Bants Johanne de Bydinbach Petro de Czedlicz Johanne de
Prus Joh(ann)e de Russindorph Joh(ann)e Bogoldi Haulo Czambory Jacobo de Reste et Vlrico de Czirna canonicis
ecclesie sepedicte ad premissa congregatis In cuius rei testimonium sigillum capituli nostri presentibus duximus appendendum