Ich Johans von Waf(en)stein Herrich und tůn chunt offenlich mit disem brief daz mich
der aller durchlůchtigost h(er)r kaiser Karl rom(ischer) kaiser und kunig z(u) Behaim
richt und gewert hat aller der schuld und ampt die er mir biz uf disen hůtigen
tag ist schuldig gewesen und laz in der aller ledig und loz z(u) urkund dicz briefs
und dez z(u) urkund gib ich disen brief besigelt und gevestent mit minem Ingesigel
daz dar an hanget der gebn ist do man zalt von kristes geburt dreuzehen
hund(er)t jar und dar nach in dem fůnf und fůnfczigisten jar an dem nehsten
montag nach dem uffarttag