Wir ludwig genant der Romer von gotes gnaden Marggraue zu brandemburg vnd zu lusig des heiligen Reichs obrist Camer(er) pfallengraue bei Rein vnd herzog in Beyr(n) bekennen vnd
tun kunt offenlich mit disem briue allen den die in sehent oder horent lesen Allein die briue des allirdurchluchtigsten fursten vnd herren hern karls Romischs keisers zu allen zeiten mer des Reichs
vnd kungs ze Beheim vnsirs lieben genedigen herren die er vber seine pfantschaft der Stat vnd des landes zu Eger vnd der vesten flozz vnd parkstein vnd was dorzu gehoret gehabt hat vnd die
ouch selig gedechtnisse die hochgeborne fursten etwenne kunge zu Beheim sein eldern durch merklichen sachen willen von dem heiligen Reich behalden vnd erworben haben von widergemer vngeschicht
beide verbrennet vnd vorloren sein daz er domit sein recht nicht bewisen mag als billich were Doch sintdemal das vns dieselbe pfantschaft wol kundig ist vnd wir sulcher gelegenheit wol
vnd genglich vnderweiset sein daz die obgen(ant) Stat zu Eger mit dem lande vnd die vesten flozz vnd parkstein mit allen zugehorungen dem kungrich vnd der Cronen ze Beheim vmb vierzig
tusent mark lotiges silbers sechshalben gulden florenger gewicht vor yetliche mark gereiten ze rechtem pfande recht vnd redlich von wegen des heiligen Reichs versetzet sein vnd seinen eldr(n)
vnd voruaren kunge zu Beheim in gewer vnd rechter besitzunge derselben pfantschaffte gewesen sind vnd er noch ist vff disen hutigen tag des haben wir angesehen die besundre genad vnd
den nuczen fleizz vnd ouch die stateliche erbeit domit der obgen(ant) vnsir herre des heiligen Reichs nucz vnd ere getrewlich vnderstanden hat vnd haben ouch gebrunet die merklichen getrewen
dinst die sein eldern ettwenne hochgeborne kung zu Beheim dem egen(ant) Reich erlichen vnd nuczlichen offe getan haben Wann ouch das kungrich zu Beheim ein edles wirdiges geliet ist der Ro
mischen Cronen So meinen vnd wollen wir sulchen schaden des obgen(ant) kungrichs zu Beheim vinstatlich vndersteen durch die besundre trewe domit wir als ein kurfurste dem heiligen Reiche ver
bunden sein vff die rede daz der obgen(ant) vnser herre dasselbe sein kungrich zu Beheim durch sulchen zweifel icht beschediget oder gesmint werde So bekenne wir mit wolbedachtem mute vnd mit
recht wizzen glich andr(n) kurfursten vnd als sie ire briue doruber geben haben das die obgen(ant) Stat ze Eger mit dem lande vnd die vesten flozz vnd parksteyn mit acker(n) dorff(n) mit edlen
vnd vnedlen armen vnd reichen kreuzen vnd allen zugehorugen die in den gemerken derselben lande vnd vesten gelegen vnd geseczen sein des obgen(ant) vnsirs herren als eines kungs ze Beheim seiner
Erben vnd nachkumen kunge ze Beheim vnd der Cronen desselben kungrichs rechte pfantschaft lang gewest sein vnd noch sein fur vierzigtusent mark lotiges silbers sulchs gewichtes als douor
begriffen ist vnd dieselben pfantschaft bestetigen wir mit recht wizzen in aller der maze als douor begriffen ist vnd gebn dorzu vnss gunst willen vnd wort als ein marggrafe ze Bndeburg
vnd ze lusig obrist Camer(er) vnd ein kurfurste des heiligen Reichs zcu vrkund dis briues vsigelt mit vnsim anhangenden Jnsigel Der geben ist zu Nurembg(e) nach Criste geburtte Dreizen
hundt Jare dornoch in dem funffvndfunfczigstem Jare des nechsten dinstags nach sanct Andreas tag des heiligen Czwelfboten