Wir Fridreich von gotes genaden Pischof ze Regensp(urg) bechennen offenlichen mit
disem brief daz wir unsim getriwen Rueden dem Reichen schuldig sein an guete
salbe hundert pfunt Regensp(urger) phennig und der hat er uns zwainzigist pfunt
barre gelihen und die and(er)n achtzig pfunt haben wir im gegeben auf den
Zehnt den er ze Tunnstauff geabt hat und tut und wir haben im die
selben hund(er)t pfunt gelobt ze geben auf sand Jorgen tag der schirst chumt
beschech daz niht so sol er sein chauf(er) un(d) sein erbn di selben hund(er)t pfunt
haben auf gult und auf waide in aller der masse als her Fridrich von
Ewe und auch er vor chauf(er) getan dar uf habent und des ze war(er)
urkund geben wir im disen brief versigelt mit unsim Insigel der geben
ist ze Tunnstauff drewzehen hund(er)t Iar und in dem drew und funfzigistem Iar an
sand Gylgen tag