Wir Ruprecht der elter von gots gnaden pfallenzgraue bei dem Rein des heilig(en) Römisch(en) Riches obrist(er) truchsæz vnd herzog in Beyren Entbieten allen herren freyen a(m)tmen dienstleuten Rittern Enechten burg(er)n
Leuten burg(er)n vnd gemein(n)chlechten der stete schultheizen gebauren vnd allen Lantsæzen geistlichen vnd werntlichen die in den Landen steten vnd wæichbilden der nachgeschrib(e)n vesten
stete vnd mærkte gesezen sind oder darinne lehengut oder erbe besizen vnser genedliche hulde w(a)nn wir mit wolbedachtem mute mit Rat vnser frunde vnd mit recht wissen dem allerdurchleuchti
gisten fursten vnd herren h(er)rn Karl Romischem kunig zu allen zeiten mer(er) des Riches vnd kunig zu Beheim vnserm lieb(e)n genedigen herren seinen erben vnd nachkumen kunigen zu Beheim vnd
der Cronen des selben kunigreichs erweclich vnd ewiclich vmb czwelf tausent mark lotiges silbers domite er den hochgebornen fursten hern Ruprecht den Jungern vnsers bruder sun aus seine(r)
vänknuzze von sachsen geledigt vnd geloset hat die nachgeschrib(e)n vesten Newenstat sterenstein hirschow vnd Liechtenstain vnd dæmlich vmb zwainczig tausent mark lotiges silbers die er vns
seliger gedechtnisse dem hochgebornen fursten h(er)rn Rudolffen etwænn pfallenzgrauen bey dem Rein vnd herzogen in beyren vnserm lieben bruder vns wissentlich gewendet vnd in gelihen hat die
nachgeschrib(e)n vesten stete vnd mærkte sulzbach Rosenberg hertenstain Nitten Durrendorf chlepoltstain Hohenstain Liechtenek frankenberg Lauffen eschanbach herspruck Auerbach
Pegniz Velden vnd die plech vnd alles daz vnser bruder der egenant zu Beyren Innegehabt vnd besezen hat mit allen dorfern Leuten herschaften guten gerichten stenn(er)n zollen geleuten
forsten wiltpennen gulten zinsen nuzen welden velden puschen geyæden vogelweiden wisen weiden wazzern mulen wazzerleuffen teichen vischerey bergen frunden slussen gemerken kren
zen waidmülen vnd allen nuzen ob vnd vnder der erden wie man die benennen mag vnd ouch mit Rittern Enechten a(m)tmen a(m)tscheften lehen lehenscheften verlehenen guten kirchenlehen vnd
Gotzgaben dyenern aygenleuten pfantscheften von dem Römisch(en) oder sust von yemant anders vnd allen zugehorungen erbe vnd aygen als iz gelegen ist pfantschaft fur pfantschaft recht vnd red
lich verkouft haben in aller der mazze als sie der obgen(ant) vnser bruder selig(er) Innegehabt hat vnd besezen hat vnd als sie von seinem tode uf vns erwecliche vervallen wæren vnd haben vns ver
zigen fur vns vnser erben vnd nachkumen ewiclichen alles rechten anspruch vnd anredung die wir zu den obgen(anten) vesten steten mærkten vnd allen zugehorungen als sie davor begriffen sind be
habt haben haben oder gehaben mochten indheinerweis vnd haben vns ouch verzigen aller hilfe gaistliches vnd werntliches rechtes vnd aller gesaze kayserlicher vnd bæbstlicher buche der lande
gewonhait vnd aller vbnüze vnd behelfnizze domit diser kouf mochte indheinenweis gehindert werden vnd meinen daz wir vnser erben vnd nachkumen vns domit nymmer indheinen zeiten
mit dem Rechten oder mit der tât mit worten oder werken behelfen sullen oder wellen Ouch haben wir gelobt mit guten trewn an geverd fur vns vnser erben vnd nachkumen dem obg(enanten)
vnserm herren dem kunige seinen erben vnd nachkumen kunigen zu Beheim daz wir in vnd der Cronen des selben kunigreichs alle die obgen(anten) vesten stete mærkte vnd zugehorung als sie davor
begriffen sind absprechen vnd antwurten sullen vnd wellen beynämen fur vnser vettern kayser Ludwigs seligen kinden herzogen Ruprecht(en) den Jungern vnsers bruder(s) sun dem obgen(anten)
vnd fur aller meniclich vnd fur aller anspruch aines yegleichen wie der genennet sey als in den Landen recht vnd gewonlich ist Darumb mit wolbedachtem müt vnbetwungen vnd
mit freyer willekür lâzzen wir euch allesampt vnd yegliche(m) besunder ledig vnd los aller huldunge trewen gelubde vnd eyde domit ir vns vnsern erben vnd nachkumen als pfallenzgrau(en)
bei dem Rein vnd herzogen in Beyren vnd den obgen(anten) lande etleichen erben von todes wegen vnsers bruder seligen oder sust indheinenweis vbunden gewesen seit oder gesein mochtet vnd weisen euch
an den obgen(anten) vnserm genedigen herren den Römisch(en) kunig vnd kunig zu Beheim sein erben vnd nachkumen kunige zu Beheim vnd an die Crone des selben kunigreichs vnd wellen vnd
gebieten euch allesampt vnd igleichem besunder stæte allesampt vnd yegleicher besunder zu hant vnweigerleichen vnd an alles hindernizze von ewern ewir erben vnd nachkumen wegen
entweich(en) dem vorgen(anten) vnserm herren dem Römisch(en) kunig als ainem kunig zu Beheim seinen erben vnd nachkumen kunigen zu Beheim vnd der Cronen des selben kunigreichs gancz
trew gehorsam vnd fleizige vndertanheit geloben hulden vnd sweren sullen als ewern rechten erbh(er)r(e)n vnd in die selben laisten vnd vollenfuren ewicliche als ir ewer erbh(er)r(e)n herrschaft
zu recht pflichtig seit Daruber zu grözzer(er) ewn sicherheit geloben wir euch mit guten steten trewn an geverd daz wir euch allesampt vnd yeglichen besunder wænn wir des ermanet
werden aller huldunge trewen vnd eyde domit ir vns indheinenweis verbunden gewesen seit oder gesein mochtet ledig vnd los sagen vnd lâzzen wellen mit vnser selbes munde vnd euch an
den vorgen(anten) vnserm herren den Römisch(en) kunig vnd kunig zu Beheim sein erben vnd nachkumen kunige zu Beheim vnd an die Cronen des selben kunigreichs vnweigerleichen weisen
mit vrkund diz briefes versigelt mit vnserm Insigel Der geben ist zu hagenow Nach Crists gebürt dreuzehen hundert vnd in dem drey vnd funfzigistem Jâr des nehsten dinstags
vor aller heiligen tag