Wir Johans von gots gnaden Burggraue zu Nurenberg bekennen vnd tun kunt offenlich mit
disem briue allen den die in sehin odir horen lesen daz der allirdurchluchtigste furste vnd herre
her Karl Romisch(er) kunig zu allen czeiten mer(er) des Reichs vnd kunig zu Behem vnsir lieber gnedig(er)
herre die vesten flozz vnd parkstein vnd waz dorczu gehoiret als ein kunig zu Behem von vns vnd
Grauen Albrechten vnsim Bruder vmb Sibentusent mark lotiges silbirs vierundsechczig guter
Behemisch(er) grozze prag(er) muncze fur ic die mark gereiten geledigit vnd gelosit hat vnd wir
des selbin gelts von der Bern gelt in dem kunigreich zu Behem recht vnd redlich beczalt seind
mit vrkund dicz briues versigilt mit vnsim Insigel der gebin ist zu Eger nach cristus geburte
dreyczenhundert Jar dornach in dem dreyundfunfczigiste(n) Jare des nechsten Sontags nach sanct
Elizabethen tage